JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

POVU INTELIJENTI DUNI IHA ELPAR

POVU INTELIJENTI DUNI IHA ELPAR

Akademista husi Dili Institute of Technology (DIT), Manuel Vong, konsidera, Eleisaun Parlamentar (ElPar) tinan ne´e, povu intelijenti duni hodi hili sira-nia reprezentante povu ba tur iha Parlamentu Nasional.

Manuel Vong dehan, hahú husi tinan 2002-2017 eleisaun parlamentar sempre iha dinamismu, tanba númeru Partidu Politiku (ParPol) ne’ebé maka forma Governu kada periodu ElPar ne’e la hanesan. “ParPol sira nia jornada iha tinan 15 ne’e, iha dinamika boot ida, ba ParPol sira ne’ebé maka konkore iha eleisaun, ita haree katak komesa husi ParPol 12 iha ElPar 2002, mai iha 2007 ParPol 8, mai iha 2012 ParPol 4 no agora ParPol 5, tanba ita-nia povu maka intelijenti tebes, sira determina sira-nia votus atu fó loos ba ParPol ida ne’ebé,” Reitor DIT ba Grupo Média Nacional liu husi diskusaun ne’ebé maka halo iha estudio GMN, Bebora-Díli, foin la-lais ne’e. Nia esplika katak, ParPol ne’ebé hetan fiar husi povu liu husi ElPar, hatudu katak hatuur sistema polítiku ne’ebé demokratiku hodi kontribui ba aspetu komun ne’ebé maka hotu-hotu hakarak.

foto :DedyRocha-GMN

“Agora rezultadu eleisaun 2017, hatudu katak ita iha patidu 5 maka tuur iha PN, analiza istoria husi ne’e hatudu katak em termos kultura polítika hahú kuda buat foun ida iha sistema demokratiku no fortifika ita-nia estrutura polítika 2 maka supraestrutura polítika no infraestrutura polítika, iha infraestrutura polítika iha orgaun soberanu 4, hanesan Prezidente Repúblika, PN, Governu no orgaun judisiariu,” dehan Manuel Vong. Nia akresenta, supra estrututa polítika mós funsiona ho diak komesa kedas husi primeira Governu to’o mai sétimu Governu konstitusional, hatudu katak estrutura polítika iha nivel supra ninian ne’e orgaun soberanu 4 ne’e hala’o ninia knaar ho diak.

Lee hotu :   HISTÓRIA KAFÉ “Hibrido de Timor”

“Tanba oferese prosesu dezenvolvimentu ne’ebé maka sustentavel ba povu tomak, liu-liu ita haree katak husi jerasaun ida ba jerasaun seluk iha ninia kontinuasaun, tanba ita hotu hatene katak liu husi jerasaun 1975 ninian, mai jerasaun 1990, jerasaun 1980 no 2000 ninian hakarak paz no dezenvolvimentu iha setor hotu-hotu,” relata Reitor DIT ne’e. Nia realsa mós katak, lideransa kada ParPol hotu-hotu ezisti ho intensaun ida ne’ebé diak, para implementa programa no dezenvolve dezenvolvimentu ne’ebé diak ba jerasaun hotu-hotu.

Entretantu tuir observador Komunikasaun Sosial, Expedito Dias Ximenes no Prezidenti Konsellu Imprensa Virgilio Guterres, fo hanoin katak, prosesu ElPar 2017, hahú husi kampaña eleitoral, votasaun, kontajen votus, husi prosesu STAE no CNE to’o iha Tribunal Rekursu, hatudu katak Timor-Leste kumpri duni palavra independensia total, nune’e liu husi ElPar ne’ebé maka Timoroan rasik dirizi hatudu ona asaun tuir prosesu demokrátiku ninian.ves

Add to Comments Here!!!!

error: Content is protected.
Secured By miniOrange
You might also like:
DÍLI MANAN MEDALHA OSAN MEAN BARAK LIU

Munisipiu Díli mak manan medalha osan...

PNTL GRADUA SARJENTU FOUN 114

Membru  Polisia Nacional Timor Leste (PNTL)...

MINISTÉRIO FINANÇAS SEI MUDA KONTA BANKARIA BNU BA BNCTL

Diretor ba Diresaun Nasionál Transporte no...

Close