JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu husu povu hapara konsume mizone-rabisadu

Governu husu povu hapara konsume mizone-rabisadu

Governu Vise Ministro Comercio Industria e Ambiente (MCIA), Jacinto Gusmão Barros, husu ba negosiante no konsumedor sira iha teritoriu laran tomak atu labele fa’an no sosa tan ona, bebidas mizone, no rabisadu mentos, tanba sei fo impaktu negativu ba komunidade nia saúde.

Jacinto Baros hateten, hahú ohin ba oin, negosiante no konsumedor sira labele konsume bebidas Mizone no rabisadu, tanba tuir produtor ba bebidas no rabisadu refere, katak bebidas no rabisadu refere so bele sirkula deit iha Indonesia labele sirkula iha rai liur hanesan Timor-Leste no seluk tan.

“Ami halo ona inspesaun ba loja balun ne’ebé faan bebidas no rabisadu refere, tanba hafoin ita iha liña koordenasaun diak ho balai Pom Indonesia nian katak bebidas ne’e labele sirkula to’o iha ne’e, lolos iha deit Indonesia. Maibe realidade to’o ona iha ne’e kuaje tinan 10 ne’ebé iha ona ema barak mak consume, tanba ne’e atu molok afeta ita nia ema barak nia saude, MCIA servisu hamutuk ho Balai Pom Indonesia nian, halo ona teste iha laboratoriu Balai Pom Indonesia katak ne’e labele mai iha ne’e, tanba ne’e hahú ohin ba oin ami husu atu negosiante no konsumedor labele sosa hodi faan tan no labele hemu tan ona,”dehan Jacinto Barros ba Jornalista sira liu husi konferensia imprensa ne’ebé hala’o iha nia servisu fatin, Bebora-Dili, Kinta (17/5/2018).

Jacinto afirma, atu labele implika komunidade nia saúde maske durante ne’e komunidade barak konsume ona maibe seidauk tarde atu para. Tanba ne’e husu ba komunidade liu-liu, negosiante sira atu labele ba sosa sasan ne’ebé laiha lisensa tama iha Timor-Leste ne’ebé fo imkatu negativu ba komunidade sira.

Lee hotu :   Dom Virgílio fiar iha solusaun ba impase polítiku

“Maioria ita -nia kompañia sira ne’e ba sosa buat sira ne’e la’os iha fabrika maibe sira mos ba sosa tutan fali iha agen tanba ne’e nia rezultadu sira mai hanesan ne’e, ne’ebé lolos ita tenki hare’e,”dehan Jacinto.

Antes ne’e, MCIA mos lansa ona produsaun balun husi TL rasik hanesan Serveza, sabaun fase bikan, sabaun fase liman, Aqua, soklin hamorin ropa nian no seluk tan.

Tuir Planu, MCIA sei halo tan lei ida oinsa produsaun hotu ne’ebé mak tama iha Timor ka produs iha Timor tenki uza lian ofisial nune’e komunidade liu-liu labarik kiikoan sira bele kompriende, oinsa utiliza produsaun sira ne’ebé mak iha hanesan, sabaun fase bikan, sabaun fase liman, bebidas, inklui bee hemu no seluk tan.

“ita iha ona planu atu halo tan lei balun ne’ebé sei kompleta tan lei lubuk ida ne’ebé ita iha ona katak sasan saida deit mak mai tama iha TL, tenki hetan lisensa no tenki hakerek ho ita-nia lian ofisial, ne’ebé atu komunidade sira bele kompriende oinsa utiliza sasan ne’ebé mak ita nian halo maske nia produsaun iha rai liur maibe ekipamentus ne’ebé uza hodi halo ne’e husi ita-nia rain rasik,”dehan Jacinto.Ola

 

Add to Comments Here!!!!

error: Content is protected.
Secured By miniOrange
You might also like:
Komisaun Permanente kontinua lafunsiona hafoin EA

Komisaun Permanente (KP) iha Parlamentu Nasionál...

Aniceto Guterres prefere V lejislatura ezisti lalais

Prezidente Parlamentu Nasional (PN), Aniceto Guterres...

PNTL ho F-FDTL alerta kombate terrorizmu ■Oin foun sikat leet informa lalais

Komando Polísia Nasional Timor-Leste (PNTL) no...

Close