JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

ACELDA SOSA HARE KULIT TONELADAS 7 IHA LALEIA-VEMASSE • HUSU AGRIKULTOR APROVEITA APOIA HUSI JICA

ACELDA SOSA HARE KULIT TONELADAS 7 IHA LALEIA-VEMASSE • HUSU AGRIKULTOR APROVEITA APOIA HUSI JICA

Kompaña lokal ACELDA kontinua hala’o nia knar investimentu hodi sosa produtu lokal iha teritoriu Timor Leste. Iha Tersa (10/7/2018), ACELDA ne’ebe nain mak  Higino da C. Freitas, sosa tan hare kulit tonaledas 7 husi natar nain sirai iha Vemasse ho Laleia-Manatuto.

Kompaña ACELDA nudar estabelese iha tinan 2014 ne’ebe lokaliza iha Suku Triloka, Postu Administrativu Baucau Villa, Munisipiu Baucau.

Objetivu investimentu ACELDA nian hodi sosa produtu lokal, liu-liu hare kulit nudar jestu kontribuisaun ida mak ACELDA halo ba promove fos rai laran no buka kontribui atu bele minimiza mos importasaun fos mai Timor Leste.

Inisiu tinan ne’e, ACELDA hahuu ona sosa hare kulit iha Municipiu Bobonaro hamutuk toneladas 20 no sosa tan iha Vemasse ho Lalelia ho valor osan US$  3,000.00.

Hafoin sosa hare kulit iha Postu Vemasse, Prezidenti Kompañia ACELDA, Higino da C. Freitas, hateten,  ACELDA kotniua sosa haree kulit no produtu lokal seluk haleu Timor laran tomak tanba durante ne’e agikultor sira preokupa sira nia produtu la folin no la iha merkadu.

Tinan 2018 ACELDA foin primeiru sosa hare iha postu Laleia, Municipiu Manatuto no postu Vemasse, Municipiu Baucau, ACELDA deside tama iha Laleia no Vemasse ne’e, tanba postu rua ne’e tinan rua liu ba halo ona inagurasaun ba irigasaun Bulutu ne’ebe boot te-tebes, ne’ebe komunidade Laleia komesa halai natar no fa’an sira nia produtu.

“Hau mai iha Laleia sira fa’an tonelada ida resin, no iha Vemasse iha natar laran kedas, ami foku liu sosa iha natar laran, tanba hare ne’ebe foun duni no sira hakarak atu fa’an duni,” hateten Higino Freitas.

Lee hotu :   EDTL seidauk selu millaun $ 9.750 ba kompañia CNI,22

Prezidenti ACELDA ne’e mos apresia ho apoia asistensia husi JICA nian ba povu agrikultor sira hodi hasa’e rendimentu agrikultor sira nian.

“JICA mos akompaña hela ita nia agrikultor sira no husu agrikultor sira aproveita didiak tekniku JICA nian, atu nune’e sira bele hasa’e sira nia rendimentu iha tinan oin,” Higno tenik tan.

Mesmu investimentu sosa produtu lokal ne’ebe ACELDA halo seidauk hetan retornu no difisil compete iha merkadu, maibe tarjetu ACELDA nian mak oinsa bele tulun agrikultor sira hodi sosa sira nia produtu lokal.

Iha fatin hanesan, Ofesial JICA, Fernando Fontes, dehan, JICA parseiro ho Governu liu husi Ministeriu Agrikultor e Peskas (MAP) hodi fo apoia asistensia tekniku ba kompanhia ACELDA hadiak kualidade fos rai, ita nia konsumedor Hotel, restaurante iha cidade Dili hakarak han fos rai ne’ebe kualidade diak, entaun ami husu ba kompanhia ACELDA sosa hare foun iha tinan ne’e husi agrikultor sira.

Koperasaun entre JICA no agrikultor sira li-liu iha Laleia no Vemasse ami hahu desde kedas husi inisiu husi produsaun oinsa kolabora ho agrikultor sira hasa’e produsaun, kria manutensaun operasaun oinsa iha irigasaun no mos fasilita ba merkadu. koperasaun JICA nian ho Governu hanaran Hasa’e rendimentu agrikultor liu husi haforsa produsaun for rai iha TL,” hateten Fernando Fontes.

Projeito JICA ne’ebe ho tema ‘Haforsa Produsaun Fos Rai iha TL’ ne’e estabelese iha Municipiu rua, hanesan Municipiu Bobonaro no Municipiu Manatuto, Postu Laleia.

Agrikultor Adelino Freitas senti kontenti tebes ho prejensa Kompanhia ACELDA nian, tanba bele fasilita diak liu tan agrikultor sira hodi sosa hare kulit ne’ebe sira iha.

Lee hotu :   ADB PRONTU FÓ EMPRESTA OSAN BA TL HO FUNAN KIIK

“Hau nudar agrikultor senti kontente, tanba kompanhia ACELDA iha hanoin hodi tama to’o mai ami nia natar hodi sosa ami nia hare, durante ne’e laiha ema ida maka mai sosa. Osan ne’ebe hau hetan husi tetu hare ne’e sei hare ba hau nia eskola no sosa sasan uma laran,” hateten Agrikultor Postu Vemasse, Adelino Freitas.

Iha tinan ne’e, ACELDA sosa ona hare kulit tonelada 100, tinan ne’e hau laiha targetu atu sosa tonelada hira, maibe tuir deit kompanhia kapasidade finanseiro, maibe la signifika katak atu hapara ona sosa. Hare kulit ne’ebe kompanhia Lokal ne’e sosa depois dulas sai hanesan fos no distribui ba Loja, restaurante no Hotel sira iha Dili laran inklui Baucau. mia

Add to Comments Here!!!!

error: Content is protected.
Secured By miniOrange
You might also like:
KOMISAUN E GARANTE FUNSIONAMENTU SENTRAL ELÉKTRIKA 2

Komisaun E Parlamentu Nasionál (PN) ne’ebé...

BIS XILIAX BAKU FILA IHA COMORO, NAIN 9 KANEK

Bis XILIAX ne’ebé halai diresaun Ermera-Dili,...

DEPUTADU V LEJISLATURA KONTINUA UZA PRADO TUAN ■ KUAJE 53 MUDA ONA XAPA BA PRIVADU

Deputadu sira iha Parlamentu Nasionál (PN)...

Close