JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu kontrata Peak Everest halo peskiza ba magnesiu iha RAEOA

Governu kontrata  Peak Everest halo peskiza ba magnesiu iha RAEOA

Ministeriu Rekursus Minerais, Kinta (5/4/2018), ofisialmente asina kontratu ho empreza nasional Peak Iverest Mining Limitada hodi halo peskiza ba magnesiu iha Postu Administrativu Pasabe no Nipane, Rejiaun Administrativu Especial Oecusse Ambeno (RAEOA).

Kontratu ne’e asina direitamente husi Ministru Rekursu no Minerais, Mariano Asanami Sabino ho empreza Peak Iverest Mining Limitada, ne’ebe akompña mos huisi Primeiru Ministru (PM), Mari Alkatiri no Prezidenti interno ZEESM, Arcenio Paixão Bano no povu RAEOA.

PM Mari Alkatiri, hateten, magnesiu la’os deit iha Oecusse, iha fatin seluk mos barak, maibe kompanhia hili atu hahu peskija uluk iha Oecusse, tanba iha Oecusse infraestruturas diak ona, kompara ho munisipiu seluk.

 Xefi Goernu ne’e, katak, la’os tanba problema infraestruturas ne’ebe taka dalan ona atu halo peskija iha municipiu ne’ebe iha magnesiu.

“Maganes la’os oecusse deit maka iha, mais iha fatin seluk mos iha, no mos iha mineral sel-seluk tan. Tanba ne’e maka iha primeiru Governu hahu ho Minarai, harii tiha fundu petroliu, halo jestaun diak liu ba reseitas, agora hanoin ona atu harii fundu mineiru, para garante gestaun ida transparente no jestaun ida ho kualidade. Maibe lakleur tan, ohin hau simu ida intensaun ida atu loke parque maritima, sira ne’ebe mai halo estudu iha ne’e, hau primeiru hau haruka sira ba halo estudu iha TL tomak antes mai Oecusse, no hili fatin ida ne’ebe tuir imi nia hakarak, sira ba hare husi ponta leste to’o mai iha ne’e, maibe iha ponte leste sai difikuldade boot ba sira maka infraestruturas, tanba ne’e sira hili Oecusse, tanba iha aerportu ida ne’ebe diak no aban bainrua bele atrai turista facil liu,’’ hateten Mari Alkatiri.

Lee hotu :   Inaugurasaun Ponte Comoro III adia

Mari Alkatiri dehan, dinamika dezenvolvimentu, ne’ebe ho esperiensia Oecusse nian facil liu aban bainrua halo iha fatin seluk, ida-idak ho nia vokasaun. Dezenvolvimentu ida nia leis rasik, atu halo dezenvolvimentu la sai husi nia substitensia ne’e la’os dezenvolvimentu, tanba halo dezenvolvimentu tenke iha korazen para atu rompe ho substensia, atu halo rompe ba substitensia tenke rompe ho izolamentu.

“Bai-bain hau dehan izolamentu ho dezenvolvimentu la kaben ba malu, imposivel atu fo kaben izolamentu ho dezenvolvimentu, tanba ne’e antes atu hahu dezenvovimentu tenke rompe ho izolmentu, maka komunikasoens, infraestruturas aeroportuarias, estrada diak, pontes diak no atu atrai ema obras sira ne’e la’os via fortes deit, mais tenke hatene furak, se la furak ema mai hare saida se ponte Tono nian hanesan ponte comoro, se maka mai hare ponte tono no diak liu ba hare ponte Comoro deit,’’ dehan Xefi Governu ne’e.

Primeiru prezidenti RAEOA, hatutan, Klaru dezafius barak, maibe dezafius barak la’os deit tanba servisu barak, maibe tanba falta de komprensaun maka barak liu, ema la komprende maka barak liu.

Iha fatin hanesan, Ministru Rekursus Minerais, Mariano Asanami Sabino, hateten, akordu magnesiu ne’ebe asina ona ne’e, ne’e primeira ves iha teritorio TL tomak, hahu husi Oecusse no sei halo mos ba fatin barak.

“Iha situasaun ida ne’ebe ema dehan VII Governu ne’e, Governu ne’ebe orsamentu la aprova ne’ebe uja deit osan doudesime, mais ho firme tebes halo ida ne’e tanba ho responsabilidade, la’os tanba oportunidade,” dehan Asanami.

Prezidenti Autoridade Nacional Petrolio no Minerais (ANPM), Gualdino do Carmo da Silva, hateten, hot-hotu sai sasin hamutuk asinatura kontratu ida entre Governu TL ho kompanhia Peak Everest Mining Limitada ne’ebe hatudu interese tebes hala’o peskijas detalhu, hafoin hala’o peskija preliminariu ne’ebe sira halo iha fulan nen liu ba, bazeia ba sira nia rezultadu lavoratoriu kona ba amostra ne’ebe sira rekolha husi fatin rua iha Oecusse hanesan Nipane no Pasabe, hafoin ne’e ANPM  ankoraza sira atu hakat ba oin.

Lee hotu :   Ministériu Turismu halo akordu ho EL Legendário

“Entaun iha fulan rua liu ba, depois konselho ministrus nia desizaun ami fo autorizasaun atu lori amostra sira ne’e ba halo teste iha laboratoriu Indonesia no fila fali mai ho rezultadu ne’ebe pozitivu sira hakarak avansa entaun ami simu nia interese liu husi rekomendasoes lubuk ida. Tuir kontratu peskija ne’e durante tinan rua, iha tinan rua nia laran ba rekursu manganes. Kustu ne’ebe iha, hot-hotu mai husi empreza, ho total USD 560 mil durante tinan rua nia laran hodi halo estudus inisiais, geofizikus,geolojikus, mapamentus,’’ esplika prezidemnti ANPM, Gualdino do C. da Silva.

Nune’e mos, Investor Peak Everest Mining Limitada, Sebastião B. Castro agradese ba VII Governu ne’ebe fo fiar ba Kompanhia nudar empreza Timor oan ne’ebe hakarak investe no hala’o splorasaun iha area magnesiu iha RAEOA, li-liu iha postu administrativu Pasabe.

‘’Ho konfiansa tomak ne’ebe fo mai ami, ami hakarak kompromete katak nudar emprezario timoroan sei tane metin nafatin konfiansa, no prontu atu hala’o kna’ar ida ne’e. Nune’e ami hamutuk ho autoridade RAEOA hakat tan pasu ida ba oin hodi rezolve prukupasaun husi joventude sira kona ba kampu servisu. Tanba ne’e hau hodi kompanhia nia naran apela ba joventude sira bele kopera hamutuk oinsa bele halo dezenvolvimenti iha Oecusse, ami kompromete atu hala’o relasaun diak ho autoridade RAEOA hodi nune’e bele hadia diak liu tan komunidade Oecusse nia moris, no senti ukun rasik an husi rai ida ne’e,’’ dehan nain empreza..

Nia esplika, pesoal hirak ne’ebe sei involve hodi esplora magnesiu ne’e barak liu mai husi Oecusse oan, ba ekipa tekniku barak liu mai husi tekniku kompetente iha ablidade ba area ne’e, kompanhia sei fo ulun oportunidade.

Lee hotu :   SEJT sei limita traballador estranjeiru ■Nain 3.158 mak servisu iha TL

Partisipa mos iha serimonia asinatura kontratu Prezidenti ANPM, Gualdino do C. da Silva, prezidenti JPD, Autoridade RAEOA, komandante Policia RAEOA, superentendenti Polisia, Arnaldo de Araujo, reprezentante F-FDTL, estudate no komunidade RAEOA. mia

Add to Comments Here!!!!

error: Content is protected.
Secured By miniOrange
You might also like:
PM la konsege halo referendun programa Governu

Primeiro Vice Sekretariu Jeral Bloku Aliança...

TR anunciou resultado do sorteio dos partidos candidatos às eleições

O Tribunal de Recurso (TR) anunciou,...

Somotxo entrega proposta promosaun BrigJen ba PR

Atu subtitui kargu Vise Xefi Estadu...

Close