PROJETU LIFAU OE-CUSSE AMBENO ABANDONA

Projetu Lifau Oe-Cusse Ambeno abandona ona durante tinan ida, hahu fulan Agusto 2016 too ohin loron tamba  autoridade lokal  ho governu sentral sei koalia hodi hein governasaun foun atu responsabiliza projetu ne’e.

Ba kestaun nee Sekretariu Regional ba Edukasaun no Solidariedade Sosial Arsenio Bano, hatete projetu lifau ne’e ekstende ,tamba autoridade ho governu sentral sei koalia kona-bá modifikasaun dezenu. Arsenio Bano, hatutan projetu Lifau  paradu oituan, tamba diskusaun la’o naruk entre autoridade lokal ho Governu Sentral ,alénde iha preparasaun ba modifikasaun dezenu.

foto:HugoMdoRego-GMN

“Projetu Lifau ,laos abandonadu, maibe projetu lifau ne’e hanesan ekstende ,tamba autoridade ho Governu sentral sei koalia hodi hein Governasaun foun hodi toma konta ba projetu ne’e hodi aserta  programa ne’e atu la’o oin ne’e oinsa”hatete  Sekretariu Regional Ba Edukasaun No Solidaridade Sosial Arsenio Bano, ba GMN iha Oe-cusse. Durante projetu Lifau Oe-cusse Ambeno ne’e la’o Governu sentral mak toma konta, tamba ne’e sira sei hein Governu foun mai atu toma responsabilidade ba projetu ne’e. “Iha paradu oituan ,tamba diskusaun la’o naruk entre autoridade ho Governu sentral , tamba durante projetu lifau la’o , Governu sentral mak toma konta”nia hatete. Hanesan Sekretariu Regional Ba Edukasaun No Solidaridade Sosial Arsenio Bano, haluha tiha katak, kompania ne’ebé mak momentu ne’e kaer projetu refere. “Hau haluha tiha ona kompania ida ne’ebé mak kaer projetu lifau ne’e, tamba kleur liu fulan hat to’o lima mak hau haluha ona”nia esplika.tos