JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

CCI-TL REKOMENDA HILI EMA MATENEK BA GOVERNASAUN FOUN

CCI-TL REKOMENDA HILI EMA MATENEK BA GOVERNASAUN FOUN

Prezidenti Camara Comercio no Industria Timor-Leste (CCI-TL) Oscar Lima, rekomenda ba partidu politiku ne’ebe mak manan eleisaun parlamentar no halo koligasaun ba forma VII Governu Konstitusional tenke hili ema ne’ebé iha abilidade no matenek. Nune’e, iha tinan 5 nia laran (2017-2022) bele responde preokupasaun povu nian no kumpri promesas sira durante kampaña eleitoral.

“Ba ha’u, importante la bele partidu ida deit mak lidera Governu, tanba partidu ne’ebe liu bareira 4% la manan maioria absoluta, nune’e tenke tuur hamutuk hodi atu halo koligasaun ba formasaun Governu foun nian. Ami rekomenda atu membru Governu foun mai presiza hili ema matenek atu koloka iha fatin hirak ne’ebe merese tuir sira nia meritó,” hateten Prezidenti CCI-TL, Oscar Lima, hodi responde GMN iha Edefisiu CCI-TL, Acait, Dili, Segunda (31/7/2017).

Oscar Lima mos rekomenda ba lider papol sira ne’ebe tuur hamutuk atu forma Governu, atu enkaixa mos reprezentante setor privadu nasional iha Governu laran, liu-liu iha parte ministeriu ne’ebe tutela ba dezenvolvimentu setor privadu nasional nian, nune’e, bele koñese didiak liu kondisoens ho dezafius setor privadu nasional nian.  Lideransa masimu ne’e sujere ba partido hirak ne’ebe maka hetan asentu iha Parlamentar atu nomeia mos setor pribadu iha VII Governu.

“Se bele hili mos emprezariu balu hodi lidera ministeriu ne’ebe maka tutela ba dezenvolvimentu setor privadu nasional nian. Ami nia maluk setor privadu nasional lubuk ida mak potensia teb-tebes no sira hatene diak tebes ami hotu nia kondisoens,” hateten Oscar Lima. Nia argumenta katak, iha nasaun lubuk ida iha mundu ne’e, ministeriu ne’ebe koreponde ho dezenvolvimentu setor privadu sempre tau ema setor privadu nian, tanba ne’e, espera katak, VII Governu Konstitusional ne’e bele tau atensaun mos ba rekomdenasaun CCI-TL nian ne’e.

Lee hotu :   BRI loke ona iha TL, Sei fó krétidu ba atividade negósiu

“Normalmente tuir lolos Camara de Comercio ne’e ligadu ho Ministeriu Comercio Industria ou Ministeriu Ekonomia no Dezenvolvimentu. Iha rai sira seluk, komersiu industria normalmente ema emprezariu maka kaer, hau espera katak ita nia ema politiku boot nain rua ne’e la’os hili hau, maibe hili ema emprezariu para hodi hatene realidade ne’ebe maka mosu iha Timor-Leste, hatene saida maka politika kona ba camara comercio nian,” hateten Oscar Lima. Durante ne’e tuir Oacar Lima nia haree katak, fugura lubuk id aba hola parte iha membru Governu hodi assume pasta nudar ministru ba area komersiu ho industria nian, maibe la senti saida mak setor privadu nasional infrenta no la hatene saida mak setor privadu nasional hakarak. Iha parte seluk, Oscar Lima hato’o parabens ba povu Timor-Leste tomak ne’ebe maka iha matoridade no vontade boot partisipa masimu ona iha eleisaun parlamentar 22 Julhu, foin lalais ne’e. “Hanesan Timor oan, ita orgulhu tanba desde kedas iha kampaña eleitoral to’o mai prosesu eleisaun la’o iha trankulidade no harmonia tebes.

Iha partidu politiku 21 kedas maka kompete, ita hanoin katak bele mosu situasaun balun ne’ebe prezidika ema nia liberdade, maibe to’o eleisaun remata siutasaun hakmatek tebes. Ne’e orgulhu boot ba ita Timor oan hotu,” hateten Oscar Lima. Oscar Lima mos fo hanoin katak, formasaun Governu grande inkluzaun mos diak, tanba bele involve mos partidu sira seluk, maibe mos tenke inklui Timor oan sira ne’ebe mak matenek.  mia   

Add to Comments Here!!!!

error: Content is protected.
Secured By miniOrange
You might also like:
IPDS IDENTIFIKA ESTUDANTE SIRA UZA TEMPU BARAK LIU HALIMAR FACEBOOK

Reitora Centro Peskiza Institutu Profesional Canossa–IPDS,...

TRIBUNAL HAHU FERIAS JUDISIARIU

Tribunal Distrital Dili (TDD) hahu loron...

GOVERNU FOUN BELE KONTINUA PROJETU TASI MANE

Projetu tasi mane ne’ebe hetan ona...

Close