JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Dom Virgílio espera rekursu GS bele fó servisu ba timoroan

Dom Virgílio espera rekursu GS bele fó servisu ba timoroan

Bispu Diocese Díli, Dom Virgílio do Carmo da Silva, SDB hein katak, rekursu husi fronteira marítima, liu-liu esplorasaun dada kadoras Greater Sunrise (GS) mai iha Timor bele fó servisu ba timoroan barak.

Dom Virgílio hato’o asuntu ne’e hafoin prezide misa solene iha Jardim dos Herois da Pátria Metinaro Díli, Sábadu(18/2), hodi husu tulun ba Maromak atu haraik forsa no matenek ba ekipa negosiasaun fronteira marítima ne’ebé lidera Xefi Negosiadór Kay Rala Xanana Gusmão iha estranjeru atu bele hala’o servisu ho di’ak no susesu.

Tuir Dom Virgílio, rekursu natural iha Tasi Timor  nu’udar timoroan hotu nian, tanba ne’e sé de’it mak ukun país ida ne’e, tenki hanoin dezenvolve povu timoroan nia moris.

“Ohin ita mai hamutuk iha ne’e hanesan ita hotu hatene katak ita nia negosiadór sira ne’ebé halo hela negosiasaun konaba ita nia rikosoin sira ne’e, liu-liu Xanana rasik, liuhusi ita nia veteranu sira husu atu organiza misa ida, atu husu ba Maromak nia espíritu santu atu fó liutan naroman sabedoria atu ho kalma, koalia no defende buat ne’ebé pertense ba Timor nian. Rikusoin ne’e pretense ba rai ida ne’e nian. Sé de’it mak ukun uza rikusoin hirak ne’e hodi dezenvolve povu timoroan nia moris. Liu-liu sira ne’ebé ki’ak mukit ne’ebé seidauk goza buat ne’ebé dehan liberdade, seidauk iha ahi, bee no uma ne’ebé digñu ba sira. Ita manan hein katak ida ne’e bele realiza,” hateten bispu Virgílio ba jornalista sira.

Entretantu Peskizador NGO Lao Hamutuk, Juvinal Dias hateten, wainhira pipeline dada mai iha Timor Leste, Estadu presiza halo análiza didi’ak hodi asegura vantajen ba Timor Leste no husu ba Estadu atu kumpri nia obrigasaun hodi maximiza benefísiu ba povu

Lee hotu :   IMPASE POLÍTIKU, IGREJA KATÓLIKA AKOMPAÑA HUSI LIUR

“Hanoin povu ida ne’e luta atu konkista nia soberania, wainhira soberani konkista tiha ona no ita bele hetan direitu hirak ne’e hanesan dezenvolvimentu kampu, ita husu ba Estadu atu tuir obrigasaun ne’ebé iha hodi maximiza benefísiu hirak ne’e ba povu Timor Leste. No sé pipeline dada mai Timor Leste, Estadu tenki análiza ne’ebé di’ak hodi bele asegura katak vantajen ba Timor Leste ne’e boot liu do que risku sira,”hateten  Juvinal Dias.

Partisipa iha selebrasaun misa ne’e, Xefi Estadu Maior Jeneral F-FDTL, Major Jeneral Lere Anan Timur, Komandante Jeral PNTL Komisáriu Júlio Hornay, Eis Prezidente Repúblika Taur Matan Ruak, maibé la hetan partisipasaun máximu husi membru governu, inklui Primeiru Ministru no Prezidente Repúblika atual.

Tuir planu misa ho objetivu hanesan sei hala’o mós iha munisípiu seluk iha semana oin.

MEU apoiu Xanana lori kadoras mai TL

Movimentu Estudante Universitariu (MEU) apoiu Fronteira Marítima (FM), enkoraja negosiador prinsipal FM, Kay Rala Xanana Gusmão, ho nia ekipa atu iha espiritu vontade nafatin hodi luta lori kadoras fila mai Timor-Leste (TL).

“Ami estudante universitariu fo apoiu tomak ba xefi negosiador sei manan FM no lori kadoras dada mai Timor-Leste” Movimentu estudante universitariu apoiu FM UNDIL, fo sai Sentimentu garantia ne’e, husi Portavoz Celestino da Coceiçao, liu hosi konferensia imprensa hafoin partisipa misa solene iha Semiteriu herói Metinaro, Sábadu (17/02/2018).

MEU apoiu FM, mós husu Governu Australia atu respeita direitu territorial povu no nasaun doben Timor-Leste nia riku soin ne’ebé iha.

“Ami fiar katak Maromak, Natureza Timor no herói sira tomak hamutuk ho ita nafatin, no sei manan iha prosesu tomak, luta  ba Fronteira Marítima ne’e ita hotu nian, laiha rezerva, laiha sikun no ninin hodi defende nafatin rai doben ida ne’e, no akordu ne’ebé sei realiza iha Kuala Lumpur Malaisya iha loron 19-22 fulan Febreiru ne’e,”esperansa MEU apoiu FM.

Lee hotu :   Mota Comoro sobu moru protesaun, Komunidade ejiji governu halo investigasaun

Alende ne’e, movimentu estudante mós husu líderansa nasionál Timor nian, maske ho hanoin no diferensa ideolojia polítika partidária, maibe tenke hamutuk hodi defende nafatin povu nia soberania.

“Diferensa polítika ne’e interna ita nian, ba comum ita tenke hamutuk hodi defende nafatin ita nia soberania, husu mós povu Timor-Leste tomak mantein nafatin ita nia unidade nasionál hodi tane a’as ita nia nasaun doben ida ne’e nia dignidade tomak”hateten Celestino.

Tuir planu, iha loron 19 to’o 22 fulan ne’e, ekipa negosiasaun Fronteira Marítima TL sei asina akordu ho Governu Australia, hodi hakotu polémika FM durante ne’e ho nasaun Australia.

Alende ne’e, ekipa negosiasaun FM mós sei luta, no diskute hela atu dada kadoras mai Timor-Leste. Ías/Say

Add to Comments Here!!!!

error: Content is protected.
Secured By miniOrange
You might also like:
Igreja Katólika apoia esforsu Xanana • Gregorio: “Laiha Xanana ita bele susar”

Igreja Katolika Timor Leste hamutuk ho...

JORNAL NACIONAL GMNTV Loron-17 Fulan-Fevereiru Tinan-2018

Pro Memoria GMNTV Edisaun.10 versaun kompleitu

Close