JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Oscar Lima promete sei fo atensaun ba membru CCI-TL

Oscar Lima promete sei fo atensaun ba membru CCI-TL

Kongresu Nasional Camara Comersio Industria Timor Leste (CCI-TL) datoluk nebe halao durante loron rua, Kinta-feira no Sesta-feira semana kotuk, hili Oscar Lima hodi kontinua lidera CCI-TL ba tinan hat mai (2018 -2022) hafoin halakon ninia adversario, Kandidata, Clarisia Lay.

Terseiru Kongresu nasional CCI-TL nee iha pakote kandidatu rua, Oscar Lima recandidata, no kadidata seluk maka Clarisia Lay. Oscar Lima  re-eleitu ba Prezidente Camara Comersiu Industria Timor Leste ho votus 135 no kandidata Clarisia Lay hetan  votus 114.

“ Iha demokrasia iha eleisaun, iha ema neebe manan no ema neebe lakon, ba hau re-eleitu nee laos ba hau mak manan, maibe CCI-TL mak manan,” dehan Prezidente CCI-TL  eleitu, Oscar Lima, ba Jornalista iha Hotel Novo Turismo Dilí.

Empresário senior nee promete sei la diskrimina ema ida iha CCI-TL, no sei buka servisu hamutuk ho ema hotu hodi lori CCI-TL ba oin, hanesan iha deklarasaun kampaña neebe sira koalia ona ,durante kongresu, servisu barak mak sira la konsege halo, sei tenta atu halo hamutuk ho Membru CCI-TL sira, tamba CCI-TL presiza ema hotu nia hanoin no apoiu.

“ Ita presiza hanoin intelektual, presiza apoiu husi Prezidente CCI-TL Munisipiu sira, no Assosiasaun Fundadores sira, ita hotu-hotu hamutuk mak lori CCI-TL ba oin, tamba CCI laos hau nia Kompanhia privado, maibe CCI reprezenta Setor Privado, ida nee ami hatete katak ,Setor Privado iha ami nia liman, no ami reprezenta simplemente Emprezariu sira”,   Dehan Oscar Lima.

Oscar Lima afirma sei buka fo atensaun ba Membru CCI-TL sira, no trata problema Emprezario sira ho Governu konaba pagamento, no buka halo aprosimasaun ho Bankousira ,atu bele fo kreditu ba Emprezariu sira, inklui servisu barak neebe sira sei halo, konaba ba trajetu, serteza sira sei haree ba finansiamento, neebe mai husi parseiru importante, Governu.

Lee hotu :   Solidariza povu TL, APF ohin halo asaun pasífika kontra Australia

“ Ami sei buka halo aprosimasaun neebe diak ho Governu, oinsa atu bele hetan apoiu husi Governu, no oinsa mos ami atu bele fo ba Emprezariu sira, ida nee mak ami nia programa importante”, Katak Prezidente CCI-TL eleitu.

Iha fatin hanesan, Emprezaria Clarisia Lay, hatete lakon ga manan ,ida nee laos kestaun atu hamate vontade hanesan feto Emprezaria, maibe hanesan feto brani atu bele kompete ho mane, no bele atu halo servisu neebe diak ba Nasaun.

“  Hau lakon ga manan, ida nee buat ketak ida, maibe hau bele halo servisu diak hanesan feto Emprezaria, ho nune’e manan ga lakon ida nee buat ketak ida, tamba hanesan Emprezaria laos deit tama iha CCI-TL mak ita Emprezaria, maibe hanesan Emprezaria forte tiha mak tama iha CCI-TL , entaun dalaruma Kongresista sira sente dehan, tempu seidauk to’o ba hau, entaun hau tenke hakas an hodi halo servisu bara.”,  Sublinha Clarisia Lay.

Nain ba companhia Jacinto Grup nee realsa atu fo koragem ba feto Emprezaria sira katak, maske ita feto, ita keta tauk atu foti desizaun, maibe ita tenke brani foti desizaun diak ga la diak, ita tenke foti hodi lao ba oin, saida mak akontese ita manan ga  la manan ida nee buat ketak ida.

“ Iha Timor, hau sente foin primeiru feto hau mak brani atu kompete ho mane, maske hau seidauk bele manan, maibe hau nafatin fo hau nia apoiu ba CCI-TL, nudar Emprezaria, no nafatin promesa katak tim susesu ami nian, sei halo servisu balun iha Munisipiu hodi halo exportasaun, hodi bele redus importasaun”, dehan Clarisia Lay. Fel

Add to Comments Here!!!!

error: Content is protected.
Secured By miniOrange
You might also like:
Ema hana joven ida ho rama ambon iha Paiol ■Autoridade lokal husu PNTL kaptura suspeitu

Júlio Alves ho idade 19 hetan...

Tempu badak, hahú konstrusaun ba Aeroportu Comoro ■Konkursu hala’o iha Japaun

Ministru Transporte no Telekomunikasaun, José Agostinho...

SEKOMS-SENEK entrega sertifikadu lian portugues ba professional komunikasaun sira

Sekretáriu Estadu Komunikasaun Sosiál (SEKOMS) no...

Close