JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

IGJ husu SERVE emite lisensa negosiu jogus Fitun Timor Toto

IGJ husu SERVE emite lisensa negosiu jogus  Fitun Timor Toto

Primeiru Ministru (PM), Mari Alkatiri, foti ona desizaun no baixa ona despaixu ba Ministru Turismu, Manuel Lito Vong ho Inspektor Geral dos Jogus (IGJ), hodi suspende atividade jogus 5 ne’ebe mak Miniteriu Turismu atribui ba kompaña 5. Maske nune’e,  Segunda (19/2/2018), Inpektor Geral dos Jogos, Augusto Pereira, haruka hikas karta rekomendasaun ba Direktor   Servisu de Registo e Verificação Empresarial Instituto Publico (SERVE-IP), Floréncio Sanches, hodi husu emite (fo) lisensa negosiu ba jogu Fitun Timor Toto, Lda.

Iha loron 1 fulan Fevereiru 2018, Ministru Turismu, Manuel Vong, hasai despaixu legaliza atividades jogus 5, kompostu husi jogus lotaria popular rua (2) no Slot Machine tolu (3). Kompaña 5 ne’ebe mak hetan lisensa liu husi despaixu Ministru Manuel Vong nian ne’e mak hanesan kompaña DREAM ENTERTEIMENT GROUP,S.A, hodi loke jogus lotaria (SDSB/Sumbangan Dana Sosial Berhadiah), FITUN TOTO TIMOR, LDA (Lotaria), ILIMANO HOLDING, S.A (Slot Machine), HAMATOMO RAKUUN, S.A (Slot Machine), Manhattan Timor Group (MTG) HOLDING, S.A mos loke atividades jogus Slot Machine.

Maske nune’e, Primeiru Ministru (PM), Mari Alkatiri, suspende kedas desizaun Ministru Manuel Vong nian ne’e, tanba atividades jogus sira ne’e la tuir lei no presiza haree didiak lei jogus nian molok fo lisensa ba loke tan atividades jogus lotaria ho slot machine.

Relasiona karta rekomendasaun IGJ nian ba SERVE ne’e, GMN ba halo  konfirmasaun ho parte IGJ atu bele fo klarifikasaun, maibe Inspektur Geral dos Jogus, Augostu Pereira, lá fo komentariu tanba razaun okupadu ho servisu.

                            Polisia buska kompaña Fitun Timor Toto

Polisia Nasional Timor Leste (PNTL) liu husi departementu Servisu Investigasaun Kriminal Nasional (SIKN),  Domingu (18/2/2018), tuku 18:00 Otl,  ezekuta mandadu Ministeriu Publiku (MP), hodi hala´o buska no prende sasan Jogus Lotaria Popular husi kompaña Fitun Timor Toto,Lda.

Lee hotu :   Turista 600 vizita Timor - Leste

Kompaña Fitun Timor Toto, Lda, ne’ebe lokaliza iha area Maneluana, Dili, hala’o nia atividade jogus Lotaria, bazeia ba despaixu ne’ebe fo husi Ministru Turismu, Manuel Vong, iha loron 1 fulan Fevereiru, tinan ne’e, maibe Primeiru Ministru (PM), Mari Alkatiri, foti desizaun hodi suspende tiha desizaun Ministru Turismu nian ne’e tanba la priense lei no rekejitus sira ba lisensa jogus nian.

Iha buska ne’ebe mak Polisia SIKN halo ba kompaña Fitun Toto Timor ne’e, konsege prende sasan lubuk kompostu husi, Makina Jogus, Kupon lotaria nian, Osan balun ho mos laptop.  Jornalista GMN tenta konfirma asuntu refere ba Komandante Operasaun SIKN, maibe sedauk bele fo informasaun tanba sei iha prosesu nia laran.eus

Add to Comments Here!!!!

error: Content is protected.
Secured By miniOrange
You might also like:
JORNAL NACIONAL GMNTV Loron-19 Fulan-Fevereiru Tinan-2018

GRANDE ENTREVISTA GMN hamutuk ho Bispo Diocese Dili Dom Virgílio do Carmo da Silva,SDB

City Feutuers GMNTV eps.03

Close