JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

FAMÍLIA AGRADESE ESTADU REKOÑESE KONTRIBUISAUN ‘RAMA METAN’ BA LIBERTASAUN PÁTRIA

FAMÍLIA AGRADESE ESTADU REKOÑESE KONTRIBUISAUN ‘RAMA METAN’ BA LIBERTASAUN PÁTRIA

Família agradese ba estadu Timor-Leste (TL) tanba rekoñese kontribuisaun saudozu Lucas da Costa ‘Rama Metan’ nu’udar eroi hodi halót iha Jardim dos Herois da Pátria Nacional Metinaro. 

Segunda (09/09/2019), Estadu Timor-Leste halót saudozu Lucas da Costa ‘Rama Metan’ nia isin mate ho dignu eroi, iha Jardim dos Herois da Pátria Nacional Metinaro.

Seremónia funébre hahú ho misa requem iha Paroquia Maria Auxíliadora Comoro ne’ebé partisipa másimu husi família kolega, estudante, membru governu sira, parlamentu no mós eis titular sira.

Hafoin misa kontinua ba Comite Central Fretilin hodi hetan última homenajen husi CCF.

Sai husi CCF kontinua ba eskola Universidade da Paz-UNPAZ ne’ebé matebian ho nia kompaneiru sira harii hodi hetan mos homenajén ikus husi estudante dosente sira UNPAZ.

Nune’e mós sai husi UNPAZ kontinua hakat ba iha sede Partidu Demokrátiku no depois kontinua ba RENETIL.

Hafoin ne’e kontinua hakat fali ba Uma fukun Parlamentu Nasionál hodi hetan mós homenajen dala ikus nian husi deputadu sira.

Saudozu Lucas da Costa ho naran kódiku haat (4) mak hanesan Colimau, Lahemau, Asa Bere no Rama Metan no nia kuiñesidu liu ho naran Rama Metan.

Rama Metan moris iha loron 11 fulan Janeiru tinan 1952 iha Atsabe, Ermera, hanesan oan mane dahuluk husi maun alin na’in 5, mane 3, feto 2.

Husik hela faluk na’in tolu, oan na’in 7, feto ida, mane 6 ho beioan hamutuk 12.

Faluk na’in tolu ne’e mak Maria Filomena da Cruz Costa, Fatima Filomena Rosa Lay da Costa no Yahyuk Veronica Rahayu.

Saudozu hahú nia estudu iha koléjiu Infante Sagres Maliana no kontinua iha koléjiu San Francisco Xavier Dare tinan 1961-1962.

Kontinua eskola iha semináriu nossa senhora de fatima Dare, Díli  1962 – 1964.

Lee hotu :   HISTÓRIA KAFÉ “Hibrido de Timor”

Iha 1968 to’o 1972 kontinua kursu enfermajen jerál iha Lahane Díli ho primeira klasifikasaun.

Hasai lisensiatura ekonomia husi universidade pendidikan nasionál (Undiknas) Dempasar Bali iha 1987.

Hasai Mestradu iha jestaun estratéjika fakuldade ekonomia iha Universidade Airlangga (Unair) Surabaya Indonézia tinan 1993  Doutoramentu iha área Micro Economia husi Universidade Airlangga tinan 1998.

Dosente iha Surabaya-Indonézia hanesan Airlangga, Widya Mandala,  Wijaya Kusuma no Universidade Surabaya.

Hafoin referendu 1999 saudozu fila mai Timor harí institutu superior de ekonomia e jestaun iha Díli hanesan reitór. No hamutuk ho timoroan sira transforma ISEG ba UNDIL.

Iha tinan 2000 nia harí no sai diretór ba sentru de gestão da pequenas Empresas de Timor-Leste.

Iha tinan 2004, nia fahe malu ho UNDIL tanba problema interna. No nia hamutuk ho nia kompañeiru sira seluk harí fali Universidade da Paz-UNPAZ no sai hanesan reitór to’o hakotu ís.

Iha tinan 2007 to’o 2011, Rama Metan eleitu núdar prezidente federasaun TaekWondo Timor-Leste.

1998, Rama Metan  hamutuk ho ninia kompañeiru sira harí fundasaun Haburas.

Rama Metan partisipa iha luta ba Libertasaun nasionál iha tinan 1974 to’o 1975. Rama Metan sai delegadu no prezidente do comité rejionál da ASDT/FRETILIN iha Manufahi. 15 Agostu 1975, Saudozu rasik hamutuk ho Timor oan na’in 42 seluk proklama no subskreve Inssureisaun jerál armada iha Aisirimou, Aileu. Falintin moris husi proklamasaun Inssureisaun jarál Armada ida ne’e.

Iha loron 17 fulan Agostu 1975, Saudozu rasik hamutuk ho Nicolau Lobato, Alarico Fernandes, Abel Larisina ho seluk-seluk tan asalta no hadau kompñia militar portugues nian iha Aileu.

Iha 1975 saudozu hetan fiar husi Fretilin hodi sai responsável prinsipal ba komisaun de inkéritu do comite central Fretilin iha Aileu.

Lee hotu :   Husu PR eleitu hakuak ema hotu, tau as intrese Nasaun

Fulan Setembru 1975, Rama Metan dezloka hamutuk ho FALINTIL ba Atsabe hodi hala’o knár hanesan enfermeiru no fó formasaun enfermajen ba Timor oan sira.

Outubru tinan 1975 harí eskola Infarmária primeira eskola ne’ebe Timor oan rasik harí no jere.

Novembru 1975, wainhira Fretilin forma primeiru governu saudozu Nicolau Lobato konvida Rama Metan sai Vice Ministru Saude maibe nia rekuza maske nune’e CCF bolu nia hamutuk ho ministru Guido Valadares dezenvolve sistema saúde iha primeiru governu Fretilin.

Loron 6 fulan dezembru 1975, bainhira forsa Indonézia tama iha Atsabe Rama Metan muda ba Hatolia no Fatubesi hodi kontinua reziste.

Iha loron 8 fulan dezembru 1975, Rama Metan hasoru malu ho vise prezidente no primeiru ministru RDTL, Nicolau Lobato iha Balibar hodi husu nia fila fali ba Atsabe.

Inisiu 1976 nomeia ba diretór Cruz Vermelha de Timor-Leste. Iha Meados 1976 simu mandatu hamutuk ho Vecente dos Reis SAHE halo peskiza fisoterapia hodi halo aimoruk tradisionál.

Iha 1977 lidera ekipa Cirurgião ida hodi halo operasaun ba membru Falintil ida naran Marçal Monteiro, Ossu oan ne’ebé hetan tiru iha kombate.
1978 hamutuk ho komisáriu polítiku Abel Larisina, harí kompañia ida ne’ebe lidera husi Saudozu Mau-kalo no Abel Larisina rasik.

Iha tinan hanesan hetan asaltu husi forsa indonézia no tiru kanek saudozu nia kabás liman lós kabun no kelen.

Ho nune’e HANSIP sira kaer nia hodi detein iha Barike depois ba tutan Natarbora durante tinan 2. Iha loron 20 fulan Juñu tinan 1988, nia uza naran Lahe-Mau hamutuk ho estudante na’in 9 sira harí RENETIL iha Dempasar Bali no sai Prezidente Concelho Curadór RENETIL iha 1990 to’o 1992.

Tinan 1989, Rama Metan sai primeiru Xefe Redasaun no editor ba buletin Neon Metin.

Lee hotu :   Estrutura INSS simu pose, MSSI Armanda: Tenki leal no disiplina

Iha 1992 to’o 1999 hafoin militar indonesia kaer saudozu Lasama ho estudante sira seluk Rama Metan sai koordenadór ba presidium ba RENETIL.

Tinan 1997, deskonfia Rama metan nu’udar kakutak ba atividade klandestiña mak halo Indonézia, KOPASUS halo sequetro ka penculikan ba Rama Metan iha Surabaya.

“Lori família bo’ot em lutada nia naran, ami agradese tebes ba ema Timor oan tomak ne’ebe marka prezensa iha seremonia funeral ba ami nia aman nian, nomos ami hato’o agradese wain ba parte hotu ne’ebé durante ne’e investe sira ninia fiar no kariñu, perde tempu no enerjia  hodi hamutuk ho ami iha fatin hanesan Hospital. Bem !, esforsu ita halo hotu ona, maibe desizaun ne’e talves la’os tuir ita nia hakarak, buat balu ita bele halo, e buat balu deuz mak trata ka planu,” hateten Oan Mane husi Saudozu, Ivo Colimau Lay Costa.

1998 – 2000, Rama Metan eleitu ba membru komisaun politika no responsavel ba departamentu juventude husi konselho nasional rezistensia (CNRT). 1999 wainhira tama referendum, Rama Metan fiar husi komisaun de planeamentu kordenasaun kampaña CNRT nian.

1999, saudozu hetan fiar hanesan Timoroan hodi hola parte iha ekipa joint assesment mission ne’ebé lidera husi banco mundial.

Tinan 2001, saudozu hamutuk ho nia kompañeiu sira harii partidu demokratiku (PD), nia sai primeiru prezidente konselho politiku nasionál (CPN).

Iha 2003 hamutuk ho nia maluk Ermera oan, sira hari fundasaun LAHER (Letefoho Atsabe Hatolia Ermera Railako).

Alénde Reitor UNPAZ iha 2007 to’o 2012 nia eleitu nu’udar deputadu Parlamentu Nasionál husi Partidu Demokrátiku. Tinan 2012 kandidata-an ba Prezidente Repúblika maibé la konsege atínji ninia mehi. Ito

Add to Comments Here!!!!

error: Content is protected.
Secured By miniOrange
You might also like:
GOVERNU DESIDE AUMENTA ORSAMENTU AUDISIONÁL MILLAUN USD 3.7 BA MS

Liu husi reuniaun  aprezentasaun ba  komisaun...

KAPITAUN FRAGATA JOÃO DA SILVA LIDERA FALI KOMPONENTE NAVAL

Kapitaun  Fragata João da  Silva, hetan...

F-FDTL MUKIT EKIPAMENTU HODI ASEGURA FRONTEIRA MARÍTIMA

Brigadeiru Jeneral Falintil-Forsa Defeza Timor-Leste (F-FDTL),...

Close