JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Sasan folin hahú sa’e, deputadu sira fó sala malu

Sasan folin hahú sa’e, deputadu sira fó sala malu

Reprezentante povu iha Parlamentu Nasionál (PN), hahú fó sala malu tanba folin nesesidade báziku iha merkadu no loja sira hahú aumenta.

Deputadu Abel Pires, husi bankada PLP, kondena  maka’as hahalok ida ne’e, tanba negosiante balu aproveita situasaun hodi hasa’e presu sasan iha merkadu.

“Ha’u hakarak kondena hahalok oportunista husi negosiante balun, aproveita situasaun hasa’e presu folin nesesidade báziku hanesan foos no mina, ne’ebé hatudu katak, hahalok ida ne’e laiha responsabilidade, tanba aproveita situasaun ne’ebé la’o hela,”afirma Abel Pires iha plenária (PN), Segunda (23/10/2017).

Abel Pires mós apela ba Governu, liu-liu Ministériu Komersiu no Industria atu halo operasaun ba merkadu sira atu hatudu katak, situasaun la’o diak hela, la presiza atu hasa’e folin sasan arbiru hodi aproveita povu nia osan.

Maibé Deptadu Aurelio Freitas husi bankada FRETILIN lamenta katak, situasaun ida ne’e konsekuensia husi lójika polítika ne’ebé la’o iha Parlamentu Nasionál.

“Povu ne’e senti pániku ho halo espekulasaun, ita polítiku sira ne’e mak halo, tanba buat ida seidauk mosu, ita hato’o ona asuntu ne’ebé mak seidauk iha, ezemplu Governu ne’e seidauk monu, ita adianta ona katak, ami prontu atu ba ukun, ida ne’e mak hamosu ema pániku,”lamenta Aurelio Guterres.

Nia hatutan, situasaun ne’e mós halo emprezáriu sira balu aproveita halo espekulasaun, entaun derpenti de’it familia ida ne’ebé fulan ida han foos karon ida, mai borong foos karon 20 dala ida, tanba hanoin katak, krize ida sei mosu tan iha Timor Leste, relasiona ho polítika ne’ebé la’o iha rai laran.

“Ita labele fó sala ba Ministru ka ba ema se de’it, tanba agora dadaun derpenti de’it, sasan nesesidade báziku sira iha loja ne’e, stock laiha ona, entaun ema aproveita hasa’e folin sasan,” katak Aurelio Freitas.

Lee hotu :   PM Alkatiri rasik mak aprezenta OR iha PN

Nia esklarese, situasaun ne’e polítiku na’in sira hakarak kria hodi halo povu trauma, tanba povu iha Timor laran tomak hatene, situasaun polítika ne’ebé la’o iha Parlamentu Nasionál, tanba sira akompaña transmisaun direita husi TVTL.

“Ita labele lempar batu sembunyi tangan, buat ne’e akontese tanba konsekuensia husi polítika ami sira ne’ebé mak joga tu’un sa’e ne’e, povu mós kompriende, doque ita tun sa’e ba ema seluk, emprezáriu sira mak oportunista, Ministru mak ladiak la’e,” katak Aurelio Freitas.

Entretantu,  deputadu  Duarte Nunes husi bankada CNRT  hateten, Governu halo ona intervensaun hodi esplika ba públiku katak, stock foos sei barak, kuandu foos laiha, mak Governu sei foti medidas hodi halo intervensaun.

“Ita labele polítiza demais, tanba povu hatene ona katak, foos ne’e stock iha hela. Ita nunka halo korajen ba povu, ita buka inventa sasan mak barak, ita nunka hateten prosesu ne’e la’o tuir konstituisaun la’o oinsa. Buat hotu la’o tuir dalan, ha’u haree laiha buat ida sala. Iha tinan rua liu ba, diferensa ho ida ikus ne’e, uluk programa sira ne’ebé Governu aprezenta mai Parlamentu, Parlamentu iha apoiu maioria, maibé ida ikus ne’e, minoria ne’ebé presiza apoiu maioria atu bele aprova, ida ne’e mak diferensa,” katak Duarte Nunes.

Nia hatutan, tenki ko’alia lia los, labele fó sala iha Parlamentu Nasionál, tanba polítika ne’e tenki la’o tuir konstituisaun.

“Ita lider sira ne’e mak so’e liafuan lalos ne’e mak hodi halo ema konfuzaun. Demokrásia nia lala’ok mak ne’e, ita tenki ko’alia ba povu katak, ita hakarak eduka povu, ko’alia buat ne’ebé tuir lei no regras konstituisaun, ita labele so’e rai rahun ba povu, ita deputadu ho deputadu bele lohi malu, mas labele lohi povu,”dehan Duarte Nunes.cos

Add to Comments Here!!!!

error: Content is protected.
Secured By miniOrange
You might also like:
Lere husu mantein VII Governu “Veteranus lakohi Governu monu”

Chefe Estadu Maior General FALINTIL-Força Defesa...

CNRT kestiona Alkatiri hahú kampaña eleisaun antesipada “Lei la bandu parpol halo konsolidasaun”

Deputadu Jacinto Rigoberto, husi bankada CNRT...

GRANDE ENTREVISTA Hamutuk ho Governador Banco Central Timor-Leste

Close