JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Dom Virgílio: Sarani sira tenki reza ba paz ”Keta monu ba tentasaun”

Dom Virgílio: Sarani sira tenki reza ba paz ”Keta monu ba tentasaun”

Atu komemora loron Natal, ne’ebé monu iha loron 25 fulan Dezembru ne’e, Bispu Dioseze Dili Dom Virgílio do Carmo, husu ba sarani sira atu reza ba paz, hahú husi uma laran no ba nasaun.

“Ita hotu tenki senti katak, Natal loron dame no domin nian, la bele deit iha múzika no buat seluk, ho oinsa mak ita halo duni ita-nia fuan ne’e iha domin no dame,”dehan Bispu Dioseze Dili Dom Virgílio do Carmo da Silva, ba Jornalista sesta foin lalais ne’e (15 /12/2017) iha Postu Administrativu Metinaro, Munisipiu Dili.

Hanesan Bispu Dioseze Dili, husu ba sarani sira hahú husi labarik kiik, ema boot, ferik no katuas sira,  lorokraik halibur hamutuk iha kapela, parokia, casa religiosa sira, atu halo orasaun ida ne’ebé hanesan, ambiente ema hotu, atu bele ajuda ema hotu, selebra loron dame hodi hein maksoin ne’ebé iha loron Natal ne’ e.

“Ha’u nafarin hato’o mensajen, kovida sarani sira hotu  atu reza, ba nai ulun sira, hotu ne’ebé buka dalan oin-oin atu rezolve problema iha rai laran, maibe nu’udar sarani ita tenki fiar katak ho maromak ninia tulun, intervensaun, bele loke ema nia fuan, leno ema hotu hamutuk kaer liman hodi harii paz no dame,”dehan Dom Virgílio.

Keta monu ba tentasaun

Nune’e mós, Bispu Dioseze Dili Dom Virgílio do Carmo da Silva, hatete, sarani sira tenki  firmeza ho sira-nia fiar, tamba agora dadaun iha movimentu relijiaun seluk, ne’ebé tenta atu sobu sarani sira-nia fiar.

“Ita ne’ebé sai sarani ona, ita tenki hatene, firmi iha ita-nia fiar, maske iha tentasaun barak, no ita-nia fiar kuandu nakdoko ne’e, tamba dala barak ita dada a’an husi igreja, ita la harohan, no la rona maromak nia liafuan. Buat hirak ne’e mak hanesan ai ida ne’ebé ita kuda  tiha ona, maibe ita la rega, entaun ho situasaun sira hanesan ne’e halo ita-nia fiar mós nakdoko,”Bispu Dioseze Dili, Dom Virgílio do Carmo da Silva hato’o lia hirak ne’e, ba Jornalista sira sesta  foin lailais (15/12/2017)  iha Postu Aministrativu Metinaro.

Lee hotu :   Dom Vírgilio: Diocese uza osan subvensaun ba setór tolu

Dom Virgílio, mós husu nafatin ba juventude sira firmi hodi fiar nu’udar sarani,  no mós ba inan aman sira. Iha ema balun mai hakarak lori, oan sira atu ba eskola, maibe sira mai la’os ho projetu ida atu lori labarik sira, maibe mai atu lori labarik hirak ne’e atu tama ba iha sira-nia fiar,dehan Dom Virgílio.

“Inan-aman no ba ita ne’ebé iha ona relijiaun Katólika, molok se deit mak mai atu lori ita-nia oan,  tuir ema hirak ne’ebé relijiaun seluk atu ba eskola, maibe tenki hatene, labarik sira ne’e ba eskola duni ka lori tamba  razaun relijiaun nian, hodi abandona ita-nia fiar,”akresenta Bispu Dom Virgílio.

Dom Virgílio hatutan, iha dalan ida mós sarani sira muda sira-nia a’an no fiar ba relijiaun seluk, tamba sira-nia fiar la metin, maibe tenki rekoñese katak, ida ne’e hanesan dezafiu ida mos, atu bele koko fiar ema idak idak ninian, motiva ka iha liafuan ida dehan katak, atu purifika liu tan.

“Ba ida ne’ebé fiar metin ne’e sei mantein, no ba ida ne’ebé fiar la metin nia sei monu lalais. Ne’e duni maske iha dezafiu hirak ne’e mós, ita nafatin kovida sarani sira hamrik metin nafatin, tamba buat hirak ne’e hanesan tentasaun ida, koko no atu hatene sarani sira-nia fiar lolos,” dehan Dom Virgílio.Oly

Add to Comments Here!!!!

error: Content is protected.
Secured By miniOrange
You might also like:
Australia konkorda asina tratadu foun fronteira marítima ho TL

Konteudu dokumentu ba tratadu fronteira maritima...

PPN la hakruk ba rekursu BOAMP, OR sei la diskuti ”FRETILIN konsidera opozisaun taka erru Governu anterior ”

Bankada Opozisaun Aliansa Maioria Parlamentar (BOAMP)...

“MUNDO HO TETUM” Loron-16 Fulan-Dezembru Tinan-2017

Close