JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

EGOISMO LIDERS PARTIDOS POLITIKU AFEITA BA FORMASAUN ESTRUTURA VII GOVERNU KONSTITUSIONAL RDTL

EGOISMO LIDERS PARTIDOS POLITIKU AFEITA BA  FORMASAUN ESTRUTURA VII GOVERNU KONSTITUSIONAL RDTL

Nelson Madeira

Maluk doben Timor oan sira, hanesan ita hotu hatene ElPar 2017 iha Loron 22 Fulan Julho kotuk liu ba hatudu katak, husi partido hamutuk 21 nebe maka partisipa iha festa demokrasia Elisaun Legislativu 2017-2022, La iha partido ida maka manan ho votus maioria absoluta (50+1). Mehi partido zigante 2: FRETILIN ho CNRT atu ukun mesak governasaun iha VII Governu Konstitusional la bele realiza tamba iha dezafius no lakunas oin-oin maka sira infrenta. Iha opiniaun ka observasaun balun hakerek Iha Jornal STL 5/8/2017 iha artikel opiniaun ho titulo Tamba sá maka Partido CNRT la hetan votus maioria absoluta iha ElPar 2017?. Alein esplika kona ba fator 2 (Fator esternal no fator internal Partido CNRT) nebe sai hanesan empedimentu ba Partido ho numero sorteio 7 hodi hetan votus maioria absoluta. Iha mos paragraf balun maka sita kona ba posibilidade ba partido zigante 2 ne’e hodi hetan votus maioria absoluta. Husi resultadu elisaun 22/7/2017, iha deit Partido 5 (FRETILIN, CNRT, PLP, PD no KHUNTO) maka iha direitu hodi tur iha Uma fukun parlamento nasional no hanesan ukun nain hodi lidera instituisaun governu nomos sai hanesan opozisaun iha parlamento nasional ba periodu tinan 5 tuir mai, tamba partido hirak ne’e maka hakat liu bareiras 4%.

Negosiasaun politika/Politik tawar-menawar entre liders partido hodi forma governu

Tuir Artigu 106 Konstituisonal RDTL hatete katak, formasaun governu mai husi partido mais votadu ou aliansa partidu politiku maioria parlamentar, Partido mais votadu Fretilin  sei hetan uluk oportunidade hodi hamosu koligasaun maioria parlamentar, indigita pozisaun kargu chefe do estado (PM) no forma governu. (Estanislau Saldanha, STL 5/8/2017). Liu husi deklarasaun politika, partido ho numero sorteio 21 hatete katak Partido Fretilin prontu ho responsabilidade moral atu forma governu ba dala VII (2017-2022). Husi fenomena politika depois resultadu hasai husi Tribunal Rekurso, Sekretariu Jeral Sr. Mari Alkatiri hamutuk membros CCF simu konvite husi Presidente da Republika hodi iha seriedade atu forma VII Governu Konstitusional. Ita hotu hatene katak, iha elisaun jeral hanesan elisaun parlamentar, partido ho votus maioria absoluta (50+1) maka iha puder tomak hodi forma governu, nia iha direitu atu monta pesoa husi partido nian ka ema independen hodi tur iha governasaun foun, no la presiza kria aliansa ka koligasaun. Maibe realidade hatudu katak Elisaun legislativu 2017 la iha partido ida maka sai vensedor absoluta, ne’e duni, partido mais votadu (Fretilin) iha puder maksimu hodi forma estrutura VII Governu Konstitusional hodi tu’ur iha governu ho maneira “Negosiasaun politika/bargaining power ka ita bele dehan politik tawar-menawar” ho partido 4 nebe hetan asentu iha parlamentu nasional. Liu husi komunikasaun politika, Partido Fretilin buka hakbesik a’an ba liders partidos hodi buka solusaun hodi forma governu, iha negosiasaun politika entre partido mais votadu ho partidos 4 seluk la iha liafuan konkordansia/one voice, one vision. Partidos ho nia ejijensia atu hetan kadeira ka fahe servisu hodi lidera institusaun governu, dalaruma la iha konsensus politika entre liders politiku, tamba sentimentu ego, arogansia no ambisaun hodi defende interese grupo ka partido husi liders partidos politiku. Ita akumpaña notisias iha TV nomos iha jornal, liders jerasaun tuan sira inklui Premiadu Nobel da Paz Sr. Ramos Horta, Komandante Lere Anan Timor hamutuk liders partido politiku aktual ho dedikasaun a’as no responsabilidade moral ba nasaun ida ne’e buka hodi tur hamutuk hamosu konsensus nasional ida hodi kontinua prosesu desenvolvimento nasional maka prega ona iha PEDN 2011-2030.

Maluk sira, Data fiksu hodi fo tomada de posse ba membros parlamentu nasional nomos membros governu tuir kalendariu sei realiza iha dia 21 no 22 Fulan Augusto ida ne’e. Ho tempo nebe limitadu fo atensaun boot ba partido ho kadeiras 23 hodi servisu estra atu estabelese estrutura hodi asegura VII Governu Konstitusional hodi to’o nia rohan (2022), nomos evita espekulasaun nebe maka espalha iha publiku, por ex: governasaun ne’e sei la dura tamba la involve partido CNRT iha formasaun VII governu, karik la hetan apoio husi partido 4 ne’e Fretilin sei avansa ho modelu governasaun insidensia parlamentar, karik mos sei akontese elisaun antisipada, nsst).

Presiza iha boa vontade no hatur interese nasional a’as liu interese partidaria

hodi hari’i Konsensus politika nasional husi liders partidos politiku

Liu husi negosiasaun politika lidera husi Partido Fretilin negosia ka komunika ho partidos 4 seidauk iha resultadu fiksu. Husi dialogu partido entre Fretilin, PLP no Khunto iha ona plataforma ba formasaun estrutura governu tinan 5 tuir mai ne’e. Maibe karik mos iha espekulasaun foun depois de encontru feisadu (14/8/2017) iha Palasiu Presidente, Aitarak laran, sorumuto entre Presidente Republika Sr. Francisco Guterres Lu-Olo ho lider partido zigante 2: Kay Rala Xanana Gusmão ho Mari Bin Amude Alkatiri hodi koalia kona ba espetativas politika ba formasaun VII Governu Konstitusional RDTL, karik saida maka sei akontese ho prezensa Presidente Partido CNRT, lider karismatiku lider ho influensa politika iha rai laran nomos iha rai liur, tamba durante ne’e nia izola a’an ba publiku, media inklui ba lider Partido Fretilin Mari Alkatiri depois Tribunal Rekursu anunsia resultadu final ElPar 2017. Husi sorumuto naktaka entre lider nain 3, karik mos bele hamosu formasaun governu entre partido zigante 2 lidera husi lider karismatiku Kay Rala Xanana Gusmão no Mari Bin Amude Alkatiri hanesan mos membros ida hodi funda Partido Fretilin, ho formasaun forsa politika 23 no 22 = 45 kadeiras (mais absoluta).

Resultadu encontru liders nain 3 ne’e, ita hein katak lider nasional sira, sei hamosu konsensus politika nasional ho boa vontade hodi forma governu ba dala VII, garante funsiunamentu estadu no hatur interese nasional a’as liu interese partidu, ita fiar katak governasaun foun mai lidera husi Partido Fretilin sei tau valor no konsiderasaun maksimu ba Presidente Partido CNRT, Kay Rala Xanana Gusmão hodi kontinua nia papel hanesan Negosiador ba Fronteira Maritima entre TL ho Australia hodi defende soberania ba tasi Timor. Ho sorumuto ida ne’e mos, ita espera katak sei halakon sentimentu egoismo entre liders partidos politiku, no tau interese nasional a’as liu interese partidaria. Partido nebe deit maka governa iha VII Governu Konstitusional, no partido nebe deit maka sai hanesan opozisaun hein katak lider politiku sira iha sentimentu nasionalismo, patriotismo hodi lori governu no povu Timor ba moris hakmatek iha domin no paz. Governasaun ho desempeñu efisiensia no efikas, tamba durante ne’e tuir partido Fretilin nia hare katak governasaun iha periodu 2 kotuk liu ba, estrutura governasaun mais alargadu, ne’e duni implika ba servisu la efisiensia no efikas nomos afeita ba gastos orsamento estadu, Espera mos katak governasaun foun ne’e, bele kontinua Programa servisu nebe komtempla ona iha Planu Estratejia Desenvolvimento Nasional 2011-2030, mesmo Eis Primeiru Ministru V Governu Konstitusional maka sai hanesan autor ba assunto ida ne’e.

Karik VII Governu Konsitusional konsisten duni atu implementa estratejia H 6

Iha perguntas ida mosu, Karik iha VII Governu Konstitusional lidera husi Partido Fretilin, Sekretariu Jeral Sr. Mari Alkatiri konsisten duni ho nia liafuan atu implementa estratejia H 6 (Hadia, Hari’i, Hametin, Haburas, Habelar no Hamos), ho analizasaun porfunda ida ba Pesoa ida-idak liu-liu hanesan servidor estadu inklui membros governu, eis titulares, Institusaun governu nomos Sistema servisu durante governasaun anterior aplika. Karik implementa duni oinsa nia afeitasaun ba makina estadu (funsiunarios publiku to’o iha nivel politiku sira karik indika involve iha pratika KKN), oinsa atu hametin harmonizasaun entre liders partidos politiku, karik mos afeita ba estabilidade nasional?. Ita hein katak, VII Governu Konstitusional lidera husi partido historiku sei lori nuansa foun ida ba prosesu desenvolvimento nasional nebe efisiensia no efikas ho prinsipiu Haburas Unidade Nasional, Povu ida deit, Rai ida deit TIMOR-LESTE.

Lee hotu :   Lere Apresia Ezesténsia GMN

Add to Comments Here!!!!

error: Content is protected.
Secured By miniOrange
You might also like:
GPM TRAVA PROPOSTA PROJETU 40

Koordenador Unidade Apoiu Sosiedade Sivil Gabinete...

KASIAN HARI’I ESKOLA LIMA ATU KONKRETIZA MEHI IHA TEMPO LUTA

Veterana Madalena Bidau Soares ‘Kasian’, hatete...

GOVERNU APLIKA TAXA BA KARETA NO MOTORIZADA

Governu liu husi Ministériu Administrasaun Estatal,...

Close