JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

SEJT garante transparensia ba Traballador Timor-oan

SEJT garante transparensia ba Traballador Timor-oan

Governu liu husi Sektretariu Estadu Juventude Trabalhu (SEJT), halo teste konkorete 7.255 kona ba lian Korea nian, atu tuir formasaun lian Korea. Sekretáriu Estadu Juventude Traballu, Nivio  Leite Magalhães, promete sei garante transparensia ba trabalhador Timoroan sira ne’ebé atu ba servisu iha Korea do Sul no Australia.

Nivio Magalhães hatutan, Governu halo selesaun ba kandidatu 7.255, no husi númeru ne’e, semak liu sei tuir formasaun kursu lingua Korea, hodi prepara ba serbisu iha Korea iha área peska.

“Komesa agora halo teste no selesaun ba trabaladores ne’ebé hakarak ba servisu iha Korea, tanba liu husi teste ida ne’e mak foin bele hatene, semak bele ba maibé antes atu ba, sei iha kritéria para bele tuir, primeiru sira sei tuir formasaun kursu lingua Korea nian durante fulan nen (6), depois sei halo teste ko’alia lingua Korea nian para ba iha ne’eba ita nia traballdores sira ne’e atu uza servisu,” afirma Nivio Magalhães ba GMN iha GMT Caicoli Dili, Tersa (17/04).

Nia hatutan, kompañia sira iha Korea fó oportunidade ba Timor oan hotu atu tuir partisipa, la haree ba familia, partidária no grupu, maibé hot-hotu iha direitu hanesan, tanba ida ne’e programa Governu nian.

Nivio haktuir, Trabaladores sira ne’e sei fahe ba grupo 4, no teste ba lian Korea ne’e, sei hala’o durante loron rua.

Nivio Magelhães esklarese, Governu sei garante transparensia teste ba trabalhador Timor-oan ne’ebé atu ba servisu iha Koreia do Sul,  liu-liu  garante katak, sei la mosu familiarizmu, maibé tenki loke ba públiku.

“Programa ida haruka trabalhadores ba rai liur ne’e, tenki loke ba públiku no ema hotu liu husi dalan transparensia, no Timor-oan sira tenki hetan oportunidade hanesan, tanba ne’e faze selesaun sei la haree ba grupu, partidu ka familia,” katak  Nivio Magehlães.

Lee hotu :   OIPAS sei destaka observador 837 hodi monitoriza EA

Tuir Nivio Magehlães, Timor-oan hotu ne’ebé iha kapasidade tenki hetan oportunidade hanesan ba servisu.

“Timor-oan hotu ne’ebé iha nia kapasidade, sira merese atu hetan oportunidade ba servisu iha rai liur. Ami mós sei konvida ema mai husi rai liur atu akompanã prosesu selesaun hotu-hotu, tanba ne’e sei la iha segredu no la iha aktividade klandestina ba programa Governu nian, programa Governu nian iha tanba povu, e ha’u sei asegura programa hotu-hotu fó benefisiu ba povu, liliu ba kbit laek sira atu hadia ekonómia familia nian,” dehan Governante ne’e.

Iha fatin hanesan kandidatu Edmundo da Cruz, hateten, nia partisipa iha teste lian Korea ne’e, tanba hakarak atu ba servisu iha Korea.

“Ha’u hakarak tuir tes ne’e tanba hakarak aprende lian korea, tanba haree mós ba nesesidades moris lor-loron nian, seidauk diak tanba ne’e maske tes mak ha’u laliu, ne’e sai nudar esperensia ida hodi bele haka’as an atu kontinua tuir nafatin, tanba parte ida lian Korea ne’e importante ba ita tanba, ne’e mak ha’u mai koko atu tuir teste ne’e,” katak Edmundo.

Tuir planu semana oin Governu liu husi SEJT sei loke mós oportunidade ba Timor oan hotu atu teste ba servisu iha Australia. aba.  

Add to Comments Here!!!!

error: Content is protected.
Secured By miniOrange
You might also like:
PNSIK detein suspeitu tráfiku umanu

Polísia Nasional Servisu Investigasaun Kriminal (PNSIK),...

Mari Alkatiri: Kualidade edukasaun mak hasai povu husi nakukun no Kiak

Sekretariu Jeral Partidu FRETILIN hatete, Fretilin...

Xanana : Maromak no rai lulik maka la fo FRETILIN ukun

Prezidenti Aliansa Mudansa ba Progresu (AMP),...

Close