JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Impaktu husi udan bo’ot, Merkadu Taibesi nakonu ho foer

Impaktu husi udan bo’ot, Merkadu Taibesi nakonu ho foer

Iha semana ida ne’e nia laran, merkadu Taibesi nakonu ho foer, tanba impaktu husi udan bo’ot ne’ebé akontese iha kapital Dili.

Xefi Jestor Merkadu Taibesi, Anibal de Jesus, informa, udan bo’ot ne’ebé akontese iha loron Domingu foin lalais ne’e, bee hodi foer husi komunidade sira-nia uma leet, ba para hotu iha merkadu Taibesi laran.

“Maske dader-dader negosiante sira halo limpeza jeral iha merkadu ne’e, maibé kuandu udan bo’ot mai, mota oan sira tun lori foer sira iha foho leten ne’e mai butuk iha merkadu laran, tanba bee dalan seidauk iha, nune’e bee suli latuir nia dalan, tanba ne’emak lixu loron ba loron aumenta ba bei-beik, entaun servisu kona ba lixu nian atu menus ne’e laiha, tanba loron ba loron vendedores iha merkadu ne’e mós aumenta ba bebeik,” relata Anibal de Jesus ba GMN iha Merkadu Taibesi Dili, Segunda (12/03)

Anibal esklarese, durante ne’e sira preokupa ho kareta kamioneta raut foer sira iha  merkadu Taibesi, tanba kareta la sufisiente atu tula loron ida deit, tanba kareta tula foer iha merkadu Taibesi ne’e, rua de’it.

“Lixu merkadu Taibesi nian ne’e,  dadersan tula lori ba soe, depois lorokarik nakonu fila fali ona, tanba ne’e mak tula mós lahotu tanba, lixu iha fatin rua ne’e barak tebes. Ami  hato’o tiha ona ba diresaun Munisípiu Dili nian, para bele rezolve, maibé ate agora seidauk rezolve ba preokupasaun sira ne’e, tanba orsamentu laiha,”dehan Anibal.

Nia haktuir, dekretu lei iha tiha ona katak, semak soe foer arbiru iha dalan ninin, sei hetan sansaun, maibé lei ne’e rasik to’o agora Governu seidauk implementa.

Lee hotu :   Dom Basilio: Moral ba foinsa’e sira agora mihis

“Tanba ne’e mak ami uza mekanismu seluk, bainhira ami hetan vendedor sira soe foer arbiru, no liu oras soe foer,  ami fó sansaun kedas liu husi kastigu, halo sira limpeza iha merkadu laran tomak para loron seluk soe foer karik, soe iha fatin lixu no oportunidade ne’e nia mós husu ba Governu atu aumenta kareta kameoneta raut foer nian, no ekipamentus seluk tan para hodi servisu ho diak liu,” katak Anibal.

Iha fatin hanesan, vendedor Domingas Monteiro, hateten, foer barak iha merkadu Taibesi ne’e, moras mós fasil atu hetan, liu-liu ba labarik kiik oan sira.

“Fasil atu hetan moras, tanba kuandu udan bo’ot mai foer ne’e dois la halimar, tanba dodok ona ne’ebé bele fó impaktu ba vendedor sira, no ema ne’ebé mak mai sosa sasan iha fatin ne’e hakribi. Lolos ne’e fatin hanesan merkadu ne’e, tenki moos, tanba ema komprador barak inklui malae sira mai sosa modo iha fatin ne’e, tanba presiza ambiente ne’ebé mak moos,”katak Domingas.aba

Add to Comments Here!!!!

error: Content is protected.
Secured By miniOrange
You might also like:
GRANDE ENTREVISTA GMNTV Hamutuk ho Veteranus nain rua, Sr. Gregorio Saldanha nomos Sr. Vasco Criado

JORNAL NACIONAL GMNTV Loron-12 Fulan-Marsu Tinan-2018

DJAA lansa sistema Asycuda Word

Diresaun Jéral Autoridade Audineira (DJAA) ho...

Close