JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Impase polítiku provoka Lim fa’an empreza Kmanek ■CCI-TL preokupa Timor-oan barak sei lakon servisu

Impase polítiku provoka Lim fa’an empreza Kmanek ■CCI-TL preokupa Timor-oan barak sei lakon servisu

Empreza Kmanek deside taka ninia aktividade no empreza iha Timor-Leste, tanba laiha ona finanseiro atu sustenta empreza nee ba oin. Horas nee dadaun Nain ba empreza nee buka atu kreditu ba banku sira, maibe banku sira nee mos la fo kreditu, nunee  nia hili opsaun a faan ba ema seluk nudar pakote ida.  

Xefi Ezekutivo Empreza Kmanek, Clarence Lim, hateten ba JNDiário, Kuarta (30/01) iha ninia servisu fatin, Hudi-laran, Díli.

“Ha’u hahuu desidi ida ne’e iha inisiu fulan Jeneiru tinan ida ne nian wainhira fila husi Singapura hafoin diskuti hikas ho hau nia ferik oan. Los katak Kmanek sofre no iha difikuldade finanseiru balun, tanba ida ne’e mak ami presiza hare’e ba fali opsaun ruma,  katak, atu re-finansia fali hanesan saída mak ami halo hela ne, ami koalia ona ba BNU no ba doador seluk ruma hodi bele fo tulun, ne mak nudar opsaun ida, opsaun seluk maka atu faan hikas Kmanek nudar pakote ida ba fali nain tuir mai atu nune’e nain foun ne’e bele kontinua hikas negosiu husi Kmanek ne’e rasik”,  hateten Xefi Ezekutivo Empreza Kmanek, Clarence Lim.

Investor internacional ne’e hatutan, nia mai iha Timor durante tinan 15 ona no konsidera Kmanek hanesan oan ida, tanba ne’e dedika an tomak ba empreza ne’e iha Timor-Leste, maibe tanba krizi finanseiro obrigado tenke taka.

“Hau mai iha ne’e tinan 15 liu ba, Kmanek hanesan ona oan ida ba hau, hau dedika hau nia an tomak, ohin loron, hau bele konsidera hau labele atu lori labarik hodi bele ba atende universidade, ne’e duni hau buka hikas inan aman hakiak ida atu bele selu nia ba estuda iha nível universadi nian, nível ida aas liu. Ne’e duni, re-finansia fali, iha ne’ebé hau senti hau mos bele hela. Ka buka fali comprador ida ne’ebé mak kompetente. No wainhira halo hirak ne’e, ami mos sei minimiza atividade, minimizasaun ne ami halo baseia ba situasaun ekonomia atual ne’ebé mak lao hela tinan ne no ami tenkiser halo buat ruma, ami la halo buat ruma tinan kotuk. No ami iha esperansa atu situasaun ekonomia ne atu sai diak, maibe la konsege”, dehan Clarence Lim.

Lee hotu :   GOVERNU " DEVE" ETO MILLAUN 27 USD FORNESE TAN MINA BA EDTL LITRU MILLAUN 9

Emprezariu internasional ne’e esplika liu tan katak, empreza Kmanek sofre ona finanseiro dezde tinan 2018, nune’e iha esperança iha tinan 2019, maibe situasaun kontinua nune’e, maka laiha ona dalan.

“Ami sofre ona tinan kotuk, tinan ida ne no ami mos tenkiser halo buat ruma. Ne’e duni, ami hetan ona komprador inernasional nain 6, no ami mos hetan ona komprador nasional nian balun. Hare ba situasaun ekonomia atual no mos movimentu husi rendimentu ne’ebe mak la favorável atu suporta kustu negosiu nian. Ne’e duni, ami tenkiser duni sling line hodi bele kontinua ativu, ne’e mak buat seluk ida. Ne’e duni, ami halo sling lining, ami buka atu re-finansia, ami mos buka komprador, ne’e duni, Kmanek la’os atu taka, maibe ami buka dalan sai husi situasaun ida ne’ebé mak ami sofre ona iha tinan kotuk”, dehan nia.

Relasiona ho vida trabalhador, Clarence Lim dehan, trabalhador barak maka sei hapara.

“Trabalhador balun sei lakon, tanba impaktu husi minimizasaun atividade ne’e rasik, la signifika katak funsionariu 200 liu no agrikultor rihun iha liur neba atu lakon sira nia servisu, la’os hanesan ne. Hanesan hau dehan ona, hau mai iha ne ho objetivu, hau halo naran ona, ne’e duni hau labele hafoer hikas fali hau nia naran. Ne’e sei fila ho mos, no ema hotu bele agradese”, nia afirma.

Razaun ne’ebe maka empreza Kmanek infrenta tan maka, laiha ona duador hodi ajuda fo kredit, kompara tinan hirak liu ba banku ANZ fo kredito, maibe hapara ona. Efeitu ne’ebe mak akontese ba Kmanek los duni katak situasaun ekonomia la ajuda tebes.

Lee hotu :   PN-Governu kongratula Xanana konvense ConocoPhillips ■FRETILIN kontinua dúvida

Lolos ne’e mak, ami iha linha kreditu ho banku ANZ, antes ne’e, tinan 5 ka 6 ona, maibe iha tinan 2018, iha buat ruma akontese no sira hapara hikas hau atu bele utiliza linha ne’e rasik. Ne’e duni, wainhira sira hapara hikas impretismu ne’e, hau senti hanesan laiha ona linha moris, no sira proibi hau nia negosiu ba tinan ida tomak (red-2018). No ikus mai hau tenkiser selu hikas fali osan hirak ne’ebe mak hau impresta husi sira, tinan kotuk hau labele utiliza hau nia fundu, ka osan ne’ebé hau iha, no ikus mai hau tenkiser selu hikas ba sira osan liu husi Miliaun Ida”,dehan Clarence Lim.

Nia hatutan nia labele uza linha kreditu ne’ebé mak antes ne banku  aprova ona, nia tenkiser selu fali sira miliaun ida pontu lima liu, situasaun ekonomia monu ne mak akontese. Ne’e duni, ida ne’ebé mak hamate lolos ne, laos tanba situasaun ekonomia, ida ne mak nia hakarak klarifika ba ema hotu.

Situasaun ne’e halo Câmara Comercio Industria Timor-Leste (CCI-TL) mos preokupa maka’as, tanba timor-oan barak maka sei lakon serbisu no dezempregu kontinua aumenta iha Timor – Leste.

“Koalia lolos deit katak kuandu ha’u rona supermerkadu boot hanesan Kmanek ne’e, tanba aleinde iha supermerkadu iha Díli laran, nia mos iha atividade iha foho kuda modo ne’e fo serbisu ba ema barak, ne’ebe kuandu temi atus lima la servisu ona ne’e todan, la’os ida ne’e deit, ami ho empresários sira lor-loron reuniaun hela deit ne’e koalia deit maka asuntu ida atu taka kompanhia duni, maibe seidauk fo sai ba liur, situasaun ne’e maka sei la’o hanesan ne’e nafatin sei mosu boot liu tan, tanba ema laiha modal ona ne’e problema boot”, hateten Prezidenti CCi-TL, Oscar Lima.

Lee hotu :   MTK sei asina MoU tolu ho Repúblika Indonézia

Nune’e mos, Diretor Ezekutivo Diretor Ezekutivo Serviso Rejisto no Verifikasaun Emprezarial (SERVE, Instuto Publico), Florêncio Sanches hateten, SERVE.IP seidauk simu pedidu Kompanhia Kmanek relasiona ho taka empreza refere. Diretór SERVE.IP ne’e senti triste, bainhira empreza boot hanesan Kmanek deside taka, tanba afeta ba timor-oan hirak ne’ebe maka serbisu iha empreza Kmaenk.

“SERVE seidauk simu pedidu husi Kmanek, maibe hau rona ona sira atu taka, ne’e ba senti triste tebes”, dehan Florêncio Sanches.

Tuir lista SEVE.IP katak SERVE simu ona pedidu husi kompanhira 1000 atu taka sira nia empreza, maibe hafoin rona tiha esplikasaun husi SERVE ikus mai iha deit empreza 94 maka taka, husi total ne’e trabalhador timor-oan hamutuk nain 1000 sei lakon servisu. mia

Add to Comments Here!!!!

error: Content is protected.
Secured By miniOrange
You might also like:
La presiza dois terços, Tilman: Konstitusionalista Bacelar bosok

Jurista Timor-Oan Manuel Tilman konsidera, opiniaun...

KRAM husu governu taka total arte marsiais

Prezidente Komisaun Reguladora Arte Marsiais (KRAM)...

JORNAL AS 12 GMNTV, Loron-30 Fulan-Janeiru Tinan-2019

Close