JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

OIPAS sei destaka observador 837 hodi monitoriza EA

OIPAS sei destaka observador 837 hodi monitoriza EA

Observatóriu da Igreja ba Asuntus Sosiais (OIPAS) sei destaka observador hamutuk 837 hodi halo monitorizasaun ba Eleisaun Antesipada (EA) ne’ebé sei hala’o iha loron 12 fulan Maiu tinan ne’e.

“Durante kampaña ita destaka ema 84 maka nu’udar membru permanente no halo ona observasaun iha longu prazu no iha tempu eleisaun 12 Maiu ne’e ita sei destaka membru hamutuk 837 iha sentru votasaun sira iha rai laran hodi monitoriza hodi bele garante liberdade votu no transparánsia,”hateten Diretór OIPAS, Pe. Agostinho Soares liuhusi konferensia imprensa OIPAS nian iha Salaun Katedral Díli, (10/5/2018).

Iha okaziaun ne’e, OIPAS mós apresia povu Timor Leste (TL), tanba kontinua hatudu maturidade polítika ne’ebé aas hodi kontribui ba paz durante prosesu kampaiña hodi hakat ba eleisaun antesipada.

Alén de ne’e, OIPAS mós agradese ba órgaun eleitorál sira hanesan Comissão Nacional de Eleições (CNE), Sekretariadu Tékn iku Administrasaun Eleitorál (STAE), parte seguransa no defeza, tanba bele servisu maka’as hodi garante kampaiña la’o iha ambiente hakmatek no paz.

Maski nune’e, OIPAS mós kontinua apela ba sidadaun hotu, liu-liu entidade sira relijiozu no relijioza sira atu tau atensaun ba prosesu eleisaun antesipada hodi nune’e bele garante nia transparánsia, sekretu no liberdade votu.

“Iha biban ne’e OIPAS mós hakarak apela ba eleitór sira hotu atu hakat ba iha sentru votasaun sira hodi bele ejerse sira nia direitu de votu iha 12 Maiu 2018, tanba sira nia votu iha eleisaun antesipada ida ne’e mak determina formasaun governu ne’ebé di’ak no forte,”Pe. Agostinho hatutan.

OIPAS nu’udar órgaun sosiál uma kreda Katóliku ne’ebé hamahon-an iha Conferénsia Episcopal Timorense (CET) no hala’o ona monitorizasaun kampaña eleitorál hahú husi loron 10 fulan Abril 2018 to’o loron 9 fulan Maiu tinan ne’e.

Lee hotu :   Preparasaun ba selebrasaun 20 Maiu, Governu lufu-lafu de’it

No iha kampaña foin lalais ne’e OIPAS destaka ona nia membru hamutuk 84  no sei destaka tan membru observador hamutuk 837 iha sentru votasaun sira iha rai laran hodi monitoriza eleisaun antesipada iha 12 Maiu mai atu bele garante liberdade votu no transparánsia.ías

Add to Comments Here!!!!

error: Content is protected.
Secured By miniOrange
You might also like:
ONG Belun rejista krime eleitoral 107

Organizasaun Naun Governamentais Belun (NGO Belun)...

Governu atribui US$ 15 milhoens ba uma kreda TL ho

Governu Timor-Leste atribui US$ 15 Milhoens...

Ezekusaun orsamentu duo désimu atinji 60%

VII Governu konstitusional ne’ebé lidera husi...

Close