JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Mota Comoro sobu moru protesaun, Komunidade ejiji governu halo investigasaun

Mota Comoro sobu moru protesaun, Komunidade ejiji governu halo investigasaun

Komunidade Aldeia Lisbutak, Suku Bairopite, Munisipiu Dili no komunidade balun husi area Bee Duku, Suku Tibar, Munisipiu Liquiça, husu ba autoridade kompetenti atu halo investigasaun hasoru kompañia Chinez ne’ebe mak halo nia atividades investimentu hodi ke’e rai henek iha mota laran Comoro.

Komunidade Lisbutak ho Bee Duku preokupa boot ho atividades kompanha Chinez ne’e nian tanba keé kle’an mota laran hodi lori ameasas boot ba moru protesaun ne’ebe Governu gasta osan  selu kompanha nasional estabelese dau-daun.

Udan boot iha Domingu (26/3/2017),  hamosu dezastre ba komunidade Lisbutak ho Bee Duku ne’ebe hela besik iha mota ninin, tanba bee mota konsege sobu duni moru protesaun no lori uma 2 besik ponte Comoro III. Alem ne’e, kondisaun alkatraun iha Estrada area neba naksobu  total impaktu husi udan ne’ebe sobu moru protesaun.

Inisiu kedas, wainhira kompnaha Chinez ne’e halo mobilizasaun mota ninia ekipamentus iha mota laran, komunidade sira halo protesta ona, tanba komuidade sira preokupa kuandu ke’e bei-beik mota ne’e maka udan boot mota sei sobu moru protesaun sira no sobu mos ambientes iha mota ninian.

Komunidade balun fo sasin katak, wainhira sira halo protesta hasoru empreza Chinez nian kona ba ameasas sira atu mosu iha tempu udan, maibe autoridade Polisia Nacional Timor Leste (PNTL) sempre halo intervensaun. Komunidade hatene momos katak, investimentu ne’e sei fo impkatu la diak ba  sira.

Komunidade fo rajaun katak, wainhira kompanha Chinez mota nia ekipamentus pezadus iha mota laran, autormatikamente taka ona bee dalan hodi halo bee mota sulin la livremente ba tasi.  Tanba ne’e, wainhira bee boot mosu mai  tendensiu buka dalan seluk. Ironia liu, kompanha ne’e taka tiha bee dalan no kee fali fatin seluk liu tiha fali profunidade moru protesaun ne’ebe halo iha mota ninin.

Lee hotu :   UNIVERSITARIU SIRA ESPERA IV LEJISLATURA APROVA LEI ANTI KORUPSAUN

“Bee dalan sira taka tiha ho maki ne’e mak agora udan mai sobu tiha fondasaun no moru protesaun ne’ebe kompanha nasional halo ona tuir kontratu ho Governu,” hateten Delegadu Xefi Aldeia Lisbutak, Julio Goncalves Barreto, wainhira akompanha komunidade sira ba haree direitamente moru protesaun ne’ebe monu no Estrada sira ne’ebe naksobu, Segunda (27/3/2017).

Komunidade parte rua senti ‘ameasadu’ boot tanba kompanha Chinez ne’e mos komesa ke’e ona foho lolon, ne’ebe  bele fo ‘perigu’ torre eletrisidade lubuk ida ho mos tanki rezervatoriu bee mos ne’ebe Governu estabelese ona iha besik area neba.

“Ita nia kondisaun rai iha Dili ne’e rai labil hela, kaundu ke’e iha fatin ida sei dada malu monu hotu kedas. Se makina sira ne’e kontinua kee rai iha area ne’e, loron ruma moru protesuan sira ne’ebe hada husi sorin kuana nian sei monu hotu no ikus liu  ami nia uma sira sei ba para hotu iha mota laran,” hateten Julio Gonçalves Barreto, wainhira dada lia ho jornalista sira iha fatin akontesimentu.

Delegadu Xefi Aldeia Lisbutak, Julio Gonçalves Barreto, ho komunidade sira hato’o ona situasaun ne’e ba autoridade prezidensia Munisipiu Dili nian atu bele tun direitamente halo observasaun ba riskus ameas ba populasuan sira hela iha mota ninin.

Julio Barreto fo sasin katak, uluk kompanha Chinez ne’e seidauk halo projetu kee raihenek no leru fatuk, udan boot oinsa mos bee mota tun mai libre liu husi nia dalan. Maibe, agora kompanha refere mota makina pezadus taka bee dalan no halo mota sai klot liu tan hodi halo mota tenke buka dalan.Iha sorin seluk,  komunidade Aldeia  Lisbutak, Antonio dos Santos hatete impaktu husi udan boot no bee dalan klot, barazem neebe  Governu halo naksobu total. “Moru protesaun ne’e foin halo, maibe udan boot tun iha Domingo ne’e, sobu  moru protesaun sira ne’e hotu,” hateten Antonio. Iha fatin hanesan Guido Guterres, nudar komunidade husu ba Estadu atu hapara obra sira ne’ebe kompanha halao iha mota laran. Ai sempre ejiji, maibe wainhira ami ba halo protesta derepenti deit polisia mai butuk kedas hodi fo presaun ba ami. Tanba ne’e ami diskunfia talves projetu Chinez ne’e nian hetan mos protesaun husi ema boot balun,” hateten Guido Guterres.

Lee hotu :   KOMUNIDADE KONTINUA OKUPA AREA LAGOA TASI TOLU

Informasaun ne’ebe komunidade sira rona mos katak, Ministru Obras Publika (MOP) haruka ona karta ba kompanha sira neebe halo obra iha mota laran atu bele hapara sira nia atividades, maibe to’o agora seidauk iha resposta. Seluk fali, kompanha Chinez ne’e seduak hetan aturizasuan legal husi Autoridade Nasional Petrolium (ANP) atu bele halo invesitmentu iha mota laran.

“Kompanha ne’e tenki hetan sansaun ou multa tanba viola lei ne’ebe vigora iha nasaun Timor Leste. At liu tan, atividades ne’ebe kompanha ne’e halo hamosu dezastre no sobu moru protesaun ne’ebe Governu selu ho osan boot ba projetu ne’e,”  afirma komunidade balun ne’ebe rezeita publika ninia identidade.

Husi sorin seluk, Ministru Obras Publikas Transportes no Komunikasoens (MOPTK), Gastão de Sousa, horseik loraik, tuun kedas ba terenu hodi haree besik liu tan estragus ne’ebe akontese.

Ministru Gastão de Sousa mos husu ba kompanha atu koordena ho instituisaun kompetenti hodi rezolve lalais atu la bele prezudika tan komunidade lubun boot ne’ebe hela iha mota sorin.mia

Add to Comments Here!!!!

error: Content is protected.
Secured By miniOrange
You might also like:
Igreja preokupa problema dezempregu

Igreja liu husi Bispu Diocese Dili,...

Media sosial tenki respeita vontade popular

Reprezentante povu iha uma fukun Parlamentu...

Lei eleitoral ‘obstaklu’ ba vontade popular, Presiza hadia iha eleisaun jeral

Fator rua mak sai obstaklu boot...

Close