JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

FUNDU MINA-RAI SAE BA BILLAUN US$ 16.93  TRIMESTRE DAHULUK NEGATIVU

FUNDU MINA-RAI SAE BA BILLAUN US$ 16.93  	TRIMESTRE DAHULUK NEGATIVU

Fundu Mina-Rai iha trimestre daruak tinan 2018 nian sae ba billaun US$ 16.93 kompara ho trimestre dahuluk billaun US$ 16.85.

Relastoriu husi Banco Nacional Timor-Leste (BCTL) ne’ebe  lansa  ba publiku, Kinta (2/8/2018), hatudu katak, fundu mina rai trimestre daruak nian ne’ebe termina iha loron 30 Juñu 2018, ho montante billaun US$ 16.93.

“Pontu importante husi relatoriu trimestre ba daruak  ne’ebe kobre periodu loron 01 fulan Abril 2018 too loron 30 fulan Juñu 2018, inklui kapital fundus nian maka billiaunUS$ 16.93,  osan kontadu brutu fundus nian tama husi kontribuisaun, realiza hamutuk milliaun US$ 113.26, osan kontadu liquidu ne’ebe sai husi fundu durante trimestre ne’e hamutuk milliaun US$ 74.50 kompostu husi milliaun US$ 70 transfere ba orsamentu Estado no milliaun US$ 4.50 kobre kustus jestaun nian,” informa Vise Governador BCTL, Venancio Alves Maria, liu husi konferensia imprensa iha salaun BCTL, Dili.

Venancio hatutan tan katak,  reseitas liquidus durante trimestre ne’e hamutuk milliaun US$ 43.26, rendimentu portofoliu iha periodu ne’e maka 0,26% kompara ho rendimentu referensia mak 0,28%.

Nia esklarese hikas katak, relatoriu ne’e mos hatudu total reseitas maka simu iha trimestre ne’e hamutuk miliaun US$ 113.26 ne’ebe kompostu husi kontribuisaun sira ba fundu hamutuk milliaun US$ 40.59 no pagamentu simu husi Autoridade Nasional Petrolio (ANP) milliaun US$ 72.67.  Rendimentu husi investimentu fundu nian hamutuk milliaun US$ 36.26 kompostu husi kupaun no jurus ne’ebe simu maka milliaun US$ 100.04, mudansa iha valor merkadu nian milliaun US$ 109.77 no movimentu cambiais maka milliaun US$ 162,63 iha trimestre ne’e. ne’e rezulta rendimentu ba kerteira fundu nian durante trimestre ne’e 0,26% enkuantu rendimentu tomak kona-ba fundu ne’e nian.

Lee hotu :   MRLP SEI KRIA SISTEMA LEGAL BA DEZENVOLVIMENTU EKONÓMIKU

Lei fundu mina rai nian espesifika katak jestor operasional BCTL, maka hanesan ajente respondavel ba jestaun operasional Fundu Mina-rai nian. Ministeriu Finansas mak responsabiliza atu estabelese estratejia investimentu tomak kona-ba Fundu ne’e nian. BCTL jere ona portofoliu besik liu ho pontu referensia iha trimestre dala lima nulu resin ida dahuluk. Diferensia entre portofoliu no pontu referensia hahu inisiu fundus nian maka pontu baze 5.

Movimentu iha trimestre ida ne’e sei fo pozitivu ba TL nia retornu fundu petroliu hamutuk milliaun US$ 37 maibe iha trimestre dahuluk infrenta retornu negativu entaun retornu husi fulan Jeneiru to’o Juñu sei negativu ho montante Milliaun  US$ 50.

“Negativu tanba implisoens ne’e mai husi trimestre primeiru kedas, husi fulan Janeiro to’o Marsu ne’e movimentu politika umanitaria kuaze mundu tomak, li-liu Estados Unidus Amerika momentu ne’eba, no mos foin lalais EUA hasa’e taxa de juru husi 1.50 ba 1.75 ka 2% iha trimestre ida ne’e, sira sei hasa’e tan dala rua iha tinan ida ne’e nia laran, kuandu taxa de juru sa’e katak nia espetativa retornu ne’e sa’e entaun presu instrumentu sira ne’ebe ita investe li-liu tun, tanba taxa de juru no presu ne’e muda iha diresaun kontrario katak ida sa’e ida tenke tun, ne’ebe taxa de juru sa’e presu tun, tanba ne’e maka implika rendimentu fiksu li-liu titulu sira ne’e maka ninia retornu negativu, maske iha trimestre ne’e nia retornu negativu la fo implikasoens negativu makas nia sei retornu pozituvu nafatin ho milliaun US$ 30,”  Venancio  esplika.

Iha fatin hanesan, Kordenador Unidade Administrasaun Fundu Petroliferu Ministeriu Finansas, Filipe N. Bernado, hateten, iha trimestre dahuluk infrenta retornu negativu, tanba apresiasaun TL iha Dollar ne’ebe sa’e tanba TL investe balu iha non Dollar  ne’ebe konverte fali mai iha Dollar entaun sempre lakon.

Lee hotu :   PM Rui: Diversifika ekonomia maka dalan dezenvolvimentu sustentabilidade

Lansamentu ba relatoriu  segundu trimestral Fundu Mina Rai ne’e  akompaña mos husi reprezentante Ministeriu Finansas ho Autoridade Nasional Petroliu (ANP). mia

Add to Comments Here!!!!

error: Content is protected.
Secured By miniOrange
You might also like:
TAUR LAMENTA XANANA REZIGNA-AN HUSI MECPM ■RESPEITA NIA DESIZAUN

Primeiru Ministru (PM), Taur Matan Ruak,...

PJR HO CFP ASINA MoU HODI ATUA KRIME NE’EBE FP KOMETE

Prokuradoria Jeral da Repúblika (PJR) asina...

TR SUJERE PN HALO APRESIASAUN BA LFP ■PR LA VETA

Prezidente Parlamentu Nasional (PN), Arão Noe,...

Close