JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Igreja Katólika apoia esforsu Xanana • Gregorio: “Laiha Xanana ita bele susar”

Igreja Katólika apoia esforsu Xanana  •	Gregorio: “Laiha Xanana ita bele susar”

Igreja Katolika Timor Leste hamutuk ho sobrevitentes Masakre Santa Cruz, 12 Novembru 1991, fo apoiu totalmente ba esforsu hotu Negosidor Prinsipal Fronteira Maritima, Kayrala Xanana Gusmão, atu dada kadoras mina matan Greater Sunrice nian mai Timor Leste.

Prosesu negosiasaun fronteira maritima entre Australia ho Timor Leste iha ona solusaun diak no fo vantazen boot tenebs mai Timor Leste, tanba ne’e iha loron 6 fulan Marsu mai ne’e, Australia ho Timor Leste sei asina akordu iha nova Yorke hodi terima Timor nia soberanu total tasi nian.

Nudar asaun solidariedades sem rezelva ba negosiador principal Kaurala Xanana Gusmão nia esforsu luta ba fronteira maritime nian, Sabadu (17/2/2018), iha Semiteriu Santa Cruz, sobrevitens 12 Novembru 1991, hamutuk ho Igreja Katoliku Timor Leste, hasae missa atu husu tulun husi Nai Maromak no matebian sira fo kbi’it no hamahan Xanana Gusmão atu lori susu ba termina fronteira Timor nian ho Australia.

Padre David de Conçeicão Alves, ne’ebe preside misa ne’e hatenten iha nia homilia katak, intensaun principal husi misa ne’e fo apoiu tomak ba Maun Bo’ot Kayrala Xanana Gusmão, atu bele hetan kbiit hodi termina Timor oan nia direitu total ba fronteira maritima nian.

“Ita hamutuk ho ita nia reprezentante maun bo’ot Kayrala Xanana Gusmão, hakarak luta hamutuk ho ita nia maun hakarak luta hamutuk ho nia manan baliza Timor ho Australia baliza iha tasi laran ida ne’e mak ita nia intensaun lolos,” hateten Amo David de Conçeicão Alves.

Espiritualmente, Igreja ho Sobrevitentes sira hasae orasaun hamutuk inklui estudante no sarani ferik-katuas no labarik hodi dehan sira ne’ebe mate hakarak klaru, sira iha Maromak ninia futar oin foti liman ba Maromak atu desizaun ne’e lo’os los ba Timor oan nia direitu.

Lee hotu :   Komemora loron 20 Maiu, Prizioneiru Prizaun Bekora halo atividade doasaun ran

Nia informa mos katak, Diocese Dili hasai ona karta husu ba sarani sira kontinua reja paz no dame ba rai Timor no mos hamulak ba sobrevivente no mate restu sira ne’ebe mate ona iha fatuk leten, ai-kuak hamutuk foti liman ba Maromak husu Maromak nia tulun ba nia emar sira iha Timor.

Iha fatin hanesan, Prezidenti Komite 12 Novembru Gregorio Saldanha hateten, lá iha duvidas apoiu maun bo’ot Xanana, ema ne’ebe lá apoiu Maun Xanana, tanba la gosta Timor Leste di’ak.

“Sem duvidas, sé laiha Maun Bo’ot Xanana, ha’u hanoin bele susar tanba nia figura karismatik nomos apoiu povu Timor Leste tomak, Maromak nia tulun, no apiou Matebian sira hotu,” hateten Gregorio Saldanha.

Liu husi biban ne’e, Prezidenti Komite 12 Novembru husu ba joventude nudar futuru nasaun nian tenke aproveita, nudar estudante tenke estuda, servisu hatudu kualidade produtividade, tanba, prosesu ne’e la’o, sira katuas ne’e sei deskansa no aban bainrua naha todan iha future Joventude sira, se la iha preparasaun, ema rai seluk mak sei aproveita.

Husi sorin seluk, Padre José Antonio da Costa, hamutuk ho sarani lubun wain selebra misa iha Igreja Katedral Dili ho itensaun hasae orasaun ba Maromak hodi fo tulun no kbi’it ba Kayrala Xanana Gusmão, atu hetan susesu ba Timor nia futuru.

Nia hateten,  durante ne’e  ema barak koalia oi-oin tuir sira nia intrese, atu deside kadoras mai iha Timor hetan pusentu hira husi kadoras ne’e no ba iha Australia pusentu hira. Maibe, diak liu mak mai Timor tanba Timor nia direitu soberanu.

“Maibe ita hotu hatene katak se mai iha timor ita laos deit hetan vantazen husi mina rai deit, maibe bele absorve no dezenvolvimentu ekonomia Timor oan nian,” hateten Amo José Antonio.

Lee hotu :   MDS rezeita uza kareta estadu ba kampañia

Ministru Komérsiu Industria, António da Conceição, elozia ho servisu Xefi Negosiador Prinsipal Delimitasaun Fronteira Maritima, Kayrala Xanana Gusmão nia esforsu.

Tuir Antonio Conçeioção, katak, Xanana nia esforsu la’os ba nia an rasik, maibe sei lori rejultadu ba Timor oan tomak otas ba otas.

“Ho Xefi Negociador Principal Fronterira Maritima nia responsabilidade  tomak ba ita nia riku soin ne’ebe  ita nia rai tenke uza duni ba benefisiu komum ba ita nia polulasaun,” hateten Antonio da Conçeição. eus/ety

Add to Comments Here!!!!

error: Content is protected.
Secured By miniOrange
You might also like:
JORNAL NACIONAL GMNTV Loron-17 Fulan-Fevereiru Tinan-2018

Pro Memoria GMNTV Edisaun.10 versaun kompleitu

ETBU halo kongresu ba datoluk hodi troka estrutura Organizasaun

Organizasaun Naun-Governamental East Timor Blaind Union...

Close