JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Veteranus ho Sarani Bobonaro ‘hahii’ Maromak ho Matebian fo kbi’it ba Xanana

Veteranus ho Sarani Bobonaro ‘hahii’  Maromak ho Matebian fo kbi’it ba Xanana

Veteranus ho Sarani tomak Paroquia Bobonaro nian, Segunda (19/2/2018), marka missa especial hodi hasae orasaun no ‘hahii’ Maromak no matebian sira atu fo kbi’it ba Kayrala Xanana Gusmão, ne’ebe mak lidera hela negosiasaun fronteira maritima iha faze final ho Australia.

Iha tuku 09:00 Otl, labarik ki’ik, estudantes, juventudes, ferik-katuas ho  veteranus lubun wain, halbiur malu ona iha Igreja Paroquia  Santa Cruz, Bobonaro, hodi hadera-an partisipa iha missa sagradu ne’ebe mak preside husi   Padre Paroqu Valerio Gusmão.

Amo Valerio Gusmão iha homilia hateten, ukun an liu husi luta naruk ida, hanesan mos luta ba riku soin ne’ebe dau-dauk ne’e Xanana Gusmão luta hela. Ho nune’e, liu husi missa agradesementu ne’e bele fo agradese ba nai ulun sira nia luta no Xanana Gusmão nia luta ne’ebe halo ba povu tomak nia diak no gerasaun Timor oan hotu nia diak.

“Ita reza husi kbi’it ba Maromok atu tulun Xanana Gusmão atu lori prosesu fronteira maritima ne’e to’o nia rezultadu diak ba Timor oan tomak,” hateten Amo Valerio Gusmão.

Nia afirma katak, missa ne’e la’os atu halo kampaña, maibe tau intensaun boot ba riku osin Timor nian, ne’ebe Xanana luta ba Timor oan hotu nia diak. tanba ne’e, iha ida-idak nia orasaun atu reza nafatin ba Xanana hodi husi Nai Nia bensaun ba Xanana.

Hafoin misa agradesementu, veteranu no kombatentes sira hamutuk ho sarani Bobonaro  halo konvoiu hodi ba sunu lilin iha Osoario Maliana, hodi hamulak no rai lulik, fatuk lulik, ai-lulik, bee lulik no matebian sira atu kontinua akompaña  Xanana iha prosesu luta fronteira maritima nian to’o lori kadoras mina matan Greater Sunrice mai rai marain Timor Leste.

Lee hotu :   IGREJA HUSU FORMA GOVERNU HO PAZ

Iha fatin hanesan, Prezidenti Autoridade Munisipiu Bobonaro, Jeferino Soares dos Santos, hateten, Povu Timor Leste tomak li-liu povu Bobonaro hakarak kadoras Greater Sunrice   dada mai Timor, tanba ne’e liu husi misa agradesementu ne’e, husu tulun ba Maromak hodi hamahan no fo kbi’it Lider Rezistensia Kayrala Xanana Gusmão atu termina luta ne’e ba Timor nia diak tomak.

“Liu husi missa ne’e hakarak hato’o agradesementu ida hodi husu Maromak Nia bensaun no tulun ba Maun Xanana ho nia ekipa tomak ne’ebe oras ne’e halao servisu boot ba termina ita nia soberanu tasi nian ho Australia,” hateten Jeferino Soares dos Santos.

Nia fiar katak ho Timor oan hotu nia unidade no fielidade bele hetan rezultadu diak husi esforsu ne’ebe Xanana ho nia ekipa luta ba Timor oan hotu nia direitu no dignidade soberania.

Hafoin selebra tiha missa agradesementu ne’e, sarani sira, hamutuk ho veteranus no kombatentes, inklui autoridade seguransa sira halo konvoiu ba Osoario Maliana hodi sunu lilin no harohan ba matebian sira atu tulun Kayrala Xanana Gusa oh nia ekipa nia luta ba determinasaun fronteira maritima ho Australia.

Antes ne’e, sarani Katoliku husi Diocese Dili ne’ebe lidera husi Bispo Virgilio do Carmo da Silva, SDB, prezide missa agradesimentu iha   Jardim dos Herois Metinaro. Sarani lubun wian mos hasae orasaun missa agradesimentu iha Igreja Katedral Dili ho mos iha Semiteriu Santa Cruz, Dili, ne’ebe organiza husi mete restu 12 Novembru 1991.

Akordu delimitasaun fronteira maritima nian ne’e sei asina iha loron 6 Marsu tinan ne’e iha Nova Yorke, ne’ebe sei marka prezensa nudar mos testamuña husi Sekretariu Jeral ONU, Antonio Guterres. mia

Add to Comments Here!!!!

error: Content is protected.
Secured By miniOrange
You might also like:
JORNAL NACIONAL GMNTV Loron-20 Fulan-Fevereiru Tinan-2018

TL adapta-an lais tebes ho internet

Komunidade Timor Leste (TL) adapta-an lalais...

Abilio Oliveira Serreno: AIFAESA husu apoiu MP

Iha oportunidade ne’e, AIFAESA enkontru ho...

Close