JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Dom Virgílio husu AMP ukun ho Domin

Dom Virgílio husu AMP ukun ho Domin

Bispo Diocese Dili, Dom. Virgílio do Carmo da Silve husu ba koligasaun Aliansa Mundansa ba Progressu atu ukun ho domin, diak no humildade hodi haree povu nia moris diak.

Bispo Diocese Dili, Dom.Virgílio do Carmo hatoo apelo nee iha ninia homilia iha misa agradesementu nebe organiza husi Koligasaun Aliansa Mudansa ba Progressu, Kinta (17/5) iha Igreja katedral, Dili.

“Ita hakat mai iha Katedral ho intensaun ida deit, fo obrigado ba Nai Maromak ba

Eleisaun Antesipada ne’ebe la’o diak no hakmatek, ba nia sabedoria ne’ebe haraik ba nai ulun sira ne’ebe involve iha prosesu hotu husi preparasaun no ezekusan Eleisaun Antesipada ninian, ba matenek ne’ebe kuda ona iha Timoroan hot-hotu, hili ki’ik to’o boot, matenek no ne’ebe lamatenek, katuas ba foin sa’e, kuda ema hotu nia fuan no laran atu hot-hotu partisipa ho ativa no responsabilidade iha Eleisaun Antesipada to’o remata,” Homilia Bispu Dioseze Dili, Dom Virgilio do Carmo da Silva.

Lider masimu Diocese Dili hatutan, liafuan agradese no obrigado maka liafuan ne’ebe atu manifesta ita nia apresiasaun ba buat ne’ebe ita simu, ba favor ne’ebe ema seluk halo mai ita, ne’e atetudi ida ne’ebe marka ho vertude ne’ebe fundamental teb-tebes ka bele dehan humildade, ema ne’ebe fo obrigado, tanba nia rekonhese nia limitasaun, nia rekonhese ida seluk nia tulun no apoia, li-liu ita sira ne’ebe mai partisipa iha misa ne’e hodi rekonhese, li-liu Maromak nia tulun mai ita dala barak buat diak oi-oin atu ita hetan mai husi Nai Maromak, mais dala barak mos ita la apresia, hanesan moris vida, saude, família, amizade, haromonia no seluk tan, wainhira ita nia saúde ladiak maka ita foin buka Maromak, wainhira iha krime ruma maka iha momento ida ne’e maka komesa buka no presiza Maromak, ba buat ne’ebe goza hela la apresia.

Lee hotu :   PREZIDENTE REPUBLIKA PREOKUPA KAZAMENTU MISTA

Iha fatin hanesan, Prezidenti AMP, Kay Rala Xanana Gusmão, hateten AMP hamutuk ho ninia militantes tuir  misa nee hodi agradese ba Maromak, rai lulik, uma lulik no bei ala sira hotu.

“Amo Bispu mos fo lembra no iha liturgia temi katak se maka ukun tenke ukun ho domin, diak no humildade, hodi haree ba povu nia moris diak, labele ukun tuir hakarak, ne’ebe ami husu misa agradesementu halo mos reflesaun ida ba ami nudar responsabel ne’ebe lakleur tan sei kaer ukun,” hateten Prezidenti AMP.

Misa agradesementu ne’e prezide husi Bispu Dioseze Dili, Dom Virgilio do Carmo da Silva, akompanha mos husi amo konselebrante sira, partisipa husi Prezidenti AMP, Kay Rala Xanana Gusmão, Portavoz AMP, Taur Matan Ruak ho espoza, kuadrus no militantes AMP. Mia

 

Add to Comments Here!!!!

error: Content is protected.
Secured By miniOrange
You might also like:
Inspektor Jeral Jogus detein iha Sela PNTL Dili  FM: PNTL bele halo kapturasaun iha kualker fatin

Polisia Nasional Timor Leste (PNTL) ezekuta...

Komemora restaurasaun independensia ba tinan 16, UNTL realiza semináriu no expozisaun fotografia

Atu komemora loron restaurasaun independensia ba...

Lere: “Tinan 5 ita lakohi governu foun monu tan”

Xefi Estadu Maior Falintil Forsa Defeza...

Close