JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

OJE 2019, SEKOMS prioridade ba RTTL-ep

OJE 2019, SEKOMS prioridade ba RTTL-ep

Orsamentu Jeral Estado (OJE) 2019, Sekretario Estado Komunikasaun Social (SEKOMS) propoin US$ 5.5 milhões nee fo prioridade liu ba Radio Televizaun Timor Leste- emprensa Publika (RTTL-ep) nudra media Estado.

“Ami mai aprezenta ami nia proposta orsamentu 2019, tuir tetu fiscal  ne’ebe maka ami simu hamutuk US$ 3 milhões. Maibe depois ami halo exercício, ajustamentu bazeia ba necessidade RTTL, inklui oinsa komunika informasaun ba to’o área rurais, no kolabora ho media privadu sira, ami justifica razaun hotu, ami husu adicional ne’ebe ami fo tiha razaun hotu ikus mai Primeiru Ministru aprova. Prioridade liu ba RTTL-ep, tanba media Estado nian, tanba ne’e presiza apoia fo subsidiu para moderniza nia sistema, maximiza programa nune’e bele atrai ema nia interesse para ba oin sai forte no sai empreza publiku ne’ebe fontes rendimentu ba Estado,” hateten Sekretario Estado Komunikasaun Social, Mericio J. Akara ba Jornalista sira iha Ministeriu Finansas, Aitarak-laran, Dili, Sexta (26/10/2018).

Mericio Akara hatutan, aleinde Orsamentu Estadu ba tinan oin nee prioridade ba RTTL-ep, ba mos Ajensia Tatoli  no mos media privadu sira hodi halo kapasitasaun ba sira nia jornalista atu sai profesional.

“Osan ne’e ami perioridade liu ba hadia kualidade RTTL-ep, ne’ebe ami preve osan hamutuk US$ 1 milhões, inklui ho adisional hamutuk US$ 2 mihões, aleinde ne’e preve mos US$ 900.000 ba ajensia TATOLI no mos ba media privadu, liu husi kapasita jornalista sira,” dehan Mericio Akara.

Governante ne’e afirma, maske RTTL-ep ho kondisaun minimu no sempre sai preukupasaun publiku, maibe RTTL-ep mos hatama reseitas ba Estado liu husi publikasaun.

Konaba preokupasaun publiku nian ba RTTL-ep nee, Prezidente RTTL-ep, Gil da Costa Naldo Rei rekoñese preokupasaun no kualidade radio Televizaun Timor Leste – emprensa publika (RTTL-ep).

Lee hotu :   ADB PRONTU FÓ EMPRESTA OSAN BA TL HO FUNAN KIIK

Nunee mos alokasaun orsamentu ba RTTL-ep ba tinan 2019 mai nee, Prezidente Board televizaun publiku nee hatete proposta orsamentu governu nian nebe atu aloka ba RTTL-ep tinan oin mai nee la suficiente.

 “ Ne’e los, tanba ita boot sira hatene katak RTTL-ep sei analog hela, entaun presiza hadia kualidade output maka tenke High Divinision (HD), entaun presiza osan ne’ebe orsamentu ne’ebe aloka mai RTTL seidauk to’o, maibe reseitas ne’ebe RTTL iha bele ajusta halo mudansa neneik, maibe lao bebeik, hau kontenti, tanba PM iha rekomendasoens, sujestoens, RTTL simu kritika sira ne’e, maibe RTTL mos pronto atu servisu, iha hau nia lideransa, hau sempre fo orientasaun ba staf hot-hotu servisu no servisu, se maka baruk bele ba buka servisu seluk. Servisu tenke pontual para fo informasaun ba publiku ho kualidade diak, tenke iha kredivel, hatudu imparsialidade ba povu tomak. Maibe orsamentu aloka ba RTTL oitoan, mas tenke simu realidade, ami pronto servisu. Rekomendasaun husi Primeiru Ministru maka tenke hadia kualidade,” hateten Prezidenti RTTL-ep, Gil da Costa Naldo Rei.

Iha tinan tolu nia laran, hahu husi 2016 too ohin loron rendementu RTTL-ep nian US$1.3 milhões. “Rendementu ne’ebe maka RTTL hetan hamutuk US$ 1.3 milhoens, hahu husi tinan 2016 to’o agora”,dehan Prezidente Board RTTL-ep.  mia

 

Add to Comments Here!!!!

error: Content is protected.
Secured By miniOrange
You might also like:
Tribunal kondena Santina Cardoso ho pena multa

Tribunal Distrital Díli (TDD) liu husi...

Francisco Borlaco tama prizaun Becora

Eis Sekretariu Estadu Fortalesimentu Instituisional (SEFI),...

Xanana Gusmão: Woodside dada-an investe iha onshore GS ne’e diak liu tan

Xefi Negosiador Principal Fronteira Marítima, Kay...

Close