JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Tinan 13 aniversariu JN-Diario Jorge Serrano agradese povu tomak

Tinan 13 aniversariu JN-Diario Jorge Serrano agradese povu tomak

Presidente do Conselho da Administração Grupo Média Nacional (GMN), Jorge Manuel de Araújo Serrano, agradese ema hotu nia kontribuisaun hahu husi kolaboradores, leitores, asinantes, anunsiantes, kronista no povu tomak ne’ebe halo Jornal Nacional Diário ohin loron sai jornal ida ne’ebe sai referensia iha Timor-Leste.

Fundador ne’e esplika, Jornal Nacional Diario moris atu kompleta Jornal Nacional Semanario ne’ebe hari’i uluk iha tinan 2003, tanba Jornal Nacional Semanario, jornal ne’ebe semanal, tanba ne’e iha kompetisaun lor-loron hare katak, ladun forte, nune’e lansa tan Jornal Nacional Diario iha loron 7 fulan Marsu tinan 2005, atu kompleta no reforsa Jornal Nacional Semanario.

“Uluk nanain ha’u agradese ba aman Maromak, Jornal Nacional Diario bele lao durante tinan 13. Ha’u hanoin se Jornal Nacional Diário laiha, GMN mos laiha. Ha’u lahaluha agradese ba kolaboradores hotu, jornalista sira ne’ebe fo kontribuisaun bo’ot ba media emprime ne’e, barak sei iha ne’e, desde inisiu kedas fó fiar ba GMN, balun tinan 10 liu balun tinan 15. Ha’u mos fo agradesimentu bo’ot liu ba asinante sira, leitores sira no ba publiku hotu ne’ebe durante ne’e akompaña Jornal Nacional Diário. Obrigadu wain ba anunsiante sira, sira hotu mak fo iis no forsa ba Jornal Nacional Diário, nune’e ohin Jornal Nacional Diário bele tama ba tinan 13,” dehan Presidente do Conselho da Administração Grupo Media Nacional (GMN), Jorge Manuel de Araújo Serrano ba Jornal Nacional Diário iha nia kna’ar fatin, Grupo Media Nacional (GMN), Bebora, Tersa (6/3).

Ba emprezariu Timoroan ne’e, perkursu ba tinan 13 ne’e laos buat fasil, maibe todan. Tanba nasaun ida hanesan Timor-Leste, merkadu kikoan, ita atu koalia negosiu media ladun favoravel  liu-liu ita koalia konaba sustentabilidade.

Lee hotu :   MINISTRU TURISMU VIZITA ÓTEL SIRA IHA DILI

Tanba ita hotu hatene jornal barak moris to’o ikus mate, grasa Maromak nian, ita sei ezizte to’o ohin loron hodi kompleta Grupo Media Nacional katak, hari’i televizaun, radio, jornal diario no jornal semanario.

“Durante ne’e halo ona esforsu barak, ha’u agradese ba hotu-hotu nia esforsu, kritikas no sujestaun ne’ebe mai husi publiku, kritika ne’ebe konstrutivu mai ita, importante hodi kontinua buka hadia nafatin loron ba loron,”dehan Jorge Serrano

Tuir nain ba GMN, iha tinan 13 ne’e, importante tebes atu halo mos reflesaun ida no konsolida Grupo Média Nacional, tanba grupo ne’e aumenta ninia responsabilidade ba bebeik, publiku tau matan hela ba ita hodi hare ita nia dezenvolvimentu, kresimentu no progresu, hodi servi informasaun ba publiku ho kredivel, imparsial, la hare ba kor no rasa, relijiaun no partidu.

Jornal Nacional Diário moris ona durante tinan 13, nia halo ona buat balun liu-liu kontribuisaun ba Estadu, sosiadade no povu tomak. Dezafiu lubuk ida mak nia hasoru entermus finanseiru, tanba jornal rua ne’e mai kedas ho kloridu, maibe grasa Maromak nia konsege utrapasa dezafiu hirak ne’e hotu to’o ohin loron.

Tuir planu presidente do conselho da administração GMN, Jorge Serrano, GMN sei lansa tan jornal digital, tanba iha mundu agora iha jornal barak la funsiona ona ho pape ka suratahan.

Nune’e mos atu diminui kustu papel, atu salva guarda ambiente no mos bele fasilita ema asesu jornal lalais liu husi via internet.

“Ita iha ideia, tanba ita hare ohin loron mundu ne’e, mundu ida ne’ebe dezenvolvidu tebes ho evolusaun modernu liu-liu teknolojia ita prepara ona strutura no mos plataforma atu halo Diario digital.

Lee hotu :   Governu kontrata Peak Everest halo peskiza ba magnesiu iha RAEOA

Hare fila fali ba esperiensia passadu, inisiu hari’i jornal ne’ebe moruk tebes, prezidenti consellu GMN dehan, passadu ne’ebe moruk ne’e, sempre sai referensia.

“Hau sempre dehan bebeik iha reniaun sira katak, hau lakohi sira ne’ebe mai atu terus hanesan uluk, maibe hakarak sira rekuñese katak GMN ne’e hamrik ho sofrimentu no sakrifisiu boot grupu oan ida nian. Espera katak fasilidade sira ne’e hotu-hotu bele uza ho diak tuir nesesidades atu responde mos ba espetativa sira ne’ebe iha,” dehan prezidenti.mra

Add to Comments Here!!!!

error: Content is protected.
Secured By miniOrange
You might also like:
Sabor a Timor Segmento.III eps.03

Sabor a Timor GMNTV Segmento III eps.02

ANC seidauk iha rekursu kombate hacker

Autoridade Nacional de Comunicação (ANC) to’o...

Close