JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Asegura enerjia eletrisidade lamate, ETO preparadu deskarega tan kombutivel tonelada 8

Asegura enerjia eletrisidade lamate, ETO preparadu deskarega tan kombutivel tonelada 8

Empreza fornesidor kombustivel ba Sentral Eletrika Hera, Esperansa Timor Oan (ETO) preparadu ona atu deskarega tan kombustivel tonelada 8 hodi asegura sustentabilidade energia eletrisidade Sentral Eletrika Hera ho Sentral eletrika Betano.

Iha Sabadu (18/8/2018), ETO hatama tan ona kombustivel tonelada 8 iha Ro Winson nia laran ne’ebé atraka ona iha Portu Hera. Tanba ne’e, ETO hein deit ona despaixu verbal husi Governu atu bele halo deskaregamentu ba Sentral Eletrika Hera no balun tula ba Sentral Eletrika Betano.

“Ami nia ro tula mina atraka ona iha Hera ne’ebé ami hein hela Governu hodi autorizaatu halo deskaregamentu, mas  to’o agora ami seidauk simu informasaun no desizaun husi Governu atu autoriza halo ona deskaregamentu,” informa Diretor asuntus Estratejiku ETO, José Adriano Gusmão ba Jornalista sira iha Hera, Segunda (20/08/2018).

Kombustivel tonelada 8 ne’e, ETO sei fornese litru millaun 5 ba Sentral Eletrika Hera no litru millaun 3 ba Sentral Eletrika Betano. Maibe, to’o agora Governu seidauk hasai quick release   atu ETO bele halo dau-daun ona deskaregamentu ba EDTL.

“Ami garante fornsimentu kombustivel ne’e sei to’o Setembru. Importante ami nia pedidu ba Governu hodi adia ami nia pagamentu ba taxa, tanba Kompaña la iha ona osan atu selu taxa, ne’ebé ami hakarak husu ba Governu adia ami nia pagamentu ba taxa husik ami deskarega uluk mina,” hateten José Gusmão.

Taxa ne’ebé sai nudar dever ETO nian nudar empreza fornesidor mak US$1.000,000. Relasiona ho situasaun taxas nian, Diretor Jeral Alfándega, José António Abílio, esplika katak, tekniku Alfándega tun ona hodi sondagem ba mina atu bele justifika lolos kombustivel litru hira mak hatam husi ETO atu nune’e bele hetan montante taxas ne’ebé ETO merese selu ba Estadu.

Lee hotu :   Osan duodésimu sei iha US$ 180 milloens "Mákina Estadu funsiona normal"

“Alfándega maka responsabiliza ba importasaun no exportasaun, maibe Alfándega atu hala’o deskaregamentu ida tenke kumpri rekejitus iha kodigu adoneiro, se la kumpri kodigu ne’e automatikamente Alfándega maka viola fali lei ne’e,” esplika José Antonio Abilio.

Diretor Jeral Alfándega ne’e hatutan, atu deskarega mina, kompaña ETO tenke selu uluk taxa no wainhira seidauk selu, Alfándega sei la autoriza halo deskaregamentu.

Tuir lei nje’ebe vigora iha Timor Leste kona ba kodigu aduneiro hateten katak, atu halo deskaregamentu ida tenke selu uluk taxa, kuandu la selu maka Alfándega labele autoriza.

Hatan ba quick release husi Kompañia, Diretor Jeral Alfándega, José António Abílio, hateten, antes ne’e quick release sei vale hela, maibe iha tinan 2016 Alfándega hapara ona tanba Lei mak as liu hotu.

Antes ne’e, Ministru Obras Publikas, Salvador S. Pires, fo ona garantia id aba publiku katak, enerjia eletrisidade iha teritoriu laran tomak sei la mate, maske nune’e realidade hatudu katak, volume kombustivel iha Sentral eletrika Hera ho Betano menus ba bei-beik ona husi loron ba loron. mia

Add to Comments Here!!!!

error: Content is protected.
Secured By miniOrange
You might also like:
PR Lú Olo: Subtitui kandidatu membru Governu nain 9, ha’u foin fo pose

Prezidenti Repúblika (PR), Francisco Guterres ‘Lú...

Governu promete selu dívida Hospital Sanglah

Governu liu husi Vise Ministru Saúde,...

FRETILIN dúvida Governu ezekuta millaun US$700 liu

Deputada opozisaun Fretilin, Maria Ângelica Rangel...

Close