JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PROGRAMA MTK SEI SEGREDU

PROGRAMA MTK SEI SEGREDU

VIII Governu Konstitusional ne’ebe lidera husi Primeiru Ministru (PM), Taur Matan Ruak, Kinta (20/07/2018), sei lori programa Governu nian ba aprezenta iha Parlamentu Nasional. Maibe, dau-daun ne’e programa Ministeriu Transportes no Komunikasoens (MTK) sei segredu no seidauk bele publika ba publiku.

Ministru Transportes no Komunikasoens, José Agostinho da Silva, hateten, Ministeriu Transporte no Komunikasaun prepara ona programa tinan lima nian, maibe seidauk bele publika ba mídia.

“Programa ami nian sira ne’e hotu, ami prepara ona draf, ne’ebe agora seidauk bele divulga ba mídia, maibe iha tempu badak maka bele fo ba publiku liu husi mídia,” hateten Ministru Transportes no Komunikasoens, José Agostinho da Silva ba JNDiario iha nia knar fatin, Ministeriu Transporte no Komikasaun, Caicoli, Dili, Tersa (17/07/2018).

Ministru José Agostinho da Silva hatutan, membru Governu VIII Konstitusional hot-hotu dadaun ne’e fokus ba programa Governu ba tinan lima, ne’ebe preparadu hodi nune’e submete ba Parlamentu Nasional.

“Ami agora foku ba prepara programa, hakarak dehan katak ami preparadu iha semana ida ne’e nia laran ami sei submete programa Governu ba Parlamentu Nasional nune’e ami bele hatur ninia programa anual,” hateten José A. da Silva.

Maske programa sei segrdu, maibe Ministru Transporte no Komunikasaun ne’e deklara, Ministeriu nia programa la ses husi Transporte aero, terrestre no marítima nune’e mos komunikasaun.

Ministru Transporte no Komunikasaun, José Agostinho da Silva, hala’o ona diagnostika iha Ministeriu laran hodi halo mos vizita ofesial ba iha Diresaun Nasional Transportes Terrestre (DNTT), Diresaun Nasional Transportes Maritima (DNTM), Autoridade Portuario Timor-Leste (APORTIL), Aeroportu no mos diresaun seluk ne’ebe tutela ba MTK, ho objetivu ida hodi hare besik servisu no rona dificuldade diresaun hirak ne’e nian hodi tau planu ba tinan lima. Mia

Lee hotu :   Besik finadu, Loja Xineza aproveita hasa’e folin aifunan

Add to Comments Here!!!!

error: Content is protected.
Secured By miniOrange
You might also like:
KAZU BOBY, KOMJER PNTL: IMI JORNALISTA RONA JENERAL LERE KA LAE

Kazu asidente tráfegu ne’ebé involve Boby,...

IMPLEMENTA REKOMENDASAUN CHEGA, CNC KOMPROMETIDU TULUN GOVERNU

Centro Nacional Chega (CNC) komprometidu halao...

MUTL AMEASA HALO ASAUN PASIFIKU

Movimentu Universitariu Timor Leste (MUTL) kontinua...

Close