JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Atleta Taekwondo nen sei partisipa Asian Games

Atleta Taekwondo nen sei partisipa Asian Games

Federasaun Taekwondo Timor-Leste (FTTL) prepara ona Atletas nain néen (6) hodi partisipa eventu Asian Games 2018 iha Fulan Agusto mai iha Palembang – Indonesia.

Atletas selesionadu hirak ne’e mak, Nilton Corte Real De Jesus Lemos sei joga iha klasse under 58 kg, Arsenio Soares sei joga iha klasse Under 68 Kg, Claudio J. M. G sei joga iha klasse Under 63 Kg no Feto Ana Da Costa Belo sei joga iha klasse Under 49 Kg,  Maria Madeira Barros sei joga iha klasse Under 53 Kg, Evalinda De Jesus Da Silva sei joga iha klasse Under 57 Kg.

Atletas sira ne’e selesionaliu husi selesaun nasional ne’ebé hala’o iha Salaun Koni-Díli ne’ebé pasipa husi atletas 11 ne’ebé konsidera melhor atletas husi dojan ka ranting oi-oin iha Kapital Díli, Sesta (06/04) .

Prezidente Federasaun Taekwondo Timor-Leste (FTTL), Angelo Neves hateten, selesaun ne’ebé refere atu labele hamosu deskonfiansa dirijente sira husi dojan ka rantin konabá kualidade atletas.

“Atleta sira ne’e liu husi selesaun ne’ebé justu no laos hatudu tuir hakarak rasik, maibe tenke tuir ka liu husi selesaun ba atleta sira ne’ebé ho tekniku ás no fiziku diak. Atleta sira selesionadu mak sei tuir eventu Asian Games tinan ne’e iha Palembang Indonesia,” hatutan Prezidente FTTL, Angelo Neves.

Angelo Neves fiar katak, atleta sira selesionadu sei hatudu prestasaun diak liu iha Asian Games tinan ne’e kompara ho Sea Games iha Singaporre iha tinan kotuk (2017).

“Hau optimista katak ami nia atleta sira bele hetan rezeltadu diak liu fali Sea Games iha tinan kotuk (2017), tanba kuaze atleta sira selesionadu kompriende regra kompetisaun ne’ebé aplika husi federasaun TaekWondo Internasional nian, tanba durante ne’e ami mos aplika regra ba sira (atleta),” dehan prezidente FTTL, Angelo Neves.

Lee hotu :   FC BERMETA KAMPEAUN BA KOMPETISAUN FUTSAL BEBORA CUP 2017

Iha fatin hanesan primeiro vice prezidente Comite Olimpico Nacional Timor-Leste (CONTL), Mateus Da Cruz fó votu sussesu ba atletas selesionadu.

“Iha eventu hirak liu ba kotuk, modalidade TaekWondo hatudu ninia prestasaun diak tebes iha nivel Sea Games nian. Ami nian prezensa iha ne’e atu fó motivasaun ba sira e ami sempre fó votu sussesu ba sira iha eventu Asian Games tinan ne’e,” dehan primeiro vice prezidente CONTL, Mateus Da Cruz.

Asian Games hala’o dala ida kada tinan haat no  iha tinan ne’e sei hala’o iha Palembang Indonezia ne’ebé sei partisipa husi nasaun 45 mai husi kontinete Ázia ho modalidade desportu oi-oin.

Asian Games ba dala 18 organizado husi Conselho Olímpico Asiático no Timor-Leste sei partisipa ho atletas 60 resin ne’ebé inklui ona atletas Taekwondo nain néen (6). Ito

Add to Comments Here!!!!

error: Content is protected.
Secured By miniOrange
You might also like:
Konsumu alkohol no fuma provoka moras TBC

Vise  Ministru  Saúde,  Luis  Lobato ,...

Marsa ba Paz, Povu Baucau promete lakohi tan “ahi suar”

Povu Munisípiu  Baucau promete a´an lakohi ona...

Xanana promete hakotu problema veteranus

Lider másimu Aliansa Mudansa ba Progresu...

Close