JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Dom Basílio konsidera situasaun VII Governu frágil

Dom  Basílio konsidera situasaun VII Governu frágil

Bispo Diocese Baucau, Basílio do Nascimento, ba GMN, Sabado (30/10) hatete, situasaun VII Governu Konstitusional ne’e frajil, tamba deputadu afavor governu iha deit kadeira 30 kompara ho deputadu opozisaun ho kadeira 35.

“Situasaun mak ne’e  Governu ne’e Frazil  liu husi aritematika Governu iha  30 deputadus afavor no opozisaun 35 deputadus  ne’ebé  ,wanhira  opozisaun vota kontra  Governu monu  ,normalmente  Governu fraku,“ dehan Basilio do Nascimento hafoin preside misa iha Nossa Senhora de Graça iha Posto Administrativu Vemasse, Munisipiu Baucau.

Tuir  Dom  Basilio do Nascimento katak, situasaun ida ne’e sai mós dezafiu ida ba kapasidade governu nian hodi hatene lori, hodi hatene aprenzenta programa oinsa ho programa ne’e monu iha nasaun nia hakarak, laos de’it ba partidu nia hakarak.

“Governu sira bele konkista membru sira husi opozisaun balun  atu vota  afavor ba governu nia  programa ida ne’e sai inisiativa kapasidade no negosiasaun ne’ebé  governu tenki dezenvolve no halo”dehan Bispo Diocese Baucau.

Lider maximu uma kreda Munsipiu Tolu nebe pretense ba Diocese Baucau nee husu ba lider politika  sira  ho  VII  Governu  ne’e  atu tau as  interese  nasaun  nian  doque  interese  partidaria  politika.

“Ha’u nia mensajen ba lider politika  sira  ho  VII  Governasaun  ne’e  Interese  nasaun nian  tenki  as  no bo’ot  liu interese  pesoal partidaria  no partidu politika  nian, tamba  partidu sira  ejiste  sira  ida-idak  hato’o sira nia  prespektiva  ba nasaun” hatete  Dom  Basilio  do  Nascimento.

Bispu Diocese Baucau Dom Basilio do Nascimento kongratula ba VII Governu ne’ebé prepara programa, partidu mais votadu forma koligasaun, biar koligasaun ne’e fraku, maibe sira deside la’o ba oin, biar Governu minoritariu, maibé sira hola desizaun ne’e  hodi  lori  ba oin.

Kona-bá membru partidu opozisaun ne’ebé hola parte mos iha governu, Dom Basilio Do Nascimento, sente ne’e inisiativa diak husi Primeiru Ministru Mari Alkatiri, tanba ne’e bele manan votus husi opozisaun.

Lee hotu :   Papa Francisco apresia istoria Timor

“Ha’u hanoin ne’e inisiativa diak, maibe Primeiru Ministru bele hola inisiativa hodi bele halo dialogu nune’e hotu-hotu tenki fó oituan no hotu-hotu fó lakon oituan ne’e duni saida mak Governu fó par abele manan votus husi opozisaun, maibe ne’e depende ba primeiru ministru ho nia Governu,”Bispu ne’e hatutan.

Tuir Bispu Basilio, karik governu ne’e la’o hodi monu iha dalan klaran, ninia hanoin Prezidente Repúblika bele bolu fali segundu partidu mais votadu hodi forma maioria parlamentar ou ba fali eleisaun antisipada. tos

Add to Comments Here!!!!

error: Content is protected.
Secured By miniOrange
You might also like:
Eis Deputadu balu privatiza ona kareta Prado ■Lakohi hatama ba PN

Deputadu sira ne’ebé la re-eleitu ba...

JORNAL NACIONAL GMNTV Loron-1 Fulan-Outubro Tinan-2017

Hermenegildo Pereira tama VII governu ■Semana oin simu posse

Membru sétimu Governu konstitusionál, ba faze...

Close