JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

SPORTING DILI BENFICA TAMA ZONA DEGRADASAUN

SPORTING DILI BENFICA TAMA ZONA DEGRADASAUN

Klubu Sporting Dili Benfica okupa dahuluk zona degradasaun,Iha Segundu Divizaun Liga Futebol Amadora Timor-Leste hafoin lakon 4 a 1 kontra Nagarjo FC.  

Sporting Dili Benfica tun ba terseira divizaun hafoin remata kontra ekipa Nagarjo FC iha jogu neebe halao iha Estadium Municipal-Dili, Kuarta feira horseik. Jogu neebe, lidera husi Arbritu Pedro de Carvalho, iha primeira parte, jogador sira hatudu sira nian tekniku kontra atake ho esp­ritu kompetitivo tebes. Nagarjo FC hatudu sira nian unidade iha kampu nunee jogador Romau Simons ho jersey 77 ofrese golu dahuluk iha minutu (30) tamba guarda rede lakonsege salva husi Baliza Sporting Dili Benfica, Joanico Guterres. Maski nunee Sporting Dili Benfica lalakon espiritu, no tenta fo responde suta ameasa ba rede adversariu maibe konsege salva husi guarda rede Ezaquel Moniz. To jogu primeira parte remata, Nagarjo FC lidera provizoriu ho skor um a zero ( 1 – 0).  Hafoin intervalu minutu 15, kontinua jogu parte daruak,  jogador Romau Simons fo tan golu ba daruak nian hafoin simu pasa bola husi kompatriota Abrao Cozino, iha minutu 59. La kleur deit, Romau Simons neebe hamriik iha parte avansadu aproveita oportunidade nee ho konfortavel wainhira simu bola neebe pasa husi nia kompatriota Apolinario de Jesus, iha menutu 79 hodi ense tan golu ida ba rede adeversariu. Ekipa Sporting Dili Benfica tenta esforu no atake ba area perigu Nagarjo hodi rezulta golu ida neebe oferese husi Marcal da Costa iha minutu 84. Liu minutu 2, avansadu Nagarjo FC, Jose de Jesus marka golu dahaat hafoin kore defeza Sporting Dili Benfica, jogu nee remata, Nagarjo FC hanesan vensedor ho skor kuatru a um ( 4 – 1 ). Treinador Sporting Dili Benfica, Jose Gama, hateten, derota neebe sira hetan tanba klubu la halo kontratu ba jogador. Ami fo parabens ba sira ninian vitoria, e klaru katak ami tun ba terseira divizaun iha epoka tuir mai. Derota nee tanba kauza klubu la halo kontratu ba jogador maibe sira mai joga tanba vontade e voluntariu, salienta Nia.  Treinador Nagarjo FC, Atanasio do Rosario Belo, konsidera vitoria nee hanesan motivasaun atu haree jogu tuir mai. Vitoria ida nee laos diak liu ona, maibe nee nudar motivasaun ida atu ami bele fihir fali jogu seluk tuir mai hasoru ekipa Kablaky FC. Ami iha esperansa boot atu tama ba jogu primeira divizaun, dehan Nia. Sporting Dili Benfica tur metin ona iha Zona degradasaun ho pontu ida (1) husi jogu sia (9), derota ualu (8) no empata ida (1). Nagarjo FC okupa pozisaun segundu iha grupu B ho pontu 19, husi jogu sia (9), manan 5 no empata 4. Ito

Lee hotu :   KOMBATE BOXE, MAYWEATHER KONTRA MCGREGOR

 

Add to Comments Here!!!!

error: Content is protected.
Secured By miniOrange
You might also like:
FRETILIN ‘HAKARAK’ GOVERNASAUN ABERTA CNRT hein desizaun konferensia

  Partidu FRETILIN hanoin ona  atu...

CNRT SEI DISKUTI REGRA GOVERNASAUN HO FRETILIN

Membru Comissão Polítika  Nasionál  partidu CNRT,...

FRETILIN KONVIDA PARTIDU HOTU SERVISU HAMUTUK

Partidu Frente Revolucionária do Timor-Leste Independente...

Close