JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Aeroportu Internasional Nicolau Lobato menus ekipamentos

Aeroportu Internasional Nicolau Lobato menus ekipamentos

Diretor Alfandega, Armindo dos Santos, hatete maske Aeroportu Internasional Nicolau Lobato lansa ona Sistema Asycuda Word, maibe ekipamentos ne´ebe uza atu halo prosesu dokumento pasajeiru sira nian liu husi Sistema Asycuda Word la sufisiente atu halo atendimento.

“ Ami aprezenta ona problema hirak ne´ebe ba Diresaun Jéral Alfandega, atu iha orsamento Jéral Estadu bele haree mos problema menus ekipamentos sira ne´e, maibe tanba OJE la pasa iha Parlamento Nasional (PN) entaun ida ne´e fo mos impaktu mai ami nia servisu ohin loron”, dehan Diretor Alfandega Aeroportu, Armindo dos Santos, ba JN-Diario, Tersa (13/03/2018) iha Aeroportu Internasional Nicolau Lobato Comoro, Dili.

            Diretor Alfandega, haktuir parte Alfandega iha Aeroportu sempre halo servisu maske ho limitasaun ekipamentos maibe sira nafatin implementa sistema Asycuda Word hodi bele garante transparensia taxa ba Estadu no Públiku atu bele hatene.

” Ami iha limitasaun ba ekipamentos ne´ebe mak atu uza hodi halo pasa revista ba sasan sira ne´ebe tama mai, dalaruma ami atu detekta sasan ne´ebe mak tama deskonfia dehan droga maibe ami laiha ekipamentos atu halo teste ba sasan sira ne´e, ida ne´e mos sai hanesan problema ida mai ami”, lamenta Diretor Alfandega Aeroportu.

Armindo dos Santos, husu ba Governu tenke tau atensaun ba Alfandega Aeroportu tanba Aeroportu hanesan odamatan bo´ot ba ema se deit atu tama sai, maibe laos ba Alfandega Aeroportu deit maibe ba mos Alfandega ne´ebe mak kobre taxa iha territoriu Timor-Laran tomak.

” Ami iha makina X-RAY scaning deit atu scan sasan ne´ebe tama atu bele detekta buat ruma ne´ebe iha pasta ou sasan balun nia laran atu loke hodi verifika diak sasan saida mak iha laran, karik pasa revista mak hetan aimoruk balun ne´ebe deskonfia droga entaun ami liga direita ho Ministériu Saude tanba sira mak hatene liu”hatete Armindo dos Santos.

Lee hotu :   Restaurante 19 la ijiene, AIFAESA notifika hapara negósiu

Nia hatutan iha Aeroportu servisu laos hare deit ba pasajeiru, maibe haree mos ba parte kargo, kuando hare ba kargo,  hare ba sasan sira ne´ebe mai liu husi kargo, maibe alfandega iha difikuldade bainhira atu detekta sasan ne´ebe liu husi kargo.

Diretor Alfandega Aeroportu, sublinha dalabarak sira komunika fali ho Polisia Anti Narkotika Timor-Leste nian hodi ba foti sampel hodi ba teste mak sira bele lori reszultado ba fo sira, karik rezultadu husi teste  mak hatudu negativu entaun sasan sira ne´e entrega fali ba nain. Fel

Add to Comments Here!!!!

error: Content is protected.
Secured By miniOrange
You might also like:
FRETILIN kesar AMP ba CNE

Lideransa Partidu FRETILIN kesar  Koligasaun Aliansa Mudansa...

Somotxo aprezenta empreza Olanda ba PM Alkatiri • Atu haree kondisoens seguransa ba FM

Ministru Defeza no Seguransa, Agostinho Sequeira...

Toó loron 13 Marsu: Partidu 4 no koligasaun 4 mak kompete ba EA

Comissão Nacional de Eleições (CNE) enkontru...

Close