JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

CDTL halo inspeksaun ba Sentru Formasaun PNTL Komoro

CDTL halo inspeksaun ba Sentru Formasaun PNTL Komoro

Confederação Desporto Timor-Leste (CDTL), Kuarta (06/06/2018) halo inspeksaun ba Centro Formasaun Policia Nacional Timor-Leste (PNTL) Komoro, Díli hodi haree besik liu kondisaun Sentru Formasaun ne’e nian molok uza ba karantina atleta Selesaun Nasional ba Asean Games.

Inspesaun ne’e ekipa Confederação Desporto Timor-Leste prezidi husi Prezidente Ezekutivo CDTL Afranio Xavier Amaral, visê Filomeno Fernandes, Sekretario ezekutivu José Jaquelino da Costa Gusmão no akompaña husi Comadante Centro Formasaun PNTL Komoro superintendente Arquimino Ramos  ho membru balun.

Hafoin vizita,  prezidente Confederação Desporto Timor-Leste, Afranio Xavier Amaral, hateten vizita refere atu haree besik liu tan kondisaun fatin antes halo konsentrasaun atletas Selesaun Nasional ba Asian Games tinan ne’e molok aranka ba Palembang Indonezia.

“Ida ne’e bazeia ba karta ne’ebé ami manda ba iha komadante jeral, nune’e hatun despaixo mai parte centru formasaun nian, e ohin (Kuarta-Reed) ami mai iha ne’e atu vizita haree imediata kondisaun fasilidade, ba atleta sira ninian dormitoriu, kampu treinamentu no seluk tan. Ami haree que fatin ne’e mais sufisiente kompara ho fasilidade iha liur maske governu liu husi ministerio relevantes mos prepara ona,” hateten Prezidente CDTL, Afranio Xavier Amaral.

Afranio Xavier Amaral informa liu tan katak, tempu badak nia laran CDTL sei lori atleta ekipa selesaun nacional hodi konsentra iha fatin refere hodi hala’o preparasaun pratika diak liu, nune’e bele hetan prestasaun positivu husi eventu Asian Games.

Iha fatin hanesan Komadante Académia PNTL, Superintendente Policia Arquimino Ramos, hateten parte akademia Polisia Comoro simu vizita bazeia ba despaixo husi Comandante Jeral PNTL Komisario Julio da Costa Hornay.

Komadante Académia PNTL Superintendente Policia  Arquimino Ramos

“Preparasaun ne’ebé mak ami halo ona, tanba pedidu husi prezidente CDTL nian ba komandu jeral, e ami hetan despaixo husi komadante jeral. Fatin ne’e ba ita nian atleta nasional sira utiliza hodi halo preparasaun diak, e preparasaun kuaze tama ona pursentu 90,” informa Komandante Centro Formasaun PNTL Comoro, Superintendente Policia Arquimino Ramos.

Lee hotu :   AFC Kastigu FFTL, Estrutura FFTL diak liu rezigna an

Tuir planu atletas Selesaun Nacional Timor-Leste nain 60 resin sei konsentra iha Sentro Formasaun PNTL Comoro Díli iha loron 15 fulan Juñu.

Durante konsentrasaun iha Centro formacao ne’e, atleta sira sei halo preparasaun diak liu tan molok dezloka ba  Palembang  Indonezia hodi partisipa eventu Asian Games iha fulan Agostu.  Ito

Add to Comments Here!!!!

error: Content is protected.
Secured By miniOrange
You might also like:
PN lansa Radio no website ba públiku ■Munisípiu dook labele asesu

Parlamentu Nasional (PN), nu’udar segundu orgaun...

13 Juñu, PN hahu sesaun V lejislatiura

Prezidente Parlamentu Nasional (PPN), Aniceto Guterres...

Ohin, Koronel nain haat promove ba Brigadeiru ■Lere: Konsellu militar sei forte liu

Instituisaun FALINTIL-Forsa Defeza Timor-Leste (F-FDTL), ohin,...

Close