JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Loron Mundial Biodiversidade no Ambiente sei hala’o limpeza

Loron Mundial Biodiversidade no Ambiente sei hala’o limpeza

Atu komemora loron biodiversidade no meiu ambiente, Governu liu husi Ministeiru Komersiu no Industria realiza  seminariu ida hodi dezimina informasaun ba estudantes sira iha Eskola Sekundaria Teknika Vokasional STM Becora-Díli.

Diretor Jeral Meiu Ambiente, João Carlos Soares hatete, iha seminario ne’e governu sei organiza populasaun no estudantes sira hodi hala’o limpeza iha kapital Dili liu liu iha area tasi ibun sira.

“Ita realiza worshop ki’ik no desimina informasaun depois aban ita halo asaun konkretu ida ka limpeza jeral. Ita konvida liñas miniteriais nune’e mos konvida estudantes, ema hotu hotu  atu hamos tasi ibun no sei konsentra iha Lecidere nian ne’eba,” João Carlos Soares, ba jornalista sira Segunda-Feira (04/06/2018) ne’e iha STM, Becora, Dili.

Nia dehan tuir lolos loron bo´ot biodiversidade ne´ebe mak akontese tiha ona iha 22 de maiu selebra tiha ona, maibe lakonsege selebra tanba iha feriadu lubuk ida depois ita hasoru elisaun antisipada entaun buat sira ne´e lakonsege realiza tanba ne’e mak muda ba loron mundial ambiente nian hamutuk.

Tanba ne’e mak  tinan ida ne’e loron bo’ot 2 ne’e ida ko’alia konba atu selebra 25 anos protesaun ba biodiversidade depois dia mundial ambiente ne’e kona liu ba kombate polusaun plastiku nian. Entaun ligasaun loron bo’ot 2 ne’e mak ita tenta halo hamutuk iha ohin no mos aban.

“Lixu sai amiasa ba tasi, tanba foer ita soe arbiru entaun tempu udan mota lori hotu ba tasi, entaun plastiku sira ne’e bele amiasa ba ita nia biota tasi liu liu ba ahu ruin, parapa no mos ikan ki’ik sira ne’ebe mak atu moris labele dezenvolve an tanba plastiku sira ne’e taka tiha fatin ba animal ki’ik sira ne’e”.

Lee hotu :   TRABALHADOR INSPRI SECURITY HALO GREVE

Entaun ida ne’e mak fo hanoin atu bele intrudes programa ne’e hahu estudantes sira ka iha eskola, tanba agora dadaun diresaun nasional impaktu ambiental mos alerta hela atividade sira hanesan transforma agua mamuk ne’e sai fali ai funan no sasan sira seluk depois bele eduka ita nia estudantes sira para halo fali ba buat seluk ruma.

“Agora dadaun ita iha dekretu lei ne’ebe iha Ministeiru Administrasaun Estatal nian, maibe iha tinan governu konsege produs ona dekretu lei foun ne’ebe mak agora dadaun ita halo rejidu no solidu iha munisipiu sira hotu”.

Tanba ne’e governu mos iha ona planu atu habarak fatin lixu no kria lixu fatin, lixeiras iha tibar ne’e mos tenke dezenvolve ona no halo moderniza oituan para lixu balun ita bele uza no transforma fali ba buat diak balun. Tenik João Carlos Soares, Aes

Add to Comments Here!!!!

error: Content is protected.
Secured By miniOrange
You might also like:
PNTL-POLRI kaptura suspeitu AX iha Kupang

Polísia Nasional Timor-Leste (PNTL), ezekuta mandadu...

Deskonfia mosu familiarizmu Kandidatu traballador Australia hato’o keixa ba SEJT

Kandidatu  Trabalhadora ba Austrália  hato’o  Keixa ...

Embaixador Portugal louva maturidade povu TL

Embaixador foun Portugal ba Timor-Leste, José...

Close