JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

HASORU MALU HO XANANA, MCC HAKARAK HASA’E KRESIMENTU EKONÓMIKU TL

HASORU MALU HO XANANA, MCC HAKARAK HASA’E KRESIMENTU EKONÓMIKU TL

Ajensia Millennium Challenge Corporation (MCC), husi Estadus Unidus Amerika (EUA), hakarak ajuda Timor-Leste hodi implementa programa hasa’e kresimentu ekonómiku ba redus ki’ak.

Embaixadora Amerika ba Timor Leste, Kathleen Fitzpatrick, hateten, nia ho enkontru ba daruak ho Prezidenti Aliansa Mudansa ba Progresu, Kay Rala Xanana Gusmão atu introdus ekipa nivel altu husi Millennium Challenge Corporation (MCC) ninian.

“Fó koñese ba maun bo’ot ba programa kompaktu husi MCC nian, ne’ebé ho durasaun ba tinan lima. Ohin ami mai iha ne’e hasoru malu ho maun bo’ot hodi esplika kona ba kompaktu ne’e, nomós sei buka atu servisu hamutuk ho komponente hotu iha Timor Leste,” relata Kathleen Fitzpatrick ba jornalista sira iha Sede Nasional CNRT, Dili (18/07).

Alende ne’e, Vise Prezidenti MCC,  Jonathan Brooks, mós informa, MCC ne’e hanesan ajensia ida husi Governu Estadus Unidus nian, ne’ebé sei fokus redus kiak liu husi kresimentu ekonómiku.

“Programa ida ne’e ho durasaun tinan lima, servisu hamutuk ho Governu Timor Leste, atu redus kiak liu husi kresimentu ekonómiku,” relata Jonathan.

Iha sorumutu ne’e, Prezidenti AMP, Kay Rala Xanana Gusmão hatudu nia apoiu ne’ebé bo’ot tebes ba programa ne’e, no preparadu atu servisu hamutuk ho ekipa MCC hodi dezenvolve programa ida ne’e.

“Programa ne’e nia fokus liu ba redus kiak liu husi dezenvolvimentu ekonómiku, hanesan, hadia ambiente negosiu, redus kiak liu husi dezenvolve ekonómia, no oinsa apoiu sétor sira ekonomik sira liu husi kresimentu ekonómiku,” katak Jonathan.

Nia haktuir, programa ne’e ekipa MCC sei servisu hamutuk ho Governu Timor Leste, tanba programa ne’e mai husi Timoroan, ba Timoroan nia intrese rasik.

Lee hotu :   Kompañia Resource Features hahú ona estudu ba mármore Manatuto

“Programa ne’e hakarak iha impaktu ba ema nia moris, programa ida ho montante osan multi miloens, ho nia objetivu atu hadia ema nia moris,” katak Jonathan.

Nia afirma, programa ne’e, iha hela prosesu dezenvolvimentu laran iha tinan tolu nia laran, tanba implementasaun programa ne’e, Estadus unidus hakarak iha duni impaktu ba ema nia moris.

Ajensia MCC vizita Timor Leste hodi diskuti kona ba dezenvolvimentu, ajuda finanseiru ba tinan lima hodi redus kiak no mukit, promove kresimentu ekonómiku hamutuk iha parseria ho Governu Timor Leste.

Durante sira nia vizita, delegasaun EUA nian hasoru malu ho reprezentante sira husi Governu Timor Leste, sosiedade sivil, no sétor privadu, hodi ko’alia kona ba aprosimasaun MCC nian atu kombate kiak liu husi kresimentu ekonómiku.

“Ami Kontenti mai iha Timor Leste semana ne’e, hodi avansa dezenvolvimentu MCC nia programa Compact ba Timor Leste. Kolaborasaun ne’e nu’udar oportunidade ida ba Timor Leste no Estadus Unidus hodi fortalese ita nia relasaun, hakait ba ita nia objetivu ne’ebé ita partilla kona ba redus kiak liu husi kresimentu ekonómiku,” katak Jonathan Brooks.cos

Add to Comments Here!!!!

error: Content is protected.
Secured By miniOrange
You might also like:
APREZENTA PROGRAMA BA PN, AMP HEIN KOMPOZISAUN GOVERNU

Deputadu bankada Partidu Libertasaun Popular (PLP),...

RAMOS HORTA HUSU TAU MATAN BA MÍDIA TL • TRISTE HO SALARIU JORNALISTA SIRA

Eis Prezidente  Republika nudar mos Laureado...

LA KOMPLETA ESTRUTURA, IMPAKTU BA FUNSIONAMENTU GOVERNU

Prezidenti Parlamentu Nasional (PPN ), Arão...

Close