JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Ladún hetan pasajeiru, Aviaun Sriwijaya deside hapara operasaun provizóriu  PN: Governu presiza kontrola presu billeti aviaun

Ladún hetan pasajeiru, Aviaun Sriwijaya deside hapara operasaun provizóriu 	PN: Governu presiza kontrola presu billeti aviaun

Reprezentante povu iha uma fukun Parlamentu Nasional (PN) preokupa ho presu billeti aviaun nini’an, dau-daun ne’e, aviaun aviaun balun tenki hapara ninia operasaun tula pasajeiru husi Díli ba rai liur, tanba laiha pasajeiru mak hakarak sa’e, tanba konsidera presu billeti karun liu, kompara ho aviaun sira seluk.

Relasiona ho situasaun ida ne’e, dau-daun ne’e mós, Sriwijaya Air hapara operasaun provizoriumente, tanba laiha pasajeiru, ho nune’e sira ajensia Sriwijaya Air deside sei hadi’a kustu billeti nini’an.

“Sira hapara duni operasaun aviaun Sriwijaya rute Díli-Bali no Bali-Díli, tanba, ita haree aviaun rua (2), hanesan Citilink ho Name Air mós agora para ona, husi aviaun sira ne’e, ita hatene katak, presu billeti aviaun Sriwijaya mak karun, husi Díli ba Bali la hanesan uluk USD80 no ba mai ho presu USD160, maibé agora ho presu billeti USD500”, Deputadu husi bankada Congresso Nacional Reconstrução de Timor (CNRT), Domingos Carvalho de Araújo ba jornalista sira iha PN, Segunda (11-11-2019).

Nia esplika, tuir observasaun husi komisaun E PN, liu husi halo estudu komparativu iha rai liur, haree katak, aviaun Sriwijaya iha kadeira 100, maibé pasajeiru na’in 10 resin deit maka sa’e, ho razaun hirak ne’e, maka ajensia Sriwijaya deside hapara provizóriu.

“Ho kadeira 100 mak pasajeiru na’in 10 resin deit maka sa’e, ida ne’e haree ba negósiu kampañia lakon, sé situasaun ne’e kontinua akontese nafatin parese ita iha ne’e aviaun ida deit, aviaun tau barak ema laiha hanesan deit, tanba nia kustu maka boot halo ema atu viajen ba mai araska”, hateten deputadu husi bankada CNRT ne’e.

Tuir deputadu Patido Democrático (PD), Mariano Assanami Sabino, hateten, governu presiza halo intervensaun, hodi haree presu billeti aviaun nini’an no governu tenki buka aviaun seluk hodi troka aviaun Sriwijaya.

Lee hotu :   Fundu mina-rai sa´e ba billiaun USD 17.55

“Ita presiza haree presu aviaun, tenki tun, Estadu tenki garantia sidadaun sa’e aviaun seguru no di’ak, presu billeti naton, halo keneksaun sidadaun ba estranjeiru, maibé ida ne’e la’os problema negósiu, ho situasaun ne’e, governu tenki halo intervensaun, presiza servisu hamutuk ho setor privadu tau aviaun, setor privadu identifika uza aviaun ho aluga deit tinan 5 la uza bele troka ona”, tenik Assanami.

Husi sorin seluk, Vise Xefi bankada Frente Revolucionarío do Timor-Leste Independente (FRETILIN), Francisco Miranda Branco, informa, desizaun ajensia aviaun Sriwijaya hapara operasaun, tanba laiha pasajeiru.

“Dalaruma ita haree aviaun semo mamuk hela, ne’e bele fó impaktu ba fator ekonómiku finanseiru, ida ne’e desizaun ajensia Sriwijaya hapara operasaun Bali-Díli, maibé ita mós agora iha ligasaun Díli-Singapura no hapara operasaun ne’e kapasidade ajensia nian hodi deside”, katak Branco.

Enkuantu aviaun  Sriwijaya hapara  operasaun  voo Díli-Bali, iha loron 11, fulan ne’e. ety

Add to Comments Here!!!!

error: Content is protected.
Secured By miniOrange
You might also like:
Dezenvolve fatin turizmu iha Munisípiu sira, Governu konsulta ho Autoridade Munisipal

Diresaun Jeral Turizmu realiza enkontru konsultasaun...

Timor-oan ne’ebé lakon iha tempu funu hasoru malu ho PR

Timor-oan sira ne’ebé lakon iha funu...

TR estuda hela LAP-LFP

Prezidente Tribunal Rekursu (PTR) informa, Tribunal...

Close