JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

KOMISAUN E GARANTE FUNSIONAMENTU SENTRAL ELÉKTRIKA 2

KOMISAUN E GARANTE FUNSIONAMENTU SENTRAL ELÉKTRIKA 2

Komisaun E Parlamentu Nasionál (PN) ne’ebé haree liu ba área temátika Infra-estrutura, sei kontinua garante no asegura funsionamentu sentral elétrika 2 (Hera no Betano), atu nune’e kontinua lakan iha territóriu Timor laran tomak, kompromete Prezidente komisaun E, Abel Pires ba jornalista iha PN, Kuarta (11/07/2018).

“Kestaun ne’e seríu, tanba eletrisidade ne’e kobre ba teritóriu tomak, kuaze 85% populasaun Timor ne’e hetan fornesimentu enerjia, entaun ne’e kestaun seríu, urjentemente, ha’u hanesan Prezidente komisaun E, ha’u bele asegura katak ita-nia populasaun hakmatek, tanba ami iha ne’e atu rezolve problema sira ne’e, kona-ba ne’e ha’u garante sei laiha problema, tanba saída mak akontese ne’e kestaun jestaun de’it, tanba ne’e, imediatamente loron ida rua ne’e ami sei rezolve lalais ida ne’e,”hatan Abel Pires ba GMN.

Deputadu AMP ne’e mós apela ba públiku, atu kontinua hakmate no laran taridu, tanba Parlamentu no Governu sei kontinua asegura no garante sei mosu buat ruma ne’ebé grave, tanba Timor-Leste iha osan atu garante funsioanamentu mákina Estadu.

Tuir deputadu ne’e mós, kestaun atual ne’ebé Timor-Leste infrenta, la’os kestaun osan, maibe jestaun.

“Dalan barak, ha’u husu ba públiku lalika hakfodak no laran taridu, tanba Parlamentu iha para atu aujda rezolve, no governu iha para atu rezolve, inklui AMP ne’e mosu para atu hadia povu nia moris, kestaun ne’e kestaun pertinenete tebes, ami sei buka dalan rezolve imediatamente, ha’u sei kontaktu kedas ba parte ne’ebé kompetente, tanba ita bele haré iha ne’e entidades barak, hanesan EDTL, kompanha ne’ebé fornese kombustivel, ne’ebé ita bele buka dalan di’ak hela, tanba ita-nia kestaun agora ne’e la’os orsamentu, Timor-Leste iha osan atu garante funsionamentu ba buat hotu, maibe problema mak situasaun tranzisaun, dala barak Governu no Parlamentu nia fokus ne’e ba  tiha buat seluk, hanesan agora dadaun ne’e ita nia Primeiru Ministru (PM) foku oinsa halo kompleta membru governu ne’e para aprezenta ona programa no orsamentu hodi submete mai PN, ita garante PM Taur Matan Ruak sei rezolve lalais ida ne’e,”dehan deputadu PLP ne’e.

Lee hotu :   Asegura enerjia eletrisidade lamate, ETO preparadu deskarega tan kombutivel tonelada 8

Iha sorin seluk, deputadu bankada Fretilin, Antonino Bianco, hateten, problema kombustivel iha sentral elétrika, la’os kompetensia Parlamentu nian atu asegura, maibe Governu nia kompetensia nu’udar jestor.

Tanba ne’e, nia parte rekomenda ba VIII Governu atu aprezenta lalais Programa, hodi nune’e bele aprezenta ona orsamentu ba tinan 2018 nian.

“Governu mak jestor Estadu, tanba ne’e, nia (Governu) mak iha kompetensia no dever atu hateke sasán sira ne’e, oinsa mak bele servi povu, tanba ne’e husu VIII Governu atu aprezenta lalais nia programa, depois programa liu karik, bele aprezenta fali orsamentu ba 2018, kuandu hanesan ne’e mak bele rezolve problema,” hateten deputadu Antonino.

Deputadu Fretilin ne’e sujere ba governu, atu buka lalais solusaun para oinsa bele fornese mina ba sentral elétrika sira.

Tanba Governu da ualu lahanesan ho Governu dahuluk nian, tanba governu agora iha osan hein buka de’it meius, duke Governu primeiru ne’ebé tama laiha osan, maibe konsege rezolve buat hotu.

“Deputadu V lejislatura nia husu Governu ida agora ne’e, esforsu oinsa mak bele rezolve, dentru kapasidade orsamentu ne’ebé mak iha, ho meius oinsa tenke buka rezolve, hanesan mós ezemplu primeiru Governu nian, ne’ebé tama ho orsamentu laiha, maibe buka meius oinsa mak bele rezolve  problema ne’e, maibe agora ne’e osan iha, hein buka oinsa mak rezolve, oinsa mak bele fornese mina, governu iha responsabilidade atu tenta buka solusaun, ba problema ne’e,”Deputadu Fretilin ne’e subliña.

Antes ne’e, diretor jeral Eletrisidade de Timor-Leste (EDTL) Virgílio de Fátima Guterres, relata, kombustivel ne’ebé sentral elétrika Hera agora dadaun iha, sufisiente de’it ona ba fulan 1, no iha sentral elétrika Betano, sufisiente de’it ona ba semana 1 ho balun.

Lee hotu :   Komunidade Hera halerik ba be mos.

Enkuantu, dívida ba sentral elétrika 2 ne’e, kuaze to’o ona 30 milloens.Say

Add to Comments Here!!!!

error: Content is protected.
Secured By miniOrange
You might also like:
BIS XILIAX BAKU FILA IHA COMORO, NAIN 9 KANEK

Bis XILIAX ne’ebé halai diresaun Ermera-Dili,...

DEPUTADU V LEJISLATURA KONTINUA UZA PRADO TUAN ■ KUAJE 53 MUDA ONA XAPA BA PRIVADU

Deputadu sira iha Parlamentu Nasionál (PN)...

DIONÍSIO REPREZENTA PR BA SIMEIRA CPLP-CABOVERDE

Ministru Negosius Estranjeiru no Kooperasaun (MNEK),...

Close