JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Fos iha armazen sufisiente ba públiku

Fos iha armazen sufisiente ba públiku

Relasiona ho espekulasaun kona-ba folin fos aumentu ne’ebé oras ne’e sai preokupasaun públiku, parte Ministériu Comérsiu no Industria (MCI) afirma fos iha armazem sufisiente hela.

Diretór Ezekutivu Sentru Lojístiku Nasionál (CLN), Jacinto Paijo, iha nia entrevista ho GMN hateten oras ne’e armazen sei iha rezerva fos sufisiente hodi hatan ba nesesidade públiku.

“iha ita nia stok ne’ebé maka CLN iha maka fos importasaun iha 3. 210, 075 toneladas ne’ebé agora ita iha inklui mós ita nia fos rai iha 113 toneladas nomós ita iha rezerva balun ita sosa hare kulit ne’ebé maihosi komunidade iha 3. 762 toneladas nune’e ita iha rezerva sufisiente” hateten Paijo iha nia servisu fatin, Bebora Díli, Quinta-Feira (19/10/2017).

Tuir nia fos toneladas hirak ne’ebé iha kobre armajen Tibar no Maliana no segundu planu orsamentu Jerál 2017 ministériu kompetente sei aloka fundu ho montante dólar millaun 1.941  hodi sosa tan fos tonelada 41 no oras ne’e iha ona prosesu.

Iha fatin hanesan Diretor Interinu Diresaun Nasionál Regulasaun Komérsiál (DNRC), Nelito Lima de Araújo iha nia intervensaun ba espekulasaun aumentu folin fos hateten MCI iha ona inisiativa atu konvoka reuniaun ho parte kompetente hodi debate kona-ba isu refere.

“hosi parte komersiu no indústria ami iha ona hanoin ohin foin dadauk ne’e há’u ko’alia hela ho hau nia diretór sira liu-liu sira hosi regulasaun finansiais orsida ami sei halo konvokatóriu ida ho parte importir sira hodi importir sira ba nesesidade báziku sira ida ne’e  para ami atu tur ho sira hodi ko’alia kona-ba tanba saída maka fos ne’e derepente de’it folin sa’e hanesan ne’e impaktu hosi saída? Será que tanba situasaun polítika ou hosi nasaun origem ou stok iha armajen maka menus duni” hateten Nelito.

Lee hotu :   FUNDU MINA-RAI SAE BA BILLAUN US$ 16.93 TRIMESTRE DAHULUK NEGATIVU

Diretór interinu ne’e hatutan hafoin enkontru, ekipa ne’e hamutuk ho vise ministru MCI sei tun diretamente ba haree fos iha armajen sira.

CLN maka diresaun ida ne’ebé tutela hosi MCI hodi hala’o nia funsaun hodi prepara no halo intervensaun merkadu liu-liu oinsá normaliza presu. ZIL

Add to Comments Here!!!!

error: Content is protected.
Secured By miniOrange
You might also like:
Papa Francisco apresia istoria Timor

Lideransa máximu relijiaun Katolika iha Santa...

Alkatiri: “Xanana konfia nafatin ha’u”

Primeiru Ministru (PM) Mari Alkatiri, halo...

Programa VII Governu la pasa Alkatiri: “Ha’u lakohi aprezenta tan”

Bankada opozisaun CNRT, PLP no KHUNTO...

Close