JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Paskoa, lori mensajen domin  Esperansa paz to’o EA

Paskoa,  lori mensajen domin   	Esperansa paz to’o EA

Sarani Katolika, foin selebra festa Paskal iha Sabadu kalan (31/3/2018). Sentidu husi missa paskal ne’e mak lori ema sai husi nakukun ho sinal ahi-oan paskal nian.

Liu husi missa paskal iha Igreja Katedral Dili, Bispo Diocese Dili, Mgr. Virgilio do Carmo da Silva, SDB, haklaken katak, festa paskoa selebra tinan ida dala  ida, tanba ne’e, saran isira tenke selebra ho domin, paz no unidade.

“Ita halibur hamutuk selebra festa  paskoa, mensajen ida husi nakukun ba naroman. Ita sunu  lilin hodi hafutar knanuk paskoa nian konvida rai tomak atu haksolok  ho domin boot,” hateten Dom Virgilio do Carmo da Silva, SDB, iha nia humilia.

Dom Virgilio haklaken mos kona-ba Papa Francisco nia  mesajen ba foin sa’e sira  dehan,   foin sa’e sira sa ida mak halo imi tauk,  no  halo imi preokupa tebes, buat  ne’ebe halo imi  la hakmatek,  tauk,  sente la iha  ema ruma fo atensaun,  la hadomi, la simu imi hanesan buat ne’ebe imi iha. Tanba ne’e foin sa’e barak mos iha tendensia atu inventa buat ruma kona-ba nia a’an maske la tuir  realidade, katak, kria identidade falsu atu nune’e bele dada ema seluk nia atensaun no apresiasaun ne’e laos atu fo solusaun dala barak aumenta  stress.

Paz husi Paskoa to’o EA

Husi sorin seluk, Ministru Comerçio no Industria (MCI), Antonio da Conçeicão, fiar katak, paz ne’ebe mak sarani sira hatudu iha durante tempu paskua nian bele to’o iha eleisaun antisipada.

“Ha’u hanoin selebrasaun festa Paskoa ida ne’e sai hanesan mos ita hotu bele kontente no orgulho, tanba ho Jesus Kristo nia moris hias remata selebra festa Paskoa to’o ita hasoru eleisaun antesipada ho paz,” dehan Antonio Conçeicão ba jornalista hafoin pastisipa misa iha igreja Katedral  Dili.

Lee hotu :   Sim card telefone la rejistradu, sei desativa

Prezidente Repúblika (PR), Francisco Guterres Lu-Olo, dekreta ona eleisaun antesipada atu hala’o iha loron 12 fulan Maiu no kampaña eleitoral sei hahuu  iha loron 10 fulan Abril, tinan ne’e. ety

 

Add to Comments Here!!!!

error: Content is protected.
Secured By miniOrange
You might also like:
TR rezeita rekursu KOTA ho ASDT

Tribunal de Recurso rezeita rekursu husi...

Transmisaun Direta Misa Sabdu Aleluia iha Igreja Santa Cruz Maliana

JORNAL NACIONAL GMNTV MEIO-DIA Loron-31 Fulan-Marsu Tinan-2018

Close