JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Infraestrutura ladi’ak, turista 1700 vizita TL oras ualu de’it

Infraestrutura ladi’ak, turista 1700 vizita TL oras ualu de’it

Turista 1700 husi nasaun oi-oin, Kuarta (16/01), mai vizita Timor-Leste (TL), hodi haree fatin turístiku sira iha nasaun foun ne’e. Maibe iha vizita ida ne’e infelizmente oras ualu nia laran de’it, tanba infraestrutura ne’ebé TL iha ladun di’ak mak barak.

Diretur Jeral Ministériu Turismu, José Quintas hateten, turista hamutuk 1700 mai vizta TL ho objetivu mak atu haree fatin  turistiku no historiku sira iha TL.

Tanba ne’e, José Quintas, dehan, Ministériu Turizmu sei  servisu hamutuk ho parte kompetente atu hadia infra-estrutura iha portu Díli, atu nune’e turista sira ne’ebé mai vizita TL bele senti konfortabel.

“Iha tinan 2019 ne’e, ita hetan vizita ró Cruzeriu rua, ne’e sinal ida di’ak tebes, foin primeira vez, iha fulan Janeiru ita iha ró Cruzeriu mai dala rua kedas, maibé sé haree fali ba Domingu kotuk nia numeru ki’ik 450 de’it,  maibé ohin ne’e sa’e fali ba 1700. Tanba ne’e mak ha’u senti saida mak ita presiza hadia mak, infra-estrutura báziku iha Portu Díli ne’e, atu nune’e  turista  sira ne’ebé vizita senti konfortabel”, dehan Jose Quintas ba Jornalista sira Kuarta (16/01/209) iha Portu Díli.

José Quintas haktuir, ba oin sira sei halo kordenasaun nafatin ho autoriedade Portu Díli, para oinsa bele halo rehabilitasaun terminal, liu-liu  ba pasajeiru sira, no Ministériu Turizmu mós sei tau orsamentu oituan ba rehabilitasaun terminal ne’e, li-liu rehabilitasaun ba sintina no hariis fatin sira.

“Turista hirak ne’e sei hala’o vizita, balun ba Munisípiu Likisa no Ermera, nomós balun vizita de’it situs turístiku sira  iha kapital Díli. Husi aspeitu  seguransa di’ak tebes, ita-nia kolega sira husi PNTL fó seguransa másimu, tuir Ministériu Turismu nia prespetiva haree katak, iha aspetu promosaun no marketing di’ak tebes”, relata  José Quintas.

Lee hotu :   Impase polítiku provoka Lim fa’an empreza Kmanek ■CCI-TL preokupa Timor-oan barak sei lakon servisu

Nia esklarese, turista sira ne’e, mai husi nasionalidade oin-oin, balun mai husi Australia, Amerika, Europa no nasaun seluk tan.

“Kona ba vizita ne’e, normalmente turista sira ne’e mai Timor durante oras walu, maibé iha futuru  la taka dalan, sira mós bele mai iha ne’e to’o loron rua to’o tolu,  tanba buat ne’e depende ba infrastrutura di’ak no portu di’ak,  sira sei vizita durante loron tolu ka liu husi loron tolu ne’e”, katak José.oly

Add to Comments Here!!!!

error: Content is protected.
Secured By miniOrange
You might also like:
PR Lú Olo promulga LAP, PPN Arão: Asaun ConocoPhillips ho Shell fila ba kofre Estadu

Prezidenti Parlamentu Nasional (PPN), Arão Noe,...

Deputadu no funsionáriu PN moras ba tratamentu iha ospitál Malázia

Parlamentu Nasionál, Kuarta (16/01), asina akordu...

JORNAL AS 12 GMNTV, Loron-16 Fulan-Janeiru Tinan-2019

Close