JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

ACCTO lamenta negosiante xineza fa’an sasán laiha kualidade

ACCTO  lamenta negosiante xineza fa’an sasán laiha kualidade

Associação  Comercial das Comunidade  Xineza Timor-oan (ACCTO ),  lamenta ho sasán sira ne’ebé nogosiante Xineza sira fa’an iha rai laran laran barak mak iha kualidade tanba ho deit presu dolar ida (USD 1.00).

Prezidente ACCTO, Catlyn Gonsalves lamenta tebes ho folin sasan ne’ebé mak negosiante Xineza sira implementa, tanba bele hamate nogosiante rai laran sira.

“Ohin ami mós ko’alia kona ba asuntu negosiante Xineza sira-nia folin sasan, ne’ebé mak fó deit USD1.00, ami hanoin autoridade ne’ebé mak kompetente bele kria lei ida ne’ebé mak forte  hodi bele haree kona ba asuntu ne’e, tanba ida ne’e impaktu bo’ot ba ita-nia negosiante sira”, hatete Catlyn Gonsalves ba Jornalista sira iha Palásiu Prezidensial  Nicolau Lobato Bairo Pité Díli Kuarta (21/8/2019).

Catlyn haktuir, folin sasan Xineza sira ne’ebé mak mai ho folin baratu ne’ebé  mak fó impaktu negativu ba negosiante Timor-oan  sira ne’e, ACCTO promete sei halo esforsu hotu hodi ko’alia ho negosiante Xineza sira atu labele halo fali buat ne’ebé mak Timor-oan rasik mós bele halo.

“Ami sei kontinua ko’alia ho sira, liu-liu Governu Xina atu servisu ne’ebé  mak Timor-oan sira iha kapasidade atu halo ita labele halo, no ita sira ne’ebé mak mai halo investimentu ne’ebé mak bo’ot atu bele  fo servisu ba ema, no alende ne’e mós husu ba ita- nia governu para bele kria lei ida ne’ebé mak  rigoroju oinsa prosesu emprezáriu rai liur mai investe iha ne’e entermus kualidade no folin”, lamenta Catlyn.

Tanba tuir sira nia haree, durante ne’e TL uza hela sistema Merkadu livre, nune’e maske sira-nia sasan mai la ho kualidade no ho folin baratu mós governu labele halo buat ida tanba lei mak fó dalan.

Lee hotu :   TL fo oportunidade ba ema hotu investe, BRI bele fasilita atividades finanseira

“Ida ne’e kona ba lei internasional WT0 ne’ebé mak halo regulamentu kona ba  kualidade produtu ne’ebé mak ita lori sai no hatama mai ne’ebé presiza hetan kontrolu husi lei WTO ne’ebé mak iha ne’ebé mak  Governu TL tenki halo akordu ida ho WTO para bele  haree kona ba asuntu ne’e”, Catlyn hateten.

 Konvida PR partisipa aniversáriu Repúblika Popular Xina ba dala 70

Asosiasaun  Comercial da Comunidade  Xineza Timor-oan ( ACCTO)  iha Timor-Leste (TL), ofisialmente  konvida Prezidente Republika (PR), Francisco Guterres Lú Olo atu partispa  seremonia aniversáriu Repúblika Popular Xina ba dala  70.

Hafoin hasoru malu ho Prezidente Republika, Francisco Guterres Lú Olo, Prezidente Asosiasaun Empreza Xineza iha Timor-Leste, Catlyn Gonsalves informa, objetivu husi vizita  ne’e alende atu hato’o misaun no vizaun  ACCTO  ba Prezidente Republika, hato’o mós karta konvite ba PR atu partisipa komemorasaun aniversáriu Repúblika Popular Xina ba dala 70 ne’ebé mak sei hala’o iha tempu badak.

“Ami mai iha ne’e atu hato’o ami  vizaun no misaun organizasaun nian ba Prezidente Repúblika, no ami hanesan operador ekonomia iha rai laran, no ami mós ko’alia uitoan kona ba lalaok negósiu iha ita-nia rai laran, ne’ebé hanesan asosisaun ne’ebé hari’i iha tinan 1912, tinan ida ne’e halo ona tinan ba atus ida hitu (107 ) ne’ebé bele hatete organizasaun istóriku ne’ebé  hari’i husi ami nia beala sira ba ami atu kontinua dezenvolve, ho  objetivu prinsipal mak atu halibur negosiante sira”, relata Catlyn Gonsalves ba Jornalista sira, hafoin hasoru malu ho PR Francisco  Guterres Lú Olo, iha Palásiu Prezidente Nicolau Lobato Bairo Pite Díli, Kuarta (21/8/2019).

Lee hotu :   KM aprova dekretu atu regula prosedimentu ba invensimentu privadu

Catlyn haktuir, alende  atu halibur negosiante Timor-oan, estabelesimentu ACCTO ne’e mós atu sai perseiru dezenvolvimentu  Estadu no Governu ne’ebé mak  sempre prontu atu dezenvolve ekonomia  rai laran nian.

“Hanesan Timor-oan, ami nia kontribuisaun ba nasaun TL mak liu-liu iha kresimentu ekonómiku, kria kampu de traballu, hamenus kiak, ami nia moris ne’e  hatene liu mak negósiu  ne’ebé hanesan mahon ba negosiante hotu, atu defende sira-nia negósiu, atu defende sira-nia direitu no seluk tan”, Catlyn hateten.

Tuir Dadus desde inísiu hari’i iha tinan 1912 to’o tinan 2019, total negosiante ne’ebé  hamahan aan iha asosiasaun refere hamutuk rihun sanolu.

Enkuantu planu seremonia aniversáriu Repúblika Popular Xina sei hala’o iha loron rua nolu resin walu (28), Fulan Setembru tinan ne’e.ola

Add to Comments Here!!!!

error: Content is protected.
Secured By miniOrange
You might also like:
FRETILIN krítika Governu AMP laiha jestaun diak ba dezenvolvimentu nasionál

Deputadu sira husi bankada FRETILIN iha...

Dia 21/08/2019/GMNTV LIVE STREAM/ JORNAL NASIONAL KALAN

Dia 22/08/2019/GMNTV LIVE STREAM/ DADER KMANEK

Close