JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

KOMUNIDADE IMPEDE PROJETU TASITOLU-TIBAR

KOMUNIDADE IMPEDE PROJETU TASITOLU-TIBAR

Projetu konstrusaun estrada ligasaun Tasi-tolu ba Tibar, ne’ebé kuaze atinji ona pursentu 75 maibé, sei paradu hela, maske hela fulan ida ho balun tempu kontratu atu termina ona, tanba hetan intervensaun husi komunidade sira ne’ebé deklara na’in ba rai refere hodi hetan sira-nia direitu kompensasaun.

“Projetu ne’e seidauk iha kontinuasaun, tanba iha problema iha parte sorin, iha komunidade balun lakohi fó fatin no interven hela”, esplika koordenadór jerál kompañia China Wu Yi.co.Ltd, António da Cruz ba deputadu sira iha Kinta (03/10/2019), durante hetan fiskalizasaun husi komisaun E, ne’ebé trata asuntu infra-estrutra.

Nune’e, reprezentante komunidade uma ka’in hitu ne’ebé deklara sai na’in ba rai ne’e justifika, sira interven ba projetu refere, tanba hela de’it pursentu 25 maibé, husi parte governu seidauk fó rekoñesementu ba sira hanesan na’in ba rai refere.

“Ita ajuda mak ohin loron kuaze atu atinji ona sem pursentu ne’e, ne’ebé la’o ba maibé, governu mós presiza hatene ami nia direitu, tanba ami mak hela kleur iha ne’e. Negosiasaun ne’e rasik sei para hela iha terras propriedades, no ami seidauk iha intende malu didi’ak kona-bá ida ne’e katak, ami nia rai ne’e sira atu fó presu hira, depois se-se nian, no kona metru hira-hira?, ne’e seidauk loos maibé, só hateten de’it mak ne’e projetu Estadu nian, tenki fó dalan, tanba ne’e mak ami fó tiha ona maibé, agora atu atinji no termina nia ona ne’e, tenki solusiona uluk lai. Ami nia obrigasaun mak fó hodi la’o to’o pursentu 75 ona ne’e maibé, atu termina ona ne’e, hela pursentu 25 ne’e, ami tenki trava tiha lai maibé, governu seidauk mai sukat. Ami sei la fó projetu pursentu 25 ne’e kontinua, tanba sira seidauk selu indeminizasaun ba ami, tanba sira du’un malu ba mai loos, hanesan sira laiha koordenasaun ba malu”, justifikasaun Carlos de Fátima bainhira konversa ho deputadu sira komisaun E, asuntu infra-estrutura Parlamentu Nasionál, durante fiskalizasaun.

Lee hotu :   SETOR PRIVADU SEIDAUK PRONTU ADERE BA ASEAN

Hatán ba proekupasaun sira ne’e, Prezidente Komisaun E, Abel Pires konsidera, fallansu ne’e, parte terras no propriedades nian servisu, tanba ne’e, Komisaun E, sei ezije  servisu terras no propriedades, atu bele rezolve lai asuntu ne’e, tanba tempu determinasaun projetu ne’e besik dadaun ona, nune’e, labele afeita ba prosesu dezenvolvimentu hodi la’o.

Aleinde ne’e, deputadu sira komisaun E mós enkoraja komunidade hirak ne’e, atu kontinua kontribui ba prosesu dezenvolvimentu, labele interven prosesu ne’ebé la’o dadaun.

“Ne’e problema kompañia nian maibé, terras nian, terras mak bele rezolve ida ne’e, terras mak bele mai sukat, tanba ne’e, tenki fó nafatin dalan ba dezenvovlimentu la’o, tanba ita bo’ot sira komunidade iha ne’e mak sei benefísia liu, tanba dalan ne’e dalan internasionál. Komunidade nia problema ne’e, bele ba ko’alia ho parte terras no propriedade de’it, tanba ne’e sira-nia kompetensia,” dehan deputadu PN.

Entertantu, projetu konstrusaun estrada ne’e rasik atinji ona pursentu 75, hahú desde fulan Fevereiru tinan 2017, no tuir kontratu termina iha fulan Outubru tinan 2018 maibé, la konsege, tanba impasse polítika, tanba ne’e, prolonga fali ba fulan Dezembru tinan 2019 ne’e.say

Add to Comments Here!!!!

error: Content is protected.
Secured By miniOrange
You might also like:
CRISTINA MENDONÇA SAI PR ORAS IDA

Joven feto ida husi Munisípiu Ainaro,...

RAMOS HORTA: VIII GOVERNU LADÚN EFETIVU EZEKUTA OJE NO PROGRAMA

Eis Prezidenti Repúblika (PR), José Ramos Horta...

Dia 03/10/2019 || GMNTV LIVE STREAM || GRANDE ENTREVISTA

Close