JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

BCTL HARI SEDE REJIONAL IHA RAEOA ■ ALKATIRI: OE-CUSSE LA’OS MEGA PROJETU

BCTL HARI SEDE REJIONAL IHA RAEOA ■ ALKATIRI: OE-CUSSE LA’OS MEGA PROJETU

Banco Central de Timor Leste (BCTL), harii sede rejional iha Rejiaun Administrativa Espesial Oe-cusse Ambeno (RAEOA), ho objetivu atu fornese servisu bankária báziku hodi fó atendimentu ba públiku.

Governador Banco Central de Timor Leste, Abrão de Vascoselhos, hateten, Sede rejional BCTL Oe-cusse ne’e atu bele atende públiku ho diak liu tan.

“Prezensa BCTL iha Oe-cusse, tanba Banko komersial sira  seidauk iha, entaun ami haree oinsa atu fasilita populasaun sira ne’e, atu fornese moedas Timor Leste nian sirkulasaun iha Timor Leste,”relata Abrão de Vascoselhos ba jornalista sira iha RAEOA, Sabadu (29/06).

Abrão de Vascoselhos dehan, BCTL deside atu estabelese sukursal rejional ida iha Oe-cusse, hodi kontribui ba prosesu dezenvolvimentu ne’ebé mak la’o iha Oe-cusse.

“Iha inisiu ami hanoin katak, prezensa BCTL ninian la’os permanente, maibé iha tinan rua ho balu ikus ne’e, BCTL hahú halo estudu ida hodi haree ba dezenvolvimentu ne’ebé mak la’o, entaun oinsa setór finanseiru ne’e bele kontribui iha prosesu dezenvolvimentu.

“Entaun iha momentu ne’eba BCTL hahú halo estudu oituan iha tinan rua liu ba, no husi estudu ne’e konklui katak, BCTL tenki eleva ninia prezensa iha Oe-cusse atu koordena ho instituisaun finanseiru hotu ne’ebé eziste atu hala’o funsaun iha Oe-cusse. Entaun ida ne’e mak ita to’o iha momentu ida agora, ita asiste BCTL inaugural ninia sede rejional iha Oe-cusse,”katak nia.

Nia esplika, estabelesimentu sede rejional BCTL iha Oe-cusse ne’e, la’os de’it atu apoiu, maibé atu kontribui ho setór bankaria iha prosesu dezenvolvimentu Oe-cusse, no fasilita prosesu dezenvolvimentu iha Oe-cusse.

Ida ne’e objetivu prinsipal ne’ebé mak BCTL hanoin, no sede rejional BCTL nian iha Oe-cusse ne’e, sei halo servisu hotu atu kontribui ba dezenvolvimentu Oe-cusse, menus de’it jestaun fundu petrolíferu.

Lee hotu :   Restaurante 19 la ijiene, AIFAESA notifika hapara negósiu

“Atividade operasaun hotu bele hala’o iha sede rejional ida ne’e, tanba iha koordenasaun direta ho sede sentral BCTL nian iha Dili. Ezemplu iha negosiu kiik oan ruma hakarak atu estabelese instituisaun finanseira ida, sira sede rejional ne’e iha kondisaun atu esplika ba komuniadade kona ba nia rekejitus saida de’it mak tenki priense,” relata Abrão.

Nia afirma, iha sede rejional BCTL Oe-cusse ne’e mós sei kontinua fornese servisu bankária báziku, hodi fó atendimentu ba públiku.

“Agora ami premite sira atu jere chase iha sede rejional ne’e ho montante ne’ebé elevadu, ho nia tipu risku diferente ho sede nasional BCTL nian. BBCTL mós sei fasilita prosesu implementasaun programa literasia finanseira iha Oe-cusse, no ida ne’e hanesan kompromisu ne’ebé mak BCTL halo,”katak nia.

Abrao dehan, BCTL iha ona hanoin atu loke tan liras ba Munisípiu hotu iha Timor Leste, maibé hahú uluk husi Rejiaun Administrativu Espesial Oe-cusse Ambeno.

Kona ba fasilidade iha sede rejional BCTL ne’e, Abrão dehan, fasilidade iha sede rejional BCTL ne’e sufisiente atu halo sirvisu.

Nune’e mós, Prezidenti Autoridade Rejiaun Espesial Oecusse Ambeno, Mari Alkatiri, hateten, tinan 14 ba kotuk, nia rasik mak loke sede rejional BCTL iha Oecusse.

“Ha’u hanoin dinámika BCTL nian ne’e furak tebes, tanba BCTL hanesan instituisaun nasional ne’ebé rekoñese karakter integradu ba dezenvolvimentu rejional Oe-cusse. Balu hanoin katak, saida mak akontese iha Oe-cusse ne’e mega projetu, la’os mega projetu, maibé saida mak akontese iha Oecusse ne’e, prosesu dezenvolvimentu rejional, integradu no global,” katak Alkatiri.

Nia hatutan, tanba ema balu hanoin sala katak, ZEESM ne’e mega projetu, mak dala barak sira ko’alia mós sala.

Lee hotu :   Projetu manutensaun sentral elektrika 2, Puri Akraya fó karta protestu ba Estadu TL

“Ko’alia mós sala, halo avaliasaun mós sala no halo polítika mós sala, tanba Oe-cusse ne’e la’os mega projetu, maibé ida ne’e orijinalidade Timor Leste nian,” relata Alkatiri.

Nia hatutan, tanba BCTL kompriende dezenvolvimentu ne’ebé mak la’o iha Oe-cusse, entaun nia loke sede rejional BCTL nian iha Oe-cusse, ho intensaun atu partisipa iha prosesu ida ne’ebé naruk.

Alkatiri afirma, BCTL halo monitorizasaun ba sistema bankária no sistema finanseiru, hodi partisipa iha sistema dezenvolvimentu ida ne’e.

Ida ne’e hatudu momos dinámika BCTL nian,   tanba BCTL instituisaun ida ne’ebé prova tiha ona iha periodu oi-oin, hanesan periodu krize no periodu normal.

Tuir Alkatiri, BCTL foin moris de’it, sai ona instituisaun ida ne’ebé bo’ot liu iha Timor Leste, hanesan fundu petrolíferu, jestaun ida ne’ebé la’os fasil, maibé iha tempu krize fundu petrolíferu hetan jestaun iha BCTL.

“BCTL hatudu nia kapasidade atu akompaña prosesu dezenvolvimentu, tanba ne’e, hanesan Prezidenti Autoridade ha’u kontenti tebes, atu inaugura sede rejional BCTL,”katak Alkatiri.

Tuir Alkatiri, BCTL la’os marka nia prezensa de’it iha Oe-cusse, maibé atu ajuda dezenvolvimentu ne’ebé la’o dadauk iha rejiaun ne’e.

“Tuir ha’u-nia haree, BCTL tuir dalan los, iha koñesimentu ba prosesu dezenvolvimentu, no hakarak akompaña no partisipa duni iha dezenvolvimentu ida ne’e,”dehan Alkatiri.cos

Add to Comments Here!!!!

error: Content is protected.
Secured By miniOrange
You might also like:
PR LÚ OlO TO’O ONA TL ■ SEI FORTIFIKA KOOPERASAUN IHA FUTURU

Prezidente Repúblika (PR), Francisco Guterres ‘Lú...

PPN SEI REKOLLA KARETA PRADO HUSI EIS DEPUTADU

Prezidente Parlamentu Nasionál (PPN) V lejislatura,...

KONSIDERA DUODÉSIMU ILLEGAL, ALKATIRI DEZAFIA PN PROSESA BA TRIBUNAL

Eis Primeiru Ministru, atual Prezidenti Autoridade...

Close