Yohan Goutt Gonçalves ho Orgulho Representa Timor-Leste iha Jogos Olimpicos de Inverno 2018 PyongChang

Jogos Olimpicos de Inverno 2018 Pyong Chang ofisialmente hahu ho ceremonia abertura iha loron 9 fulan Febreiro iha Pyong Chong, Korea do Sul no sei kontinua too loron 25 Febreiro. Yohan Goutt Goncalves, sai nudar atleta unico Timor-oan nebe maka partisipa iha jogo olimpico ida ne’e, ho orgulho Yohan sei representa Timor-Leste iha Pyong Chang no mos ho esperansa nia bele hetan vitoria iha numero nebe mak nia sei tuir.

Iha intervista nebe maka Embaixada Korea iha Timor-Leste halo ihaloron 6 Febereiru, Yohan konfesa katak obstaculo boot nebe nia enfrenta durante preparasaun ba jogo olimpico ida nee maka wainhira tuir jogo qulificasaun no finansas. Yohan hateten, “Obstaculo boot liu mak wainhira atu qualifica, tinan ida ne hau sorte tanba hau liu prosesu qualficasaun iha fulan Julho, tan ida ne halo hau ladun perkupa kuandu temporada esqui hahu, obstaculo segundo maka parte finansa, hau rasik mak finansa hau nia a’an, maske nune’e hau mos hetan apoio oituan husi comisaun olimpico. Hau koko atu halo poupansa ba osan, tan ne mak hau deside atu hamenus hau nia partisipasaun competisaun esqui.”

Maibe Yohan haklaken katak representa Timor-Leste iha Jogo Olimpico PyongChang significa boot tebes ba nia. Nia hateten, “Desde idade 8 hau sempre hakarak atu representa hau nia inan nia nasaun, Timor-Leste, no hau sente ida ne sei sai esperencia nebe furak, tan hau bele halo koneksaun entre desportu nebe hau hadomi no mos ba hau nia abut. Hau nia tiun sira mos involve a’an iha luta ba independencia no hau nia partisipasaun bele konsidera nudar maneira atu agradece no selu sira nia sakrifisiu. Hau orgulho no honra boot atu representa Timo-Leste, liu-liu wainhira hau bele hatudu ba mundo ita nia bandeira iha ceremonia abertura. Timor nungka hare neve maibe hetan fatin iha jogo olimpico inverno hanesan mos nasaun boot seluk. Hau kontente tebes wainhira ema barak hakbesik aan mai hau no husu kona ba hau nia nasaun no halo sira hakarak atu ba visita.”Funsionariu Embaixada Korea nebe maka entrevista ho Yohan hateten katak Yohan aspirasaun no esforsu hatudu katak joven Timor oan iha futuro nabilan no deseijo sorte diak ba Yohan nia partisipasaun. Nes