JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Gota ho H2O la priense kriteria bee saudavel, CCI-TL dúvida ho publikasaun MS

Gota ho H2O la priense kriteria bee saudavel, CCI-TL dúvida ho publikasaun MS

Camara Comerçio e Industria Timor Leste (CCI-TL) tau dúvida boot ho rezultadu teste laboratoriu nasional Ministeriu Saude (MS) nian ba industria bee ne’ebe produs iha rai laran.

CCI-TL senti konfuzaun boot ho rezultadu teste ne’ebe indika katak, bee produsaun Gota ho H2O la priense kriteria bee saudavel, tanb CCI-TL haree mos katak, produsaun bee barak iha rai laran ne’ebe nain husi ema rai liur mos nia kondisaun industria nian la saudavel mos.

“Hau duvidas ho MS nia rezultadu teste ba produsaun bee iha rai laran, tanba haree ba  kondisaun infra-estrutura industria balun nian mos at liu fali Gota ho H2O nian. Ami duvidas liu tan, se los mak iha kompetensia atu halo teste ba kualidade sasan sira ne’ebe produs iha rai laran no sasain sira importasaun nian. Sera que AIFAESA (Autoridades Inspesaun Fiskalizasaun Atividades Ekonomia, Sanitraria I Alimentar)  ne’ebe iha Gabineti Primeiru Ministru (PM) nia okus, MCIA ou MS,” hateten Vise Prezidenti CCI-TL, Rui Castro, ba JNDiario hodi aprofunda lamentasoens CCI-TL nian ba rezultadu teste laboratoriu nasional nian kona-ba kualidade produsaun bee iha rai laran.

Rui Castro hateten, Governu liu husi Ministeriu Saude (MS) hatene momos katak, industria iha rai laran ne’e menus teb-tebes, maioria Timor oan consume sasan importasaun. Tuir lolos Governu no Timor oan hotu, agradese tanba iha Timor oan balun iha inisiativa halo industria iha Timor.

Rui Castro aprofunda katak, setor privadu nasional hanesan parseiru estratejiku   Governu nian ba dezenvolvimentu, wainhira Governu indika industria rai laran ruma la dun iha kondisoens no iha karik problema, maka Governu iha responsabilidade atu loke komunikasaun, supervizaun no fo kapasitasaun. La’os halo publikasaun  ne’ebe atu hamate fali Timor oan seluk nia inisiativa hodi loke industria iha nia rain rasik.

Lee hotu :   GRANDE ENTREVISTA tópico " Dívida 1.6 Billaun" Hamutuk ho observador econômico Helder Lopes

CCI-TL halo ona analiza ba deklarasaun no publikasaun MS nian. Nune’e, iha tempu badak mos CCI-TL sei halo komunikasaun ho MS, liu-liu liga ba Laboratoriu Nasional atu hatene lolos rezultadu ne’e teste ne’e la’os inventa no inveiza.

“Ami haree ona katak, publikasaun MS nian ne’e indireitamente oho mos dezenvolvimentu industria bee hanesan Gota ho H2O. Tanba ne’e, CCI-TL sei tau kestaun no fo advokasia  atu lori kazu ne’e ba oin hodi hetan nia solusaun ne’ebe justu,” hateten Rui Castro.

CCI-TL fiar katak, rezultadu teste ne’e la kredibel tanba iha industria bee lubuk ida maka ejiste iha Timor la dun iha kondisoens no la iha kualidade kompara ho Gota. CCI-TL no tenta halo komunikasaun atu hasoru direitamente Primeiru Ministru (PM), Rui Maria de Araujo, atu bele justifika lolos deklarasaun husi MS nian liga ho kualidade industria bee mos iha rai laran.

CCI-TL mos forma ona ekipa ida atu ba hetan klairifkasaun lolos husi Lobaratoriu Nasional MS nian hodi bele konfirma lolos rezultadu teste produsaun bee iha rai laran, ne’ebe indika katak, bee Gota ho  H2O la priense kriteria bee saudavel.

Rui Castro aprofunda katak, CCI-TL mos sei husu parser husi Servisu Agua no Saneamento (SAS), Ministeriu Comerçio, Industria no Ambiente (MCIA)  ho mos PM Rui Maria de Araujo, atu hetan klareza lolos kona-ba instituisaun ida ne’ebe maka iha kompetensia atu halo teste ba sasan importasaun nian ho mos sasan sira ne’ebe produs iha rai laran.

“Ita hatene katak sasan importasaun, liu-liu aihan sira ne’ebe tama mai Timor la iha liu kualidade no la garante povu nia saude, mas MS la foti kestaun no la halo medidas, maibe brani tebes julga industria Timor oan nian hodi dehan la saudavel. Ami sei husu atu MS fo rejultadu teste ne’ebe kredibel no se MS la fo maka CCI-TL sei foti medidas legal,” afirma Rui Castro.

Lee hotu :   SETOR PRIVADU SEIDAUK PRONTU ADERE BA ASEAN

Rui Castro fiar katak, ho publikasaun MS nian ne’e prezodika ona merkadu Gota ho H2O nian, tanba ne’e, CCI-TL nudar mahon ba setor privadu nasional, sei hola medidas advokasia atu buka hatene lolos intensaun husi publikasaun MS nian ne’e.

Foin lalais ne’e, Laboratoriu Nasional liu husi Diresaun Toxicologia Analise de Agua e Ambiente (DTAAA) fo sai katak, bazeia ba teste sampel produsaun bee iha rai laran iha tinan 2016 nian, katak produsaun bee 4 mak la priense kriteria bee saudavel, inklui bee Gota ho H2O.

Rezutadu teste DTAAA nian ne’ebe fo sai husi Pedro Almeida da Silva nudar director ba DTAAA katak, Gota ho H2O tama iha kategoria bee la saudavel tanba ninia kandungan sulfat ladun diak ho mos is taho maka’as. Entretantu, industria rua seluk ne’ebe mos la saudavel maka Canoosa-Suai ho Lele Oil iha Oecusse.

Produsaun bee Canossa ninia sulfat ne’e liu standarte 750 mg kada litru tanba lolos ne’e 250 mg kada litru no Lele Oil mos ninia kompozisaun kimiku ladun diak ba ema nia saude. mia

Add to Comments Here!!!!

error: Content is protected.
Secured By miniOrange
You might also like:
Keta haluha asiste transmisaun direta husi Fatima, Portugal. Misa selebrasaun Sentinario aparesida Nain Feto nian liu husi kanal GMN TV.

Keta haluha asiste transmisaun direta husi...

Loron mundial trabalhadores, KSTL ejiji reve salariu minimu no lei protesaun ba trabalhador

Konfederasaun Sindikatu Timor Leste (KSTL) ejiji...

Tempu badak STAE realiza eleisaun suku foun

Diretor Secretariu  Tecnico Admistrasaun Eleitoral (STAE),...

Close