JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu promete hasa’e kresimentu ekonómiku TL ba 7,2%

Governu promete hasa’e kresimentu ekonómiku TL ba 7,2%

Primeiru Ministru (PM), Taur Matan Ruak, promete sei hasa’e kresimentu ekonómiku Timor-Leste (TL) ba 7,2% iha tinan 2020 mai atu kumpre kompromisu ne’ebé Governu asume ona ba povu no ba Parlamentu Nasionál liu husi ninia programa.

Xefe Governu hato’o lia hirak nee iha aprezentasaun no debate jeneralidade Proposta Lei Orsamentu Jeral Estadu (OJE) 2020, Segunda (02/12), iha Parlamentu Nasional.

Taur Matan Ruak, iha nia diskursu hateten katak, tempu to’o ona atu fila-fali ba normalidade kompleta no aposta iha impulsu forte no foun ida ba investimentu, ekonómiku hodi hadia povu nia moris diak, tanba nee promete sei esforsu hasa’e ekonómiku Timor- Leste ba 7,2%.

“Kreximentu ne’ebé forte husi ita-nia Produtu Internu Brutu la’ós-Petrolíferu, ne’ebé daudaun ne’e kalkula ba 5,1%, fó mai ita konfiansa no espetativa ne’ebé boot atubele alkansa, iha tinan 2020, kreximentu ekonómiku ida hamutuk 7,2%, atu kumpre hotu ita-nia kompromisu ne’ebé Governu asume ona ba Povu no ba Parlamentu Nasionál liuhusi ninia programa.  Estabilidade polítika no sosiál ne’ebé Governu promove ona to’o oras ne’e, dudu ona kreximentu atividade husi ita-nia ekonomia nasionál no sei permite, iha futuru, hadi’a ba beibeik kondisaun moris ita-nia Povu nian, ne’ebé hatudu ona iha retornu ba Konsumu Família, ne’ebé tenke rejista kreximentu ida besik 3% iha tinan 2020, hodi kontribui ba redusaun ida ne’ebé signifikativu ba Taxa Pobreza, tinan ne’e, ba 31,8%, ne’ebé reprezenta menus pontu persentuál sanulu, bainhira kompara ho tinan fiskál 2014”, dehan Xefe Ezekutivu.

Taur Matan Ruak esplika asaun ne’ebé Governu foti ne’e ho objetivu atu garante ba setór justisa inkluzaun páz no toleránsia,protesaun sosiál ba grupu sira ne’ebé vulneravel no moris diak ba povu Timor-Leste.

Lee hotu :   MCI garante stock sufisiente iha Natal-Tinan foun

“Estadu kontinua sai nu’udar prinsipál motór ba kreximentu no dezenvolvimentu ekonómiku, sai mós responsavel prinsipál no garante ba justisa, inkluzaun, pás no toleránsia, protesaun sosiál ba grupu sira ne’ebé vulneravel liu, moris-di’ak no kualidade vida ita-nia povu nian, igualdade ba oportunidade no igualdade ba jéneru.  Ho konsiderasaun ba responsabilidade oioin ne’ebé Estadu asume, liuliu iha planu sosiál, Governu la bele ignora ninia obrigasaun hodi fó kontinuidade ba ezekusaun Planu Estratéjiku Dezenvolvimentu 2011-2030 no Roteiru 2030 atu implementa Objetivu Dezenvolvimentu Sustentavel.  Hanesan ne’e de’it, no ho tulun husi ema hotu, Governu ne’e no ida ne’ebé tuir mai sei bele transforma ita-nia Pátria doben ba iha país ida modernu, riku, forte, seguru, justu no solidáriu liután, ne’ebé bele oferese oportunidade hanesan ba sidadaun sira hotu no sein haluha ka husik ba kotuk nein ema ida, liu-liu sira ne’ebé hasoru situasaun frajilidade ka vulnerabilidade ekonómika ka sosiál nian ne’ebé boot.  Meta sira-ne’ebé prevee iha ita-nia Programa Governu no kompromisu klaru ne’ebé ita asume ho ita-nia sidadaun sira dudu ami atu intensifika esforsu atu konkretiza objetivu nasionál boot nian hodi liberta Povu husi Ki’ak no husi Hamlaha”, dehan Primeiru Ministru.

Eis Prezidente Repúblika ne’e mós dehan,nia sei esforsu atu hetan nafatin konfiansa husi povu, no Instituisaun sira , maske Governu ne’ebé nia lidera hasoru difikuldade no obstákulu barak.

PM Taur Matan Ruak, rekoñese Oitavu Governu ne’ebé nia lidera la’o tinan ida ho balun ona, maibé kontinua seidauk kompletu no buka ,hodi kontribui nafaftin paz no estabilidade polítiku no sosiál iha nasaun rai doben ida ne’e.Tos

Add to Comments Here!!!!

error: Content is protected.
Secured By miniOrange
You might also like:
Luis Lobato: Presiza fó formasaun iha área étika ba pesoal saúde

Eis Vise Ministru Ministériu Saúde, Luis...

JVRSS soke mate aman no oan la detein iha sela

Tuir informasaun husi Polísia, motorista JVRSS,...

Jestu PM-PR iha serimónia 28 Novembru sai ezemplu di’ak ba jerasaun foun

Arche Bispu Timor Leste, Dom Virgílio...

Close