JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

KOMPRIMÍSIU

KOMPRIMÍSIU

Komprimísiu

7 Governu  ba Kombate Korrupsaun   

  Povu Hein iha Sikun Palásiu Governu no Parlamentu Nasional

Husi: Rosário de Araújo

Ita boot sira hatene ká lae? Lideransa oin-nusa ida maka povu  Timor-leste hein ba periódu ukun tinan lima ba oin né? nia resposta maka lideransa ida maka iha visaun, misaun, barani no la buka  lukru wainhira servi hanesan lider, iha Governasaun ida. Iha visaun no misaun ne’ebé sensivel hodi apoiu povu nia moris diak iha Estadu ida, Artigu 6o. Objetivu Estadu nian  tuir Konstituisaun RDTL, alinea (e) Harii sosiedade ida-ne’ebé hatuur iha justisa social, hodi hakiak sidadaun sira-nia moris di’ak ba isin no ba klamar; alinea (j) Hamoris, promove no garante biban no leet ne’ebé hanesan ba ema feto no mane. Liafuan seluk dehan lider ida maka sempre “Pro-Rakyat”lider hirak hanesan ne’e maka presisa duni hodi lori ejizensia no ainfatin Estadu nian ba servi povu iha dezenvolvimentu nasaun nian. Presisa barani sai lider ba Timor-leste, atu dezolve ka harahun tiha polítika sira maka la produtiva, tamba né maka  tenke iha abilidade no inovasaun hodi remodela no hafoun sistema governasaun ida maka diak, diak signifika katak governasaun ida maka mo’os husi interese oi-oin,  laiha nia track record ida maka foer iha nia pasadu, ida né sei ajuda atu harii governasaun ida maka maduro no ezemplar iha integridade ba ukun tuir sosiedade nia hakarak.

Promove Fidelidade ho focus laós saida maka ema seluk halo hela ou la halo, maibe krítika  ba hahalok  rasik, aumenta fiar ema ida nian, no konsentra atensaun laós ba liafuan no promezas, maibé asaun , hahalok ho meius,

Kenneth Cloke no Joan Goldsmith

        Lider ho integridade diak maka lider ida iha abilidade hodi respeita a’as valores, normas no prinsípius no fiar ba lia lós hotu, bainhira ezerse hela kna’ar ida, lider hirak né la fasil atu monu ba tentasaun saida deit, iha oportunidade saida deit, tamba fidelidade hanesan lideransa  prontu sai ezemplar ba ukun ne’ebe diak, iha konsiensia no maturidade, tau hanoin  ba distinu nasaun no povu tuir prioridade, laiha intensaun ba oportunidade oi-oin, interese Estadu no povu maka a’as liu interese seluk sira.  Timor-leste tenke orgullu tamba paíz ida maka ki’ik no kiak maibé hahoris ona lider boot lubun ida ne’ebé iha Integridade no femousu, kuñesidu iha mundu, sira nia dedikasaun hodi harii  povu no Estadu labele sura ho folin saida deit, tamba sira maka pionéru no lalatak ba nasaun ida ne’e, sira lider ida maka modelu no ezemplu iha tempu saida deit, tamba ne’e laiha razaun hanoin saida deit atu limite ka elimina sira nia hanoin ba harii Estadu ida ne’e. Sosiedade hotu tau fiar  a’as tebtebes ba sira nia komitmentu iha komprimísiu hanesan lideransa hodi lori povu ba moris diak no tau prioridade ba kombate korrupsaun seim fronteiras no laiha bareira, ida ne’e maka ema hotu nia mehi iha 70. Governu Konstituisional, ba ida ne’e, povu hein iha sikun palásiu Governu no Parlamentu Nasional. Karik Timor-leste ladauk atinje liu prestasaun kombate korrupsaun iha tinan hirak liu ba, ida ne’e sei sai home work ba Governu foun, karik Timor-leste ladauk dezenvolve setor hotu hodi fó moris ba sosiedade tomak iha  tinan lima liu ba ida né mo’os sei sai home work ba Governu foun, iha lider sira nia liman distinu Timor-leste nian, mehi ba hasai povu husi kiak no mukit, tenke konkretiza iha asaun real, naran katak labele servi tamba iha interese. Prátika Halakon Korrupsaun Tenke Sai Movimentu Nasional ida (I.o komisário CAC, Adérito de Jesus Soares) katak asaun  kombate korrupsaun hodi atinze boa governasaun ida tenke tau hanesan prioridade iha instituisaun Estadu no privadu sira iha prosesu  implementasaun programa hotu, laiha le’et ka biban ba programa saida deit atu tau risku ba kuntinuasaun programa, kontrolu iha sistema ezekusaun orsamentu, kontrolu iha jere kualidade, kontrolu iha falsifíkasaun dokumentu sira, kontrolu iha konflitu interese sira, kontrolu iha utilizasaun rekursu sira, kontrolu ba projetu nain sira, kontrolu ba kumpañia sira, kontrolu konsultan sira, kontrolu ba tékniku sira no seluk-seluk tan, tenke sai pakote programa ida iha Governasaun foun hodi elimina prátika sira maka bele hamonu Governasaun ida nia lalaok tomak, kombate korrupsaun laos buat ruma maka difísil liu, maibe ida ne’ebé difísil liu ne’e maka “Vontade”, mezmu Timor-leste iha ona meius oi-oin hodi luta kontra moras boot ida ne’e, “Governments must do more to deliver on their anti-corruption commitments, it’s time to stop talking and act, Millions of people are forced to pay bribes for public services and it is the poor who are most vulnerable.” – José Ugaz, Chair of Transparency International.

      Maibe wainhira ita nia vontade laiha ou lakohi hamoris vontade rasik hodi minimíza aktus korrupsaun, fiar katak saida maka ita nia mehi sei sai biaz iha retórika deit, tamba né prinsípiu xave ne’ebé fundamentu liu maka “Vontade Polítika”, ida né maka desisaun a’as iha Governasaun ida, atu toma kunsiderasaun ou lae, depende boa vontade ne’e rasik, karik  foti desisaun tarde  maka sei desfia rekursu estadu nian, nia impaktu sei boot liu ba vida nasaun no povu, situasaun hirak hanesan ne’e dala barak  susar no difisil tamba tenke kabe ba kompeténsia no desisaun polítka atu hola medidas, ladauk tan dada malu iha diskusaun ne’ebé iha potensia ba estabilidade polítika no interese oi-oin, pontus hirak ne’e bele sai determinante ida ba desisaun tomak, maibe, sukat nafatin katak Interese Estadu maka a’as liu interese hotu, Atualizasaun poderes karik bele akuntese wainhira liafuan no hahalok labele hases malu.( Hannah Arendt.)

      Kombate Korrupsaun  laos asuntu privadu ka instituisaun ida ka rua nian, luta kontra korrupsaun né tenke integradu no koletivu, signifika katak ema hotu-hotu tenke envolve hodi buka tuir abut ba korrupsaun né iha ne’ebé, tamba né presisa desisaun sira tenke koletivu iha nivel polítika nain sira, setor públiku sira, setor privadu sira, tenke barani foti desisaun tamba liga ba ema barak nia moris, labele fihir koor, desisaun tenke nakonu ho integridade laos generaliza tamba interese pesoal sira.

     Timor-leste sukat metin lideransa sira nia giaun hanesan forsa ida husi komportamentu diak ba prinsipiu Estadu, lideransa foun ida mai ne’e tenke diferente liu tan ho lideransa hirak liu ona, tenke koko atu investe kapasidade tomak atu jere Estadu ida ne’e ho integridade, tenke ho fiar an nafatin katak investimentu  hotu nia objetivu tenke hasai povu husi  kiak no mukit iha parte hotu, povu tenke asesu ba infraestrutura hotu, laiha tan povu   balun maka moris iha area marxinalizadu, falta edukasaun, falta aihan, falta saude, falta be mos, falta kampo traballu, falta ba asesu informasaun, sosiedade hein ho espetativa tomak ba Governu foun no Parlamentu Nasional foun nia polítika hodi muda Timor sai fatin ida maka dignu ba ema hotu,  sei laiha tan disigualidade no oportunidade, laiha familiarismu, laiha nepotísmu, laiha tan belun diak, laiha tan koor, religiaun, ideologia, rasa, regiaun, ne’e hau nian, ida ne’eba o nian, no seluk tan.

        Lideransa ne’ebé  iha integridade sei sai mestre ba ukun diak tamba fiar metin tuir kumprimisiu tomak  durante ukun, ema ida-ida hein hela  lider sira nia seriedade hodi servi ho dedikasaun as, equilibriu iha desisaun no firmeza iha vontade, matenek hola responsabilidade ne’ebe justu ho fiar an nuné bele transforma sosiedade nia ezijensia tomak  ba dezenvolvimentu nasional ida maka sustentavel hodi hamenus kiak no reduz mukit, la fasil atu hola desisaun hotu tamba komportamentu lider sira nian kesi no kontrola ho lei,  Lider ida maka iha honestidade ba implementasaun lei ne’ebé sei la fihir ba liman lo’os no liman karuk. Karik Timor-leste la muda komportamentu ukun mak sei fragil tebes hodi transforma demokrasia ida maka diak no forte, tamba Governasaun ida maka la forte sei hetan difikuldade oi-oin durante governasaun bele iha posibilidade atu la atinje programa diak sira ba nasaun, forsa  iha integridade diak sei sai alternativa diak ba nasaun hodi sukat nafatin konfiansa hotu maka povu fó liu husi sira nia votus hanesan desisaun ikus nian hodi hili ukun nain sira  reprezenta.   Karik ita (ita boot no hau) iha posisaun lideransa ida maka visionér, integridade no iha sentimentu Estadu, ida ne’e bele sai sasukat ida mak importante, duke liafuan ne’ebe ita koalia, parte tolu né hanesan karakteristika ida mak importante ba ita, karakteristika tolu ne’e sei sai modelu ida hodi fó koor ba lideransa nia ukun, tamba lidera ho diak né laos hare ba personalidade organisasaun né kiik ka boot maibe oinsa lider ida atu tau koor ne’ebé kualidade ba organisasaun hirak né.

     Kultura organisaun sei sai forte liu bainhira lideransa sira matenek tau ko’or oi-oin, pinta ho estratezia hodi tau mehi oi-oin tuir nia fatin, tau prioridáde ho nia todan ne’ebé equilibriu, tetu iha dazin ne’ebé hanesan, ivíta atu fó todan liu ba parte balun, husi ida né todan sira sei hanesan no ema ida-idak sente todan no Kaman hanesan, tau ko’or ho kuidadu nafatin, atu atinze pintura ida maka iha nia valor artesenato, labele dezanima tamba hakarak pinta lais liu hodi manan titlu, tamba laos ida né maka mehi ne’ebé lolos, pinta lais ka neneik laos objetivu, maibe kualidade pinta, ida né numeru dahuluk, karik nune’e entaun lalika anze liu, pinta neneik maibe atinje duke pinta lais maibe la atinze kualidade.  Hanoin hirak ne’e atu ilustra deit katak Integridade mak fator determinante iha kultura organizasaun ne’ebé deit, tamba sai lider né identiku liu ho kultúra organizasaun ida, liu-liu iha desisaun sira ne’ebé sei abranze ba públiku tomak, karik la fasil atu hola desisaun sira maibe sai lider né laiha opsaun atu hili, tamba responsabilidade no todan ne’ebé nasaun fó no hili.***

Lee hotu :   EGOISMO LIDERS PARTIDOS POLITIKU AFEITA BA FORMASAUN ESTRUTURA VII GOVERNU KONSTITUSIONAL RDTL

Add to Comments Here!!!!

error: Content is protected.
Secured By miniOrange
You might also like:
XINA SEI AJUDA RO IDA BA PNTL

Governu Xina, tuir planu sei ajuda...

FRETILIN-PLP KONKORDA HO PRINSIPIU KOLIGASAUN

Partidu mais votadu FRETILIN ho Partidu...

CNRT APOIU GOVERNASAUN FRETILIN *PD prontu servi

Partidu CNRT kontinua firme iha nia...

Close