JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Laiha osan selu dividas US$ 240 milhoens

Laiha osan selu dividas US$ 240 milhoens

VII Governu Konstitusional infrenta hela dilematiku boot ida atu selu dividas ho montante US$ 240 milhoens, ne’ebe mak Governu anterior husik hela no  tuir Primeiru Ministru (PM), Mari Alkatiri, katak, osan iha duni oituan mas sistema la permite atu foti.

Hafoin enkontru ho emprezariu nasional sira ne’ebe hamahan-an iha Camara Comerçio no Industria Timor Leste (CCI-TL), semana kotuk, iha Palacio do Governo, Primeiru Ministru (PM) Mari Alkatiri, apresenta ketaun katak, osan mak la iha duni atu selu tusan boot ne’ebe Governu halo hela ba emprezariu nasional sira relasiona ho ejekusaun prozetu Estadu nian iha tinan sira kotuk nian.

PM Alkatiri klarifika katak, dividas foun ne’ebe mak tama iha Orsamentu Rektifikativu hamutuk US$ 140 milhoens, tanba ne’e  informa hela ba CCI-TL katak, osan seidauk iha para selu, balun osan la iha duni, balun osan iha oituan, maibe sistema tekniku la permite, tanba fundus infra-estruturas ne’e multi anual, so que sistema software seidauk adaptadu para atu halo pagamentus multi anual.

Iha fatin hanesan, Prezidenti CCI-TL, Oscar Lima hateten, nia parte husu audensia ho PM Mari Alkatiri hodi husu esklaresementu kona ba pagamentus ba projetus lubuk ida ne’ebe to’o agora seidauk selu.

“Kuandu ami rona bar-barak dehan katak osan barak sei iha no Primeiru Ministru lakohi selu, ne’ebe ami rasik tenke husu tanba sa maka la selu, maibe depois ami hetan tiha esklaresementu katak laiha osan no sistema mos la fo para atu halo pagamentu durante tinan ida ne’e nia laran, tanba osan ne’ebe iha la to’o iha US$ 19 milhoens, maibe sistema rasik la autoriza, tanba ne’e hau lori empresário husi munisipiu hot-hotu mai para rona rasik,” esklarese Oscar Lima.

Lee hotu :   PN manda karta ba governu interven folin sasan

Oscar hateten, maske osan to’o agora seidauk suficiente atu selu hotu kedas dividas ne’ebe mak Governu halo ba setor privaud sira, maibe fiar katak iha tempu balun Governu sei rekopera hotu dividas sira ne’e atu la bele fo implikasaun negativa ba dezenvolvimentu setor privadu nasional nian.

“Koalia lolos ne’e osan hamutuk US$ 240 milhoens seidauk selu, ne’ebe politiku sira tenke buka solusaun para selu. Se la selu, empresárius barak maka sei lulun biti, tanba sira gasta osan barak ona,” hateten Oscar Lima.

Projeitu hirak ne’ebe Governu sei deve hela ninia ejekusaun balun foin 30%, balun 60% no balun fali 100% ona, tanba ne’e, Governu ne’ebe deit tenke iha responsabilidade atu selu projetu sira ne’e hotu.

Projetus ne’ebe barak seidauk selu, mak projetu fiziku hanesan rehabilitasaun estadas, pontes ho mos konstrusaun sivil sira nseluk ne’ebe toma konta husi Ministeriu Obras Publikas (MOP). GMN

Add to Comments Here!!!!

error: Content is protected.
Secured By miniOrange
You might also like:
Ermera preokupa eleisaun antisipada ”Alkatiri hateten AMP tauk

Konsellu Nasional Juventude Ermera, hato’o sira...

Kondisaun saúde L4 rekopera

Sekretario Estado ba Veteranos (SEV), Andre...

Alkatiri espera Lú Olo bolu lideres parpol

Primeiru Ministru nudar mos Sekretariu Jeral...

Close