JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

DNTT husu mikrolet 03 ho 010 tenki tula pasajeirus

DNTT husu mikrolet 03 ho 010 tenki tula pasajeirus

Diresaun Nasional Transporte no Terestre (DNTT), Natalino do Rosario, husu ba sofer mikrolet 03 nomos 010 atu tula ona pasajeirus hanesan baibain, tanba tempu badak DNTT sei anunsia ba publiku kona ba tarifa sira ne’ebé pasajeirus tenki kumpri.

“Problema ne’e ami rezolve tiha ona tanba momentu ne’e sira halo karta ida mai atu oinsa ami bele halo avizu ida ba  komunidade sira konaba tarifa ne’ebé antes ne’e Governu fo sai ona katak, kada pasajeirus ne’ebé sa’e mikrolet tenki selu ho presu ne’ebé mak la hanesan ezemplu estudante kiik ka boot ne’e selu U$ 0,15 funsionariu ka servisu nain sira ne’e selu U$ 0,25 centavos,”Diretor Jeral DNTT, Natalino do Rosario ba Jornal Nacional Diário, via telefone, Kuarta (27/4/2017), relasiona ho mikrolet 010 no 03  loron rua hala’o asaun greve hahú husi Tersa (26/4/17) to’o Kuarta horiseik.

Natalino do Rosario haktuir, problema refere rezolvidu ona nune’e DNTT  halo hela anunsia kona ba tarifa mikrolet hodi fo sai liu husi media atu nune’e pasajerus hotu tenki selu tuir tarifa ne’ebé mak Governu fo sai ne’e.

“Agora ita halo hela anunsiu  ida atu fo sai ba media atu nune’e pasajeirus hotu selu tuir buat ne’ebé mak Governu fo sai,”nia dehan.

Tuir nia, rekomendasaun ne’e hato’o husi Segundu Vise Ministru Obras Publika atu husu ba mikrolet sira hodi hala’o sira nia servisu hanesan baibain.

“Ami hetan ona orientasaun husi Segundu Vise Ministru atu fo hatene ba mikrolet sira atu hala’o sira nia servisu hanesan bai-bain, tanba Governu sei anunsia liu husi kanal RTTL konaba tarifa ne’e,”nia esplika.

Lee hotu :   Defisil, Laleia oan halai natar segundu epoka

Tuir nia, hakarak ka lakohi mikrolet sira tenki  tula pasajeirus hanesan bai-bain tanba Governu sei rezolve problema refere liu husi meius ne’ebé mak kondutor no nain ba kareta sira hakarak.

Parte Seluk, Jeka Noronha, nu’udar nain ba  ba kareta nu’udar mos kondutor hatete, nia parte lolos hakarak halai nafatin  maibe tanba nia kolega sira seluk  mak foti dalan greve. Tanba ne’e, nia mos ho solidariedade tuir kolega sira la halai kareta. Maibe los duni tanba pasajerus  barak mak durante ne’e selu tarifa ladun diak.

“Ne’e la’os bosok tanba ha’u la’os deit nain, maibe ha’u lori rasik ha’u nia kareta, tanba ne’e ha’u haree ho matan pasaijerus sira nia hahalok, liu-liu estudante sira fo deit osan 010 centavos depois sira la’o la liga rai, entaun ha’u dala ruma lakohi tula estudante maibe la’os mos estudante deit sira ne’ebé servisu mos dala ruma halo hanesan ne’e hotu tanba ne’e mak ami diak liu para oituan,”Nain ba kareta ne’e hatete.

Tuir observasaun  Diário ne’e iha terenu nota katak ho asaun greve husi  mikrolet 010 nomos 03 durante loron rua ne’e halo pasajeirus liu-liu estudante barak mak hahú tauk hodi selu tuir tarifa ne’ebé mak Governu implementa.ola

Add to Comments Here!!!!

error: Content is protected.
Secured By miniOrange
You might also like:
Sim card telefone la rejistradu, sei desativa

Direktur Tecnico Autoridade Nacional Comunicasoins (ANC)...

Preparasaun ba selebrasaun 20 Maiu, Governu lufu-lafu de’it

Parlamentu Nasionál (PN), konsidera preparasaun ba...

PNTL garante seguransa tomada de posse Presidente Republika eleitu

Polisia Nasional Timor Leste (PNTL), Munisipiu...

Close