JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Papa Francisco apresia istoria Timor

Papa Francisco apresia istoria Timor

Lideransa máximu relijiaun Katolika iha Santa Sé Vaticano, Papa Francisco Jorge Mario Bergoglio apresia teb-tebes ho historia Timor-Leste, tanba antes Timor-Leste hetan ninia independensia liu husi historia naruk.

“Ha’u esplika ba Santa Sé situasaun Timor-Leste hahú husi tinan 1974, iha ai laran, tuun fali mai, iha tempu okupasaun Indonesia, to’o ikus há’u sai embaixador ne’e oinsa, Santu Padre rona ita informasaun sira ne’e gosta teb-tebes no nia hateten mai há’u katak ne’e informasaun ne’ebé furak no komunikasaun ne’ebé diak,” embaixador Timor-Leste ba Santa Sé, Egas da Costa Freitas ba jornalista sira hafoin enkontru ho Prezidente Repúblika iha Palasiu Prezidensial, Bairo Píte, Díli, Kinta (19-10-2017).

Nia esplika, hetan oportunidade koalia ho Santa Sé kuaze besik minutu 40 ba leten, maibé tuir protokolu loloos ne’e koalia minutu 20 de’it.

“Ita bele hateten katak mundu internasional, liu-liu Santa Sé akompaña hela situasaun iha Timor, ita nia rai koak no ás hira ne’e sira hatene, tanba sira asesu informasaun loro-loron,”dehan Egas da Costa Freitas.

Nia akresenta, Santa Sé ninia apoiu konkretu ba Timor-Leste primeiru maka ita ho Santa Sé halo tiha ona korkordata ida katak Timor-Leste ho Santa Sé ne’e bele intende malu.

”Akuzasaun ne’ebé uluk halo iha 1975 katak FRETILIN komunista ne’e bosok hotu, tanba informasaun ne’ebé maka sira rona ne’e uitoan de’it, maibé ha’u hato’o hotu ona buat diak no át ne’ebé akontese iha Timor-Leste, halo Santu Padre gosta atu rona informasaun Timor-Leste ninian ne’e,” haktuir Embaixador Timor-Leste ba Santa Sé.

Egas da Costa Freitas subliña, vizaun kooperasaun ba oin maka oinsa implementa konkordata ne’ebé Estadu Santa Sé no Timor-Leste asina tiha ona, hodi implementa iha terenu, nune’e hein katak ba futuru Estadu sei metin liu tan no servisu ba interese nasional ninian.

Lee hotu :   GHPE HUSU PNTL MANTEIN PROFESIONALISMU

“Hanesan ita boot sira hatene, ami sira ne’ebé maka lori naran diplomata ka embaixador ba iha ne’ebá ne’e halo buat importante haat (4) hanesan defende Timor-Leste, reprezenta Timor-Leste, promove Timor-Leste no ikus liu maka halo negosiasaun em nome de Timor-Leste,” nia hatutan.

Prezidenti fiar katak servisu ne’ebé embaixador Timor-Leste iha Santa Sé halo ne’e diak, nune’e hein katak embaixador Timor-Leste iha Santa Sé sei kontinua halo buat ne’ebé furak no forti liu tan iha futuru. Ves

Add to Comments Here!!!!

error: Content is protected.
Secured By miniOrange
You might also like:
Alkatiri: “Xanana konfia nafatin ha’u”

Primeiru Ministru (PM) Mari Alkatiri, halo...

Programa VII Governu la pasa Alkatiri: “Ha’u lakohi aprezenta tan”

Bankada opozisaun CNRT, PLP no KHUNTO...

Kbit Laek nia moris

Close