JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

VOLEIBÓL PRAIA TL NA’IN HAAT SEI PARTISIPA ASIAN GAMES 2018

VOLEIBÓL PRAIA TL NA’IN HAAT SEI PARTISIPA ASIAN GAMES 2018

Atleta selesaun nasional voleiból praia Timor-Leste (TL) na’in haat (4) sei partisipa Asian Games iha Palembang no jakarta Indonézia  fulan Agostu tinan ne’e. Atleta nai’n haat ne’e kompostu husi  feto rua mak hanesan, Adeligia Caminha ho Leticia Febriana Alin de Sousa no Mane  nain rua mak hanesan Rovson Xavier ho Inocencio Xavier. 

Atleta sira ne’e selesionadu liu husi kompetisaun nasional ne’ebé organiza husi Federasaun Voleiból Timor-Leste iha époka tinan 2017.

Atleta selesionadu voleiból praia Timor-Leste hetan treina husi treinador Mário Bento de Sousa.

Treinamentu ba preparasaun atleta sira  hala’o iha kampu voleiból praia Lecidere, Díli.

Ho treinamentu rutina neebe atleta sira hala’o, treinador Mário Bento de Sousa, optimista katak sira preparadu no prontu atu partisipa kompetisaun Asian Games tinan ne’e hodi bele kompete ho nasaun partisipante seluk.

“Desde inisiu fulan Abril liu ba, ami hala’o ona treinamentu preparasaun, e hetan oportunidade hau lori sira (jogadores) ba try out iha Bali. Hau haree jogador sira ita nian ne’e mos komesa diak ona, tanba ne’e prontu atu kompete ho nasaun seluk, maske hau seidauk mehi, katak sira atu manan titlu diak husi eventu ne’ebé sei mai,” hateten treinador Selesaun Nasional Voleiból Praia, Mário Bento De Sousa.

Asian Games hala’o dala ida kada tinan haat (4) no  iha tinan ne’e sei hala’o iha Palembang no Jakarta Indonezia.

Eventu nee sei partisipa husi nasaun 45 neebe mai husi kontinente Ázia ho modalidade desportu oi-oin.

Asian Games ba dala 18 organizadu husi Conselho Olímpiku Aziátiku no Timor-Leste sei partisipa ho atletas 60 resin. Ito

Lee hotu :   LFA ÉPOKA 2019, SCT PRESIZA JOGADOR KUALIDADE

Add to Comments Here!!!!

error: Content is protected.
Secured By miniOrange
You might also like:
MD SEI HADIA SISTEMA KOOPERASAUN

Ministru Defeza (MD), Filomeno Paixão, hatete...

AIMORUK ESENSIAL IHA HNGV STOCK OUT

Diretor Klínika Hospital Nasional Guido Valadares...

XANANA LA SIMU POSSE TANBA DIGNIDADE

Prezidente Aliansa Mudansa ba Progresu (AMP),...

Close