JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

SEPFOPE LAKONSEGE ATINJI POLÍTIKA AUTO EMPREGU • MAHANAIM GARMENT LA HETAN SUBVENSAUN PUBLIKU

SEPFOPE LAKONSEGE ATINJI POLÍTIKA AUTO EMPREGU • MAHANAIM GARMENT LA HETAN SUBVENSAUN PUBLIKU

FOTO:GOOGLE

Sekretaria Estadu Politika Formasaun Profesional no Empregu (SEPFOPE)  iha mandatu VI Governu Konstitusional nian impoen politika auto empregu iha programa Governu nian, maibe politika ne’e seidauk atinji tarjetu tanba  VI Governu nia mandatu mos remata.

Politika auto empregu ne’e nia objetivu atu hakbi’it empreza lopkal sira nia kapasidade finanseira hodi bele kria kampo serbisu iha rai laran.

Kompaña nasional Mahanaim Garment iha mos komunikasaun no akordu ho SEPFOPE atu asesu ba politika auto empregu ne’e. Nune’e, SEPFOPE propoin trabalhador Timor oan nain 30 para serbisu iha empreza refere, maibe to’o deit mandatu SEPFOPE Ilidio da Costa Ximenes nian remata, empreza ne’e seidauk hetan subvensaun publiku husi politika auto empregu.

Diretor Jeral SEPFOPE, Paul Alves, hateten, SEPOFOPE la konsege implementa ho efetivu poolitika auto empregu hodi fo apoia subvensaun publiku ba satori privadu nasional, inklui empreza Mahanaim Garment tanba SEPFOPE nia mandatu remata iha 2017.

“Iha altura neba SEPFOPE oferese duni trabalhador nainb 30 ba Mahanaim Garment, mas ami seidauk konsege fo apoia finanseiru ba sira, ami tau duni orsamentu,  maibe tanba mandatu Governu nian besik remata, ne’ebe proposta ne’ebe iha SEPFOPE responde deit hodi fo trabalhador feto nain 30 ne’ebe tuir ona formasaun iha area kustura nian,” hateten Direktor Jeral SEPFOPE, Paul Alves, hodi responde JNDiario ba iha Dili, Segunda (16/07/2018).

Nia afirma tan katak, proposta husi Mahanaim Garment hatama duni ba SEPFOPE liu husi Sentru Formasaun Senai-Becora, maibe la konseghe implementa tanba VI Governu nia mandate remata.

“Teknikamente ami sei koalia fila fali ho membru Governu foun hodi hare fila fali asuntu ne’e,” hateten Paul Alves.

Lee hotu :   Florêncio Sanches: Clarence Lim deside fa’an Kmanek

Husi sorin seluk, Direktora Mahanaim Garment, Clariçia Lay hateten, desde harii  Mahanaim Garment  seidauk simu osan US$ 0,5 husi Governu, li-liu SEPFOPE.

Clariçia  Lay fundamenta katak, mesmu Mahanaim Garment haruka proposta ba SEPFOPE hodi husu trabalhadores kualifikadu ne’ebe durante ne’e hetan formasaun husi SEPFOPE, maibe SEPFOPE seidauk fo apoiu osan husi subvensaun publika ba Mahanaim Garment.

Mahanaim Garment ne’ebe harii iha tinan 2014/2015 tanba impresta osan husi Banco Nacional Ultramarinho (BNU) ho valor US$ 150,000.

“Ami nein hetan apoia centavus ida husi Governu husi ministeriu ne’ebe deit. Ami hatama duni proposta ba SEPFOPE, maibe la’os husu osan, ami husu apoia trabalhador Timoroan sira ne’ebe SEPFOPE fo ona formasaun professional, maibe SEPFOPE lakongese responde ho numeru trabalhador ne’ebe ami husu, tanba ami husu ema nain 100, maibe SEPFOFE apoia deit nain 32,” esplika Clariçia Lay hodi responde JNDiario iha Jacinto Residence, Kuluhun, Dili, Sesta (13/7/2018).

Direktora Jacinto Group ne’e realsa, momentu harii kompaña refere atu hetan apoia husi Ministru Comerçio no Industrria (MCI) ne’ebe lidera husi Ministru Antonio da Conçeição ho montante orsamentu US$ 150,000 hodi sosa kakina velosidade boot (high speed)  husi Japaun, maibe to’o mandatu Ministru Antonio Conçeição nia mandatu remata mos la konsege hetan apoiu husi Governu.

Empreza Mahanaim Garment nia operasaun komesa iha tinan 2016, ne’ebe fo serbisu ba timr-oan hamutuk nain 30, internasional nain ida.

Industria garmen manufaktura ne’e atu produs rasik ropa nesesidade rai laran no hamenus importasaun ropa husi rai rai liur, inklui absorve trabalhadores nasional.  mia

 

Add to Comments Here!!!!

error: Content is protected.
Secured By miniOrange
You might also like:
F-FDTL LA BELE METE POLÍTIKA • FM HUSU MAJEN LERE REDUS NIA ‘KARAKTER POLÍTIKA’

Hirakia sira to’o soldadu prontu husi...

RI KONVIDA XANANA FAHE IDEIA KONA-BÁ PAZ • EMBAIXADORA EUA KONGRATULA XANANA BA SUSESU FM

Prezidente Repúblika Indonesia (RI), liu husi...

FRETILIN SUJERE GOVERNU LA PRESIJA ALTERA LEI FP ■ FIDELIS: LA’OS ALTERA TUIR HAKARAK

Bankada Fretilin iha Parlamentu Nasional (PN),...

Close